Juyuwem 2:4 - Quiché Bible

⁴ Ri Ajawaxel, jacha' ta ne jun c'ulel, xutanij ri q'uiakbal ch'ab, xucoj u chuk'ab ri u k'ab; junam ruc' jun c'ulelanel, xuc'äjij ri sibalaj je'l quilic; jacha' jun k'ak', xuq'uiak ri royowal paquiwi' ri winak ri e c'o chupam ri je'lalaj Sion.

Juyuwem 2:4 Iomraidhean Croise

Ucab Tzijobelil 34:21

“Jix jixetz'onon che ri Ajawaxel che nu q'uexwäch xukuje' che qui q'uexwäch ri winak ri e canajinak pa Israel xukuje' pa Juda, che ri cubij we wuj ri' ri rikom; sibalaj ba oyowarinak ri' ri Ajawaxel chke, rumal rech chi ri e ka mam man xeboc ta il che u tatabexic ri xubij ri Ajawaxel, mawi xquinimaj u banic ronojel ri tz'ibatal chupam we wuj ri'.”

Ucab Tzijobelil 34:25

In c'u qui tzakom canok qui porom c'u c'oc' k'ol chquiwäch tak diosib, qui yacom c'u woyowal cumal tak ri quequichacuj; rumal ri' tzijtajinak ri woyowal puwi' we c'olbal ri', man c'u cachuptaj ta na.

Ri Job 19:11

Xukasaj ri royowal panuwi' je ta ne ri u banom ta u c'ulel chwe.

Ri Job 6:4

Ri c'o ronojel u cuinem e u t'isom tak ri e ch'ab chwe, ri e qui k'inob quejuch'uch'ilab pa tak ri nu cuerp, ri Dios in u nojisam che xe'n tak ib cumal tak ri c'ax ri e u banom chwe.

Salmib 37:14

Ri e banal tak etzelal cäquijosij ri ch'ich' re ch'o'j cäquitanij ri qui q'uiakbal ch'ab che qui kasaxic ri mebayib ri man e nimak ta qui k'ij, ¡che qui cämisaxic ri utz qui c'aslemal!

Salmib 7:13

cuchaplej u q'uiakic tak ri u ch'ab ri quenicowic, ¡e suc'umatal chic ri e u ch'ojibal ri quecämisanic!

Ri Isaiy 42:25

Rumal ri' xpe royowal chquij xuc'äjisaj c'u qui wäch ruc' jun ch'o'j ri xak c'ätetal xpe paquiwi' ri xebunicowisaj pa k'ak' pune' c'u je xquic'ulmaj wa' man xcaj ta xech'obonic.

Ri Isaiy 63:10

Ri e are c'ut xquiyac quib chrij ri Ajawaxel, xquic'axc'obisaj ri u tastaliquil; rumal ri' xuban u c'ulel chque xuwalijisaj ch'o'j chquij.

Ri Isaiy 63:6

In nojinak che oyowal xebenxak'alej ri nimak tak tinimit, xinsach qui wäch ruc' c'anal xinbano chi xbin ri qui quiq'uel cho ri ulew.”

Ri Jeremiy 10:20

Ri nu lic'om ja yojyobinak, conojel tak ri e u c'amal e t'okopitajinak. Ri e walc'ual in qui tzakom canok, ¡Man e c'o ta chic! Man c'o ta chi jachin jun catanin ta ri e nu lic'om ja, ri quelic'ow ta tak ri u wi'.

Ri Jeremiy 21:5

Kas in c'ut quinch'ojin na iwuc' ix che i ch'äquic ruc' nimalaj u cojic ri cuinem xukuje' ruc' nicowelalaj oyowal xukuje' nimalaj k'ak'al.

Ri Jeremiy 30:14

Conojel tak ri e awachil xatquisach pa qui jolom; man queboc ta chi il chawe. Xa' c'u ne xatinsoco jacha' ta ne ri in ta a c'ulel, c'ax u c'äjisaxic a wäch xinbano qui mac quech ri jumulaj awetzelal qui mac quech ri e a mac ri man e ajilatal taj.

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Ri Jeremiy 42:18

Ri Ajawaxel ri c'o ronojel u cuinem, ri u Dios ri Israel, je cubij wa': ‘Je' jacha' ri woyowal xukuje' ri nu c'anal ri xenicow paquiwi' ri aj Jerusalen, jeri' xukuje' quebenicow na piwi' ix xukuje', we quixbe pa Ejipt. Quixux na jun c'utbal re c'okobal, pa jun jasach ri cäxibinic, man quiwil ta chi c'u na u wäch we c'olbal ri'.’

Ri Jeremiy 7:20

Rumal ri' in, ri Ajawaxel, quinjiquiba' u bixic chiwe chi quinkasaj na ronojel ri woyowal puwi' we c'olbal ri' paquiwi' c'u ri winak, xukuje' paquiwi' ri awaj, ri juwi' tak che' ri e c'o pa tak ri juyub xukuje' chque tak ri e qui wächinic tak ri ulew. Cäjunamataj ruc' jun c'atic ri man cachup taj.”

