Juyuwem 5:1 - Quiché Bible

¹ Chnataj che la, Ajawaxel, ri ka c'ulmam; ca'y la chke, chila la ri ka yok'ic ri cäbanic.

Juyuwem 5:1 Iomraidhean Croise

Ri Nehemiy 1:3

Xquitzelej c'u u bixic chwe: “Ri xeto'taj canok, ri man xec'am ta bic pa jun ulew chic e canajinak can chupam ri ulew, e c'o chupam jun nimalaj c'ax xukuje' esbal q'uixbal. Are c'u ri Jerusalen, ri nim tapia ri c'o chrij, kasan pa ulew, ri e roquibal tak porotajinak rumal ri k'ak'.”

Ri Nehemiy 1:8

Chnataj che la chi xya' la u bixic chke chi we ri uj cujmacunic, cujjabuj na la ri' puwi' ronojel ri uwächulew;

Ri Nehemiy 4:4

Ri in c'ut xinban ch'awem ruc' Dios: “Ka Dios: tatabej la ri ka yok'ic cumal. Chbana' la chi che quikajbej tak ri e qui yok'onic, xukuje' chi chekaj ta pa u k'ab ri c'ulel chec'am ta c'u bic che pataninelab pa jun ulew chic.

Ri Job 10:9

Nataj che la chi t'ac xcoj la che nu banic: ¿La caban ta chi c'ula puc'uc' ulew chwe jumul?

Ri Job 7:7

Nataj che la, nu Dios, chi ri nu c'aslemal jacha' jun uxlabic, mawi c'u jumul quinrik ta chi na utzil.

Salmib 119:153

Chila la ri nu c'axc'obic, chinto'tajisaj c'u la, man elinak ta c'u ri tijonic la pa nu jolom.

Salmib 74:18

Mel pa jolom la, Ajawaxel, chi ri c'ulel cäyok'on che la, xukuje' tak winak ri man e c'o ta qui no'j queyok'on che la.

Salmib 79:12

Oh Ajawaxel, chya' la wukub mul rajil u q'uexel chque ri e ka c'ulja qui mac quech ri c'axc'obisanic ri qui banom che la.

Salmib 79:4

Cätze'x ka wäch cumal ri e ka c'ulja; uj yacal qui tze' joropa' ri cujilowic.

Ri Isaiy 62:6

Jerusalen, e nu cojom chajinelab paquiwi' tak ri a tapia ri mawi pa k'ij mawi chak'ab cäquitanaba' na u bixic: “Meyini' ri cäquinataj ri u bi' ri Ajawaxel,

Ri Jeremiy 15:15

Ajawaxel, lal chi eta'm la ronojel, ¡Chinnataj che la pet c'u la che nu to'ic! ¡Chya' la rajilal u c'axelal chque ri caquitzucuj u banic c'ax chwe! Sibalaj c'u macoch'on na la chque chi quinya' la pa ri cämical, chila la chi rumal ech la quinch'ij ri nu yok'ic.

Ri Jeremiy 51:51

Ri ix quixcha': “Cakana' q'uixbal aretak cäkata' ri cäban che ka yok'ic. Ri ka q'uixbal ri elinak cuch'uk ri ka palaj, rumal rech chi winak ri naj quepe wi e oquinak chquipam tak ri c'olbal ri sibalaj e tastalic ri c'o chupam ri rachoch Dios.”

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Juyuwem 1:20

¡Ajawaxel, chila la, ri c'axcolil ri in c'o wi! ¡Quinna' chi carokopij ri uwo nu c'u'x! Ri c'axc'ol cuxuculej ri wanima' aretak quinchomaj chi man coc ta ri tzij pa ri nu jolom. Jela' pa ri be ri ch'ich' re ch'o'j quebucämisaj tak ri e walc'ual, are c'u ri in c'o wi xukuje' c'o cämical.

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!

Juyuwem 2:15

Aretak catquil ri queboc'ow pa ri be caquipak'apa' qui k'ab che a yok'ic; quexulk'ubic caquislabaj c'ut ri qui jolom che retz'bexic a wäch, je c'u caquibij wa' che ri je'lalaj Jerusalen: “¿La are ta c'u tinimit wa' ri cabinaxic ri tz'akatalaj je'lical re ri uwächulew?”

Juyuwem 2:20

Chila la, Ajawaxel, choc la che u chomaxic chi mawi jumul c'o ta jun ri je ta banom la wa' che. Ri nanaxelab, ¿la quequitij ta na lo tak ri cal ri c'ä quetunic? Ri e cojol tabal tok'ob xukuje' tak ri e k'axal tak tzij ¿la quecämisax ta na lo chupam ri k'ijilabal ri cak'ilax wi la?

Juyuwem 3:19

Cänataj ri nu bis xukuje' ri nu tuquelal chwe, ri nu c'ayil xukuje' ri nu rikoj c'ax;

Juyuwem 3:50

C'ä ri Ajawaxel ri c'o pa ri caj caca'y na ulok chke chila' chicaj.

Juyuwem 3:61

Chetatabej la Ajawaxel, ri e qui il tzakoj xukuje' conojel tak ri qui chomanic che u banic c'ax chwe;

Ri Habacuc 3:2

Ri tzijol la ri quinto, Ajawaxel, xukuje' ronojel ri banom la, qui nu nojisaj che u ya'ic nimalaj k'ij la. Chebana' ba' la camic, pa ri ka c'aslemal, ri e nimak tak banoj la ri xeban can la pa jujun tak k'ijol, rech xukuje' ri uj cheketamaj tak qui wäch. Je wa' chbana' la che u c'utic chkawäch ri u tok'obisaxic ka wäch umal la pune' ta ba' pa u niq'uiajil ri oyowal la.

Ri Lucax 23:42

Te c'u ri xubij: “Jesus, chinnataj che la aretak lal c'o chic pa ri ajawibal la.”