Juyuwem 2:9 - Quiché Bible

⁹ Ri tinimit man e c'o ta chi tz'apibal u chi' mawi e c'opibal tak rech: ¡Xepak'ix tak canok xepobax can tak cho ri ulew! Ri rajawinel xukuje' ri e u k'atal tak tzij e c'o chquixo'l tak ri e k'ijilal tak diosib; man c'o ta chic ri u pixab ri Dios. ¡Mawi ta ne tak ri k'axal tak u tzij quequil ta chic c'utwächinic ri cuya' ta ri Ajawaxel chque!

Juyuwem 2:9 Iomraidhean Croise

Ucab Ajawinelab 25:7

chuwäch c'u wa' xtakan che u k'atic qui kul ri e u c'ojol. Are c'u ri che ri Sedequiy xuya' takanic chi chec'otix ri u bak'wäch chcoj c'u pa tikom ch'ich' che u c'amic bic pa Babilon.

Ucab Tzijobelil 15:3

Ri Israel q'ui k'ijol canajinak man c'o ta ri kas Dios ruc', man c'o ta cojol tabal tok'ob catijonic man c'o ta tijonic re k'ijilanic cäya' ta che.

Ri Nehemiy 1:3

Xquitzelej c'u u bixic chwe: “Ri xeto'taj canok, ri man xec'am ta bic pa jun ulew chic e canajinak can chupam ri ulew, e c'o chupam jun nimalaj c'ax xukuje' esbal q'uixbal. Are c'u ri Jerusalen, ri nim tapia ri c'o chrij, kasan pa ulew, ri e roquibal tak porotajinak rumal ri k'ak'.”

Salmib 74:9

Man quekil ta chic ri e tastalicalaj tak ketal; man c'o ta chi jun k'axal tzij la; mawi ne keta'm joropa' junab cäbeytaj na wa'.

Ri Isaiy 24:12

Ri tinimit yojyobinak, ri oquibal muchmubinak.

Ri Jeremiy 14:14

Are c'u ri Ajawaxel xutzelej u bixic chwe: We je caquibij wa' ri e k'axal tzij pa ri nu bi', xa' cätajin caquiban banoj tzij. In man e nu takom ta bic, mawi nu yo'm ta jun takanic chque mawi ta ne e nu tzijobem. Xa' e u cawäch tak k'alajisanic, subunelalaj tak c'utwächinic, xak pa qui jolom e q'uiyinak wi. E are tak wa' ri quequiya' quibixic we e k'axal tak tzij ri'.

Ri Jeremiy 23:16

Cächa ri Ajawaxel ri c'o ronojel u cuinem: “Aj israelib, miya' i xiquin che ri cäquibij ri e k'axal tak tzij. Ri caquibij xa' e banoj tak tzij, jastak ri xak pa tak qui jolom cäpe wi, chi ri in man nu yo'm ta u bixic chque.

Ri Jeremiy 39:2

Pa ri ubelej rajilabal ri ucaj ic' re ri ujulajuj junab re ri rajawinic ri Sedequiy, ri ajch'ojab ri e c'ulel xeboc chupam ri tinimit,

Ri Jeremiy 39:8

Ri aj caldeyib xquit'ik k'ak' che ri rachoch ri ajawinel xukuje' chque tak ri ja ri e c'o chupam ri tinimit, xebequit'akij tak ri e u tapia ri Jerusalen.

Ri Jeremiy 51:30

Ri ajch'ojab aj Babilon xek'itaj che u tijic qui chuk'ab, xecanaj chupam ri to'bal tak quib; xechukchub ri qui chuk'ab je ta chi c'u ne ri quepe ixokib. Ri qui tinimit tak xemajilaxic ri cachoch tak xeporoxic.

Ri Jeremiy 52:14

e are' c'u ri ajch'ojab aj caldeyib ri e achilaninak xequit'akij tak ri nimak tak tapia ri e k'atininak rij ri Jerusalen.

Juyuwem 1:3

Man xuwi ta c'ut ri rikoj tak c'ax xukuje' ri c'axalaj tak chac, ri Juda cätajin cucoch' camic ri qui c'aslemal ri lok'om tak pataninelab. Ri cajawin nabe chquixo'l tak ri tinimit camic man curik ta uxlanem. Ri qui tzucum tak u banic c'ax che, xkaj pa qui k'ab xquinim c'u pa tak jutz'.

Juyuwem 4:15

Ruc' rakoj chi'aj xbix chque: “¡Chitasa' iwib, chitasa' iwib; e ch'uluj tak winak, mebinako! Xak e wacatelab ri man quejeki' taj, man ya'tal ta chque chi caquitakej c'aslem waral, quecha' ri e k'ijilal tak diosib.”

Juyuwem 4:20

Ri cha'tal rumal ri Ajawaxel oquisam pa che', ri cuya' chajin anima' che ri ka c'aslemal, ri ajawinel ri xkabij wi: “Chuxe' ri u mujal cujjeki' wi na chquixo'l tak ri tinimit.”

Ri Ezequiel 12:13

Ri in quinq'uiak na ri nu c'at puwi' quinc'amij c'u na ruc' wa'. Quinc'am c'u na bic pa Babilon, culew ri aj caldeyib, ulew ri man cacuin ta che rilic u wäch, chila' c'u cäcäm wi na.

Ri Ezequiel 17:20

Quinq'uiak na ri nu c'at puwi', cäkaj c'u na chupam; quinc'am na bic pa Babilon, chila' c'u quinc'äjisaj wi u wäch rumal rech chi man jic taj xbin chnuwäch.

Ri Ezequiel 7:26

Cäpe na quiäkasakil chrij quiäkasakil; itzel tak tzijol caquiterebela' tak quib. Xak lok' caquitzucuj jun k'axal tzij chuya' ta c'u jun k'alajisanic chque; man c'o ta cojol tabal tok'ob ri cäbin ta chque jas ri caquibano mawi nimak tak tatayib ri chyo'w ta qui no'j.

Ri Osey 11:6

Ri ch'ich' re ch'o'j cakaj na paquiwi' ri qui tinimit cuq'uis c'u na tzij paquiwi' ri e qui cowirisabal, cäsachisax na qui wäch rumal quech tak ri chomanic ri quequibano.

Ri Osey 3:4

Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

Ri Amos 1:5

Quebenjak tak na ri e u chi' ri tinimit Damasc pune' man cäcaj; quinsachisaj na u wäch ri cajawin pa Bicat-aben xukuje' ri cajawin pa Bet-Eden, e are' tak c'ut ri e aj Siriy rech e yutum quec'am na bic pa Kir.” Cächa' ri Ajawaxel.

U Camulixic ri Pixab 28:36

Ri Ajawaxel cuban na chi ri at xukuje' ri awajawinel quixc'am na bic pa jun nim tinimit chic ri man aweta'm ta, mawi xquetamaj ri e a mam. Chila' quebapatanij na qui diosib winak e re che', e re abaj,

U Camulixic ri Pixab 28:63

Jacha' ri xquicot ri Ajawaxel che u banic utzil chawe xukuje' che a pok'isaxic, camic cäquicot che ri awetzeletajic xukuje' ri u sachisaxic a wäch, aninak c'ut catbok na bic pa ri ulew ri catejekel wi na.

Nabe Samuel 28:6

Xutz'onoj c'u u no'j che ri Ajawaxel, ri Ajawaxel man c'o ta xutzelej u bixic che mawi pa u waram mawi rumal Urim, mawi cumal e k'axal tzij.