Juyuwem 1:13

Ri Ajawaxel u q'uiakom ulok jun k'ak' chicaj ri opaninak c'ä cho ri nu bakil; xulic' jun c'amibal pa ri nu be xuban chwe chi xintzelej chwij; in u jachom chupam ri wonobanic, chupam ri rikoj c'ax jok'otaj chi jok'otaj.

Juyuwem 2:5

Ri Ajawaxel je xubano jacha' cuban jun c'ulel: xuq'uistzij puwi' ri Israel; xebut'akij conojel tak ri nimak tak cachoch, xebut'akij tak ri e to'bal tak rib, xunojisaj ri je'lalaj Juda che c'axcolil chrij c'axc'olil.

Juyuwem 3:3

jumul camul pa apachique jok'otaj, cutak ulok ri c'ax panuwi'.

Juyuwem 4:1

¡E k'ekarinak c'ut ri k'an puak! ¡U tzakom ri u ruc'upinic ri coc'alaj k'an puak! ¡E jabuninak pa conojel tak ri xquina ri abaj tak rech ri tastalic k'ijilabal!

Juyuwem 4:11

Ri Ajawaxel xukasaj ronojel ri royowal xutzopij ri u c'amal ri u k'ak'al ri royowal; xut'ik k'ak' che ri Sion xusachisaj c'u u wäch c'ä chuxe'.

Ri Ezequiel 13:13

Rumal ri' ri in, ri Ajawaxel, quinbij: Pa ri woyowal quinban na chi cäpe jun quiakik' jäb; pa ri nu c'anal quinban na chi cak'ijk'ob ulok ri nimalaj jäb quekaj c'u na nimak tak sakbach jacha' ri abaj, che u sachisaxic u wäch ronojel ruc' oyowal.

Ri Ezequiel 20:34

Ri in quixinwesaj na chquixo'l tak ri tinimit xukuje' chquixo'l ri nimak tak tinimit jawije' ri ix jabutal wi, quintak ri nimalaj nu cuinem xukuje' quinc'äjisan wächaj ruc' oyowal.

Ri Ezequiel 22:22

Je jacha' ri cäban che u jarisaxic ri sak puak chupam ri jorno, je cäban na wa' che i jarisaxic ix pa u niq'uiajil ri tinimit, xuwi c'u jewa' quich'ob na chi in, ri Ajawaxel, nu kasan ri woyowal piwi'.”

Ri Ezequiel 24:25

Camic quinwesaj na ri cäyo'w qui chuk'ab ri aj israelib, ri are' ri wachoch ri ruc' ri u je'lical sibalaj quixquicotic, ri sibalaj cäkaj chiwäch quiwilo xukuje' sibalaj quiwaj. Xukuje' quebenwesaj na ri iwalc'ual chiwe chi alabom chi alitomab.

Ri Ezequiel 36:18

Xink'ij c'ut ri woyowal paquiwi' cumal tak ri cämisanic ri xequiban pa ri ulew xukuje' ri xquiban che rawasixic xequik'ijilaj ri e diosib.

Ri Ezequiel 5:13

Quinkasaj c'u na ri woyowal, quinwesaj na ri woyowal paquiwi', quinjamar c'u na. Aretak c'u kastajinak chic ri woyowal paquiwi', cäquetamaj c'u na chi in ri Ajawaxel are' ri xyo'w u bixic chquipam ri e rachixomanic.

Ri Ezequiel 6:12

Ri naj e c'o wi quecäm na cumal tak ri yabil, ri e c'o nakaj quecäm na rumal ri ch'o'j, are c'u ri quec'asi' canok quecäm na rumal wi'jal. Je quinban na wa' che u tojojexic ri woyowal paquiwi'.

Ri Ezequiel 7:14

Cok' ri trompet cäsiq'uin che u banic ch'o'j; conojel caquisuc'umaj quib, man c'o ta c'u jun cäbe ta chi che u tijic u chuk'ab. Quenc'äjisaj u wäch ri nimal ri cac'amow ri Israel ruc' oyowal.

Aj Levitib 26:17

In quinoc na che i c'ulel, quixsoc c'u na cumal ri e i c'ulel; ri cäquetzelaj i wäch quetakan na piwi' quixanimaj c'u na pune man c'o ta quixokatanic.

Ri Nahum 1:2

Ri Ajawaxel are' Dios achixomanel xukuje' ya'l rajil c'axelal: cuya' rajil c'axelal chque ri quec'ulelan che, cäpe c'u royowal chque ri qui banom qui c'ulel che.

Ri Nahum 1:6

¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.

U Camulixic ri Pixab 32:22

Nicowinak ri woyowal jacha' jun k'ak', copan na ri u nicowem pa tak ri c'olbal ri naj e kajinak cusachisaj na u wäch ri ulew xukuje' tak ri u wächinic, cucoj na k'ak' chquixe' tak ri juyub.

Nabe Samuel 28:16

Ri Samuel xutzelej u bixic che: “¿Jasche caban c'otoj chi'aj chwe, we at u wonobam chi can ri Ajawaxel, uxinak chi a c'ulel?