Nabe Samuel 11:11 - Quiché Bible

¹¹ Chucab k'ij, ri Saul xuban ox k'at chque ri rajch'ojab, c'ä majok c'u chi sakarok xeboc pa u niq'uiajil ri e kajinak wi ri c'ulel, xquiban c'u jun cämisanic chquixo'l ri aj amonib ri xbeytaj niq'uiaj k'ij. Ri man xecäm taj xquijabuj quib man c'u xecanaj ta can quieb ri xcuc'aj ta quib.

Nabe Samuel 11:11 Iomraidhean Croise

Chapletajic 22:14

Ri Abraham xucoj u bi' we c'olbal ri', ri u bi' ri xucojo are' wa': “Ri Ajawaxel cuya' ri cajwatajic.” Rumal ri' c'ä cäbixic: “Pa ri juyub, ri Ajawaxel cuya' ri rajawaxic.”

Ucab Samuel 18:2

Xutak c'u bic jun qui roxil ri banal ch'o'j chuxe' ri u takanic ri Joab, jun chic qui roxil xutak bic chuxe' ri u takanic ri Abisay, ral ri Sarb ri xukuje' rachalal ri Joab, ri jun qui roxil chic chuxe' ri u takanic ri Itay, ri quel pa Gat. Xubij c'u chque conojel ri ajch'ojab: “Ri in quinbe na iwuc' pa ri ch'o'j.”

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Elem 14:24

aretak c'u xpe u sakaric, ri Ajawaxel xebuca'yej ri ajch'ojab aj ejiptib pa ri jutac'aj k'ak' xukuje' pa ri jutac'aj sutz', xebuyojij c'ut;

Ri Matey 7:2

Je c'ut jas quiban ix che u k'atic tzij paquiwi' jule' chic, je cäban na chiwe ix, cak'at na tzij piwi', jas ri pajbal xicoj ix, je cäcoj na chiwe.

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.

K'atal tak Tzij 1:7

Ri are' c'ut xubij: “Ri in ojer, xebenk'at ri nimak u wi' qui k'ab e oxc'al lajuj (70) ajawinelab xukuje' ri nimak u wi' cakan, xebenya' c'u chuxe' ri nu mexa rech are cäquisic' ri cätzakic. Are c'u ri camic je u banom ri Dios chwe jas ri xinban chque ri winak ri'.” Xquic'am bic pa Jerusalen, ri xcäm wi.

K'atal tak Tzij 4:16

Are c'u ri Barac xerokataj ri ajch'ojab xukuje' tak ri carwaj c'ä pa Haroset-goim. Pa ri k'ij ri' man c'o ta jun rajch'o'j ri Sisara, xto'taj canok: conojel xecämic.

K'atal tak Tzij 7:16

Xujach c'u qui wäch ri oxib sient (300) achijab pa ox k'at, conojel xuya' jujun uc'a' chque, xukuje' jujun k'ebal ri man c'o ta u pam, ri c'o jujun k'ak' chupam ri cänicowic.

K'atal tak Tzij 7:20

ri oxib k'at achijab junam xcok'isaj ri cuc'a' ri ama'ib tak chij xequipaxij c'u ri k'ebal. Xquic'am bic ri chäj pa ri qui mox k'ab ri cänicowic, ri cuc'a' ri ama'ib tak chij cuc'am pa qui wiquiak'ab, cäquirak c'u qui chi' cäquibij: “¡Ch'o'j rumal ri Ajawaxel xukuje' rumal ri Jedeon!”

K'atal tak Tzij 9:43

xuban ox k'at chque ri e rajch'ojab, xuc'u' c'u rib pa tak ri k'ayes; aretak xerilo chi ri aj Siquem xebel ulok pa ri tinimit, xel ulok jawije' ri u c'u'm wi rib, xch'ojin c'u cuc'.

Nabe Samuel 11:2

Ri Nahas ri aj amon xutzelej u bixic chque: “Quinban jun c'ulwächinic iwuc', we quinimaj ri quinbij chiwe chi ri in quinwesaj ri i bak'wäch re i wiquiak'ab, rech jeri' queya' ri aj israelib pa yok'ic.”

Nabe Samuel 14:47

Jeri' ri Saul xumajij ajawinic pa Israel, xch'ojin c'u cuc' conojel ri e u c'ulel ri xebel ulok chrij pa ronojel c'olbal, e are c'u wa' ri Moab, ri Amon, ri Edom, ri ajawinel ri c'o pa Soba xukuje' ri aj pilisteyib. Apawije' ta ne ri cäbe wi che u banic ch'o'j, cäch'äcanic.