Juyuwem 1:8 - Quiché Bible

⁸ Ri Jerusalen sibalaj nim ri macaj ri u banom u banom c'ut chi xyataj che chi etzelam u wäch. Ri xeyo'w tak u k'ij nabe, camic caquetzelaj u wäch rumal rech chi quilom ri u ch'analiquil. Rumal ri' cätajin cok'ic, elinak u q'uixbal are cuya' ri uwo rachak.

Juyuwem 1:8 Iomraidhean Croise

Chapletajic 3:7

Pa ri jok'otaj ri' xejaktaj ri qui bak'wäch, qui cabichal c'ut xquil quib chi e ch'analic. Xequit'is u xak tak higo che ch'ukubal quib.

Nabe Ajawinelab 9:6

We c'u ri ix xukuje' ri e i c'ojol caquitas quib chwij, man quequitz'akatisaj ta tak ri e takomal xukuje' ri e pixab ri nu yo'm chque, xane' are que qui k'ijilaj jule' tak diosib chic,

Nabe Ajawinelab 9:7

in quinbok na ri Israel pa ri ulew ri nu yo'm chque, quinq'uiak na bic ri wachoch chnuwäch ri nu tasom xak xuwi chi c'u cayok' ri Israel chquixo'l conojel ri nimak tak tinimit.

Nabe Ajawinelab 9:9

Cätzelex c'u na u wäch ri u tzij are xbanowic chi xquixutuj can ri Ajawaxel ri qui Dios, ri xebesan ulok ri e qui mam pa Ejipt, rumal c'u rech chi are xbe qui c'u'x che qui k'ijilaxic xukuje' che qui patanixic jule' tak diosib chic; rumal c'u ri' ri Ajawaxel xubano chi xpe we nimalaj etzelal ri' paquiwi'.”

Ri Isaiy 47:3

Chilitaj na ri a cuerp ch'analic, je, chcanaj ri awe chisak. Quinya' na ri c'äjisabal a wäch, man c'o ta c'u jachin cäcuin che u k'atixic cuc' tak ri e u bochi'nic.”

Ri Jeremiy 13:22

We c'u cäc'ot a chi' jasche je cac'ulmaj wa', rajawaxic cawetamaj chi qui mac quech ri c'axalaj tak a mac; ¡rumal ri' at sanabam banom c'u c'ax chawe!

Ri Jeremiy 13:26

Xukuje' ri in utzalaj a sanabaxic quinban na, catinya' c'u na pa ri q'uixbal.

Ri Jeremiy 15:4

Quinban na chi conojel ri nimak tak tinimit pa ri uwächulew caquixe'j na quib che ri quenbana' na chque, rumal rech ri u banom ri ajawinel re Juda, ri Manases, ri u c'ojol ri Ezequiy pa Jerusalen.

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Jeremiy 4:31

Quinta' jun rakoj chi'aj jacha' ta ne re jun ixok ri quec'ol u nabeal; e are tak wa' ri e u rakoj tak chi'aj ri Sion, ri cach'ikowic, quebuyuk ri u k'ab cubij c'ut: ‘¡Tok'ob nu wäch! ¡Quinequicämisaj ri cämisanelab!’ ”

Ri Jeremiy 6:28

Conojel e are', Ajawaxel, sibalaj man ch'abexic ta cäcaj; e winak e tzelel tak tzij e jech'obinak; xa' e k'an ch'ich' xukuje' e räx ch'ich'.

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Juyuwem 1:17

Ri Sion culic' ri u k'ab che u tz'onoxic tok'ob, man c'o ta c'u jachin cacu'bisan ta u c'u'x. Ri Ajawaxel u yo'm takanic chi cäsutix rij ri Jacob cumal tak ri e qui banom qui c'ulel che; ri Jerusalen chque e are' jun jasach ri quetzelex u wäch.

Juyuwem 2:10

Ri e u ri'jab tak tatayib ri je'lalaj Sion quet'uyi cho ri ulew man quech'aw taj, quequiq'uiakala' ulew pa qui jolom quequicoj wakwoj tak atz'iak chquij. Ri c'ojolab aj Jerusalen quequipachba' ri qui jolom c'a cho ri ulew.

Juyuwem 4:21

¡Chattzenok, chatjajatok, nim tinimit aj Edom; at ri catajawin chupam ri rulew ri Uz! ¡Xukuje' chawe at copan wi na ri jutrik' c'ayil, cätux c'u na can k'abarel xukuje' ch'analic!

Ri Ezequiel 23:29

We winak ri' man catcaj taj, cäquiban na coyowal chawe, caquiban na quech che ri a ch'äcom ruc' ri a chac kas c'u catquich'anaba' canok; casani' canok ri a cuerp, ri