Nabe Samuel 12:21 - Quiché Bible

²¹ Mebiterenej tak diosib e subunelab c'ut, ri man quecuin taj quetobanic mawi queto'tajisanic.

Nabe Samuel 12:21 Iomraidhean Croise

Ri Habacuc 2:18

¿Jas ta lo ri u patan ri josom che' aretak q'uisom u josic? ¿Jas ta ri u patan jun wächbal ri xuwi cac'aman bic pa banoj tzij? Ri e diosib man quecuin taj quech'awic; ¿Jas ta c'u lo cuban ri winak cäcuinic cujiquiba' ta u c'u'x chquij ri e are' c'u xbanowic?

Ri Jeremiy 16:19

Ajawaxel, chuk'ab xukuje' to'bal wib, nu panibal pa ri jok'otaj aretak xak quieb cubij panuwi'; uc' la quepe wi na ri nimak tak tinimit ri c'o tzam tak ri uwächulew, caquibij c'u na che la: “Xuwi e subunelab tak diosib, man c'o ta qui patan mawi c'o ta jas quecuin ta che qui banic xequic'am ri e ka mam che quechbal.

Ri Jeremiy 10:15

e banoj ri man c'o ta qui patan, e yabal tak tze', casachisax c'u na qui wäch rumal ri Ajawaxel pa ri k'atan tzij.

Ri Jeremiy 14:22

¿La c'o ta pu lo chquixo'l ri diosib ri quequik'ijilaj ri e k'ijilal tak diosib jun ri cäcuintaj cukasaj ri jäb? ¿La xak ta pa u lo pa rech wi ri caj quebutak ulok ri jäb? ¡Jayi', Ajawaxel, ka Dios! Lal ri' quebetak la ulok, lal ri' ri cäbanow la conojel we jastak ri'; ¡rumal ri' cujeyem che la!

U Camulixic ri Pixab 11:16

Chichajij iwib, masubataj c'u ne ri iwanima', quitas ta c'u ne iwib che qui patanixic jule' tak diosib chic quebik'ijilaj ta c'ut.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

Ri Jonas 2:8

Ri quequiterenej ri e diosib man e jic ta chic che la,

Ri Jeremiy 2:13

Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Isaiy 46:7

Cäquitelej paquiwi' ri qui teleb, cäquic'am c'u bic cäquiya' puwi' jun telebal, chila' c'u cäcanaj wi man caslab ta pa ri u c'olbal. Pune' sibalaj cäquirak qui chi' che u ta'ic ri u to'banic, man c'o ta jas cutzelej u bixic chque mawi cäcuinic quixucol chupam ri i c'axc'ol.

Ri Isaiy 45:20

“Chimulij iwib, chixpetok, chixkeb ulok iwonojel ri ix to'tajinak can pa tak ri tinimit. Xa' man c'o ta jas queta'm ri quequiwacatisaj tak ri e qui dios re che', quetz'onon c'u che jun dios ri man cäcuin ta quebucolo.

Ri Jeremiy 10:8

Conojel e are' e con, man c'o ta jubik' quetamanic. ¡Man c'o ta jas ri cacuin ta wi jun ch'akap che' ri quebutijoj ta wi!

Ri Jeremiy 2:5

Ri Ajawaxel cubij chiwe: “¿Jas ri lawaloyil xquirik ri e i mam pa ri in chi xenajtin chwe? Xebe chquij tak diosib ri man c'o ta qui patan, xukuje' c'u ri e are' xebux man c'o ta qui patan.

Ri Isaiy 41:29

Man c'o ta jun chque c'o ta jubik' u banic. Man c'o ta jas quecuin che u banic xa e banom tak diosib ri man c'o ta jubik' qui patan.”

U Camulixic ri Pixab 32:21

Xquiyac ri wächixomanic rumal jun dios ri man dios taj, xinquik'ak'arisaj cumal tak ri qui diosib ri xak e subunelab. Ri in xukuje' quinyac na ri cachixomanic rumal jun tinimit ri man tinimit taj, quinyac na coyowal rumal jun tinimit ri man cäraj ta c'o cuch'obo.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

U Camulixic ri Pixab 30:17

We c'u man quinimaj qui banic ronojel ri quinbij chiwe, xane' cäbe iwanima' chquij jule' tak diosib chic che qui k'ijilaxic, quixxuqui' c'u chquiwäch,

Ucab Ajawinelab 17:15

man nim ta xequil tak wi ri e u pixab, xukuje' ri c'ulwächinic ri xuban cuc' ri e qui mam, xukuje' tak ri takanic ri e u yo'm tak chque. Xeteri c'u chquij tak diosib ri man c'o ta jubik' qui cuinem, ri cumal c'u wa' xequitzak ri qui cuinem, are c'u xquiban quech jas ri xquiban tak ri winak ri e c'o che qui c'ulja, ri u bim ri Ajawaxel chque chi man cäquiban taj.

Ri Jonas 2:9

are c'u ri in, ruc' quicotemal quinjach na tabal tok'ob chwäch la; quintoj na ri chi'nic ri e nu banom chwäch la. ¡Xuwi ri lal Ajawaxel cäcuin la che to'tajisanic!”