Juyuwem 4:7 - Quiché Bible

⁷ Ri rachijab ri e cha'talic c'o na ri qui sakil chuwäch ri tew, c'o na ri qui sakil chuwäch ri leche; ri qui cuerp c'o na qui quiäkal chuwäch ri quiäk abaj ri coral; ri e u je'lical ri cakan qui k'ab e jacha' ri räx abaj ri sapir.

Juyuwem 4:7 Iomraidhean Croise

Ri Job 28:16

Man cuya' taj cätoj ruc' ri k'an puak ri sibalaj pakal na rajil, mawi cuc' k'inomal re je'lic tak abaj cornalin o sapir.

Ri Job 28:18

Ri no'j are sibalaj pakal na rajil chuwäch ri je'lic abaj aj plo (ri coral u bi'), xukuje' chuwäch ri cha abaj xukuje' tak ri perl,

Salmib 144:12

Ri e ka c'ojol queq'uiyic jacha' jujun tico'n chupam jun ticonijibal; ri e ka mia'l e je ta ne rakan tak ja ri banom quetz'balil ri quetok'en ri u wi' ri rachoch Dios.

Salmib 51:7

Chinjosk'ij la ruc' k'ayes re hisop, quinjosk'itaj c'u na; chinch'aja' la, sak c'u quincanaj na chuwäch ri sakalaj tew.

Elem 24:10

Chila' c'ut xquil wi ri u Dios ri Israel: ri tac'al wi je ta ne ri abaj zapir, ri sibalaj cäjuluwic junam u ca'yebal ruc' ri caj aretak man c'o ta sutz' c'o chuwäch.

Bixonic Tak 5:10

“Ri nu lok' räxbak'alic sakpak'alic, man sachbal ta chquixo'l ri mil tak achijab.

Bixonic Tak 5:15

Ri e u ch'ec e tak rakan ja re marmol ri co e tac'al paquiwi' tak tac'alibal re utzalaj k'an puak; ri u bantajic man sachbal taj jacha' ri e chacalte' re ri Libano;

Ri Daniel 1:15

Aretak xoc'ow ri lajuj k'ij, ri qui bantajic ri e are', are c'o na rutzil qui wäch xukuje' sibalaj e co na chquiwäch conojel ri alabom ri cäquitij que ri u riquil ri ajawinel.

Ri Lucax 1:15

Cux c'u na nim u k'ij chuwäch ri Ajawaxel. Man c'o ta u wa'l uva, man c'o ta tzam cutij na. Ri Ruxlabal ri Dios canojisan na c'ä majok chalaxok.

K'atal tak Tzij 13:5

cäc'oji' c'u na jun awal ala ri man cäkopix ta ri u wi'. Rumal rech chi we alaj ala ri' cätastaj na che u patanixic ri Dios jacha' nazarey, c'ä majok calaxic, rech are' ri cächaplen ri qui to'tajisaxic ri aj israelib pa qui k'ab ri aj pilisteyib.”

K'atal tak Tzij 13:7

Are c'u ri xubij chwe chi cäc'oji' na jun wal ala, kas c'u camic cächapletaj bic man quintij ta chi u wa'l uva, mawi jun uq'uia' ri cäk'abarisanic, mawi jun jasach ri tz'il, rumal chi ri alaj ala cätastaj na che u patanixic ri Dios jacha' nazarey kas c'ä majok chalaxok c'ä cäcäm na.”

K'atal tak Tzij 16:17

je c'u ri' chuq'uisbalil xuk'alajisaj chuwäch ri Dalil ri rawam: “Man c'o ta jun kopininak ta ri nu wi', kas c'ä majok chinalaxok xintas che u patanixic ri Dios jacha' nazarey. We cäkopix ri nu wi', quintzak na ri nu chuk'ab, quinux na sibalaj tuka'r jacha' jun apachique achi ri man c'o ta u chuk'ab.”

Nabe Samuel 16:12

Xtak c'u u siq'uixic rumal ri Isayi. Ri ala sibalaj quiäk u k'o'tz, c'amel xukuje' sibalaj utz ri u ca'yebal. Xubij c'u ri Ajawaxel che ri Samuel: “Are wa'. Chatwalij ba' chatasa' che ajawinel.”