Juyuwem 3:57 - Quiché Bible

⁵⁷ Pa ri k'ij ri chinsiq'uin che la saj la wuc', chbij c'u la chwe: “Maxe'j awib.”

Juyuwem 3:57 Iomraidhean Croise

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Ucab Ajawinelab 19:6

ri Isaiy xubij chque chi chiquibij che ri cajaw: “Ri Ajawaxel cubij: ‘Man caxe'j ta awib chque tak we yok'obal ri' ri xquibij ri e u tako'n ri ajawinel re Asiriy che nu yok'ic.

Salmib 138:3

Aretak xinsiq'uin che la xtzelej la ulok u wäch ri nu tzij, xukuje' xya' la u wi' ri nu chuk'ab.

Salmib 145:18

Ri Ajawaxel, nakaj c'o wi chque ri cäquinataj ri u bi', ri cäquinataj ri u bi' ruc' ronojel canima'.

Salmib 69:18

K'eb la ulok wuc', chincolo' la; ¡chinesaj la pa qui k'ab ri e nu c'ulel!

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 41:14

Ri Ajawaxel cujiquiba' u bixic: “Israel u tinimit ri Jacob, pune' xa at c'olic xukuje' at tuka'r, man caxe'j ta awib, in catinto'. In, ri Tastalicalaj u Dios ri Israel, in ri colol awech.

Ri Isaiy 58:9

We c'u quinasiq'uij, catinch'abej na we carak a chi' che u tz'onoxic ri nu to'banic, quinbij na chawe: ‘In c'olic ri'’. We catanaba' u banic c'ax chque ri awajil a tz'akat, we man quebatzur chic ri winak, mawi cawalijisaj jalum k'abam chquij,

Ri Jeremiy 1:17

Are c'u ri at chc'ol a chuk'ab; Jät jabij c'u chque ronojel ri catintak wi. Maxe'j awib chquiwäch, we c'u man jewa' cabano quinban na chawe chi catbirbit chquiwäch.

Hechos 18:9

Chak'ab pa jun c'utwächinic xubij ri Ajawaxel che ri Pawl: “Maxe'j awib; chatakej u ya'ic ri tijonic matanaba' tzijonem.

Hechos 27:24

Xubij c'u chwe: ‘Maxe'j awib, Pawl. Rajawaxic chi cattac'abax na chuwäch ri Sesar. Chatampe', rumal awech, ri Dios quebuto' na conojel ri e c'o awuc' pa ri nim jucub chuwäch ri cämical.’

Hebreos 7:19

Man c'o ta xtz'akatisax rumal ri u pixab ri Moises. Xpe c'u jun cu'lbal ka c'u'x ri sibalaj utz na, rumal wa' cujkeb ruc' ri Dios.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

Apocalipsis 1:17

Aretak xinwilo, xintzak chquiwäch ri rakan jacha' jun cäminak. Ri are' c'ut xuya' ri u k'ab re u wiquiak'ab panuwi', xubij: “Maxe'j awib. In ri' ri nabe xukuje' ri q'uisbal.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.