Nabe Samuel 11:7 - Quiché Bible

⁷ Ri Saul xebuc'am juc'ulaj wacax xebuban ch'akatak chque, xebutak c'u tako'n xequic'am bic ri ch'akatak pa conojel ri qui tinimit ri aj israelib. Ri e tako'n je xquibij wa': “Je cäban na wa' chque ri u wacax ri winak ri man cunuc' ta rib ruc' ri Saul xukuje' ri Samuel, man cäteri ta c'u chquij.” Xemajix c'u ri winak rumal jun nimalaj xe'n ib, e je ta c'u ne xa jun winak xebel ulok che u junaxic quib cuc'.

Nabe Samuel 11:7 Iomraidhean Croise

Chapletajic 35:5

Aretak xebel bic chila', ri Dios xubano chi sibalaj xquixe'j quib tak ri tinimit ri e c'o apan chquinakaj, rumal ri' man c'o ta jun c'ax xquiban chque ri e ralc'ual ri Jacob.

Ucab Tzijobelil 14:14

Xekaj c'u paquiwi' conojel tak ri tinimit ri e c'o tak chrij ri Jerar, conojel c'ut xenoj che xe'n ib chuwäch ri Ajawaxel. Ri aj Juda xequik'olij conojel, e c'o c'u nimak tak k'inomal chquipam.

Ucab Tzijobelil 17:10

Conojel c'u tak ri e cajawibal tak ri ulew ri e c'o che u c'ulja ri Juda sibalaj qui xe'n quib chuwäch ri Ajawaxel rumal c'u ri' man caquichajij ta anima' che u banic ch'o'j ruc' ri Josapat.

Ucab Tzijobelil 19:7

Je ba' ri' nim chiwila' wi ri Ajawaxel kas chi xoc il che ri qui bano, rumal rech chi ri Ajawaxel ri ka Dios man xak ta cucoch'o chi cäban ta ri man suq'uil taj, ri jalan wächaj mawi ri u pa k'abaj.”

Ri Isaiy 8:13

Are' ri Ajawaxel ri c'o ronojel u cuinem ri ya'talic chi are tastalic; chuwäch wa' rajawaxic quixe'j wi iwib.

K'atal tak Tzij 19:29

Aretak xopan cho rachoch xuc'am jun cuchilo xuban cablajuj ch'akatak che ri man kas ta rixokil, xebutak c'u bic ri ch'akatak pa conojel ri tinimit re Israel.

K'atal tak Tzij 20:1

Conojel ri aj israelib, cächapletaj ulok pa Dan c'ä pa Beerseb xukuje' pa Galaad, xquimulij quib pa Mizpa e jacha' xa jun winak chuwäch ri Ajawaxel.