Juyuwem 2:6 - Quiché Bible

⁶ Jacha' jun eläk'om, xutokij ri u k'ijilabal xuyojij ri c'olbal ri queban wi ri mulin tak ib. Ri Ajawaxel xubano chi pa Sion quesach pa qui jolom coc'owisaxic tak ri e nimak'ij xukuje' ri k'ij que uxlanem. Pa ri u k'ak'al ri royowal, xuxutuj ri ajawinel xukuje' ri cojol tabal tok'ob.

Juyuwem 2:6 Iomraidhean Croise

Salmib 74:7

Xquiporoj ri cak'ijilax wi la ¡xquesaj u q'uixbal ri achoch la, xquit'akij c'ä cho ri ulew!

Salmib 76:2

Ri rachoch c'o puwi' ri juyub Sion, pa Jerusalen;

Salmib 80:12

¿Jasche xyojij la ri k'atibal rij, xya' la be chi quech'up tak ri e u uva cumal ri queboc'ow pa ri be?

Salmib 89:40

Xejak la jul chque conojel ri e nimak tak u tapia; ¡xeyojyobisaj la ri e u tinimit tak!

Ri Isaiy 1:13

Mic'am chi ulok sipanic chnuwäch ri man c'o ta qui patan, man quinch'ij ta ri qui sibal. Ri ix quisiq'uij ri tinimit che u ya'ic u k'ij ri c'ac' ic' xukuje' ri k'ij re uxlanem, ri in man quincoch' ta ri qui nimak'ij ri winak quequiban c'u etzelal.

Ri Isaiy 1:8

Xak u tuquel chic ri Sion tac'al canok, xak u tuquel chic jacha' jun cäbal pa u niq'uiajil jun ticbal uva, xak u tuquel chic jacha' jun cäbal pa u niq'uiajil jun ticbal melon, xak u tuquel junam ruc' jun tinimit ri sutim rij cumal ri c'ulel.

Ri Isaiy 43:28

ri e a k'atal tak tzij xquitz'iloj ri wachoch, rumal ri' xinya' be chi ri Israel, ri u tinimit ri Jacob, chi cäyojixic xukuje' cäyok'ic.”

Ri Isaiy 5:5

Quinbij c'u na chiwe ri xinchomaj u banic che ri nu ticbal uva: quinwesaj ri coral ri c'o chrij, rech cäsachisax u wäch; quinwor ri tapia ri c'o chrij, rech cätac'alexic;

Ri Isaiy 5:6

quinwonoba' na canok. Man cäjosk'ix ta chic mawi quebok ri k'ayes chupam, cänoj na che q'uix xukuje' che itzel tak k'ayes. Quinbij na chque ri sutz' chi man cäquitak ta chi ulok ri jäb puwi'.

Ri Isaiy 63:18

Man naj ta xbeytaj ri tastalicalaj tinimit la che rechbexic ri ulew. Ri e ka c'ulel xquixak'lej ri achoch la.

Ri Isaiy 64:11

Ri juluwemalaj c'olbal ri xujk'ijilan wi jawije' xk'ijilax wi la cumal ri e ka mam, xsach u wäch rumal ri k'ak'. Ronojel ri sibalaj lok' chkawäch etzelatajinak.

Ri Jeremiy 17:27

We c'u ri ix man qui nimaj taj ri nu takanic chi quitas ri k'ij re uxlanem xukuje' chi man quebicoj ta tak eka'n pa ri k'ij ri' pa tak ri oquibal pa ri Jerusalen, quincoj c'u na k'ak' chque tak ri oquibal chupam ri tinimit, jun k'ak' ri cusachisaj na qui wäch tak ri e cachoch tak ri ajawinelab ri e c'o pa Jerusalen man c'o ta c'u jachin ta jun ri cäcuinta che u chupic.’ ”

Ri Jeremiy 42:18

Ri Ajawaxel ri c'o ronojel u cuinem, ri u Dios ri Israel, je cubij wa': ‘Je' jacha' ri woyowal xukuje' ri nu c'anal ri xenicow paquiwi' ri aj Jerusalen, jeri' xukuje' quebenicow na piwi' ix xukuje', we quixbe pa Ejipt. Quixux na jun c'utbal re c'okobal, pa jun jasach ri cäxibinic, man quiwil ta chi c'u na u wäch we c'olbal ri'.’

Ri Jeremiy 45:4

quinutak c'ut chi quinbij chawe: ‘In quinyojij ri xinwoco, xukuje' quinbok ri xintiquiba'. Je c'u quenbana' che ronojel ri uwächulew.

Ri Jeremiy 50:28

(Winak ri xebanimaj ulok pa Babilon xebopan pa Sion caquitzijoj tak ri xuban ri Ajawaxel ri ka Dios chi u yo'm ri rajil u q'uexelal che ri Babilon rumal ri xuban are' che retzelaxic ri rachoch Dios.)

Juyuwem 1:4

¡Sibalaj e bisobal tak ri be ri quebe pa Sion! ¡Man c'o ta jachin ta jun ri cäpe ta pa tak ri nimak'ij! Ri e oquibal tak pa ri tinimit e tolonic, ri e cojol tabal tok'ob quebok'ic, ri c'ojolab quech'ibatajic ri Jerusalen c'o pa tak c'ayil.

Juyuwem 4:16

Ri u wächbal ri Ajawaxel xejabunic, man xuya' ta chi u wäch chque. Man nim ta chi xebil wi ri e cojol tabal tok'ob mawi xtok'obisax qui wäch ri ri'jab tak winak.

Juyuwem 4:20

Ri cha'tal rumal ri Ajawaxel oquisam pa che', ri cuya' chajin anima' che ri ka c'aslemal, ri ajawinel ri xkabij wi: “Chuxe' ri u mujal cujjeki' wi na chquixo'l tak ri tinimit.”

Juyuwem 5:12

Ri e c'ämal tak ka be xetzayibax chque tak ri qui k'ab, ri nimak tak tatayib man nim ta xeilic.

Ri Ezequiel 17:18

Ri are' xretz'bej u wäch ri chi'nic ri kas cäban na, ri u bim man xutz'akatisaj ta c'ut u banic ri c'ulwächinic; ri u yo'm u tzij che u banic, u banom c'u ronojel wa'. Rumal ri' man cäcuin ta na cuto'tajisaj ri u c'aslemal.

Aj Levitib 26:31

Quinban na chi quetz'inow can ri i tinimit tak, quinq'uis na tzij paquiwi' ri i k'ijilabal tak, man quebensik ta chic ri c'oc'alaj tak sipanic ri quichi'j tak chwe.

Ri Soponiy 3:18

jacha' ta ne pa jun k'ij re nimak'ij. Cacha' ri Ajawaxel: “In catinto'tajisaj c'u na che ri lawaloyil ri kajem cuban pawi', che ri q'uixbalil ri c'o pawi'.

Ri Malaquiy 2:9

Rumal ri', rumal rech chi man e nimaninak ta chwe xukuje' chi xak c'u u wi' chic, aretak quetijon chque ri winak man junam ta caquiban chque conojel, in quinban na chi ronojel ri tinimit itzel che il cumal chetzelex c'u qui wäch cumal.” Are' cabin ri Ajawaxel ri c'o ronojel u cuinem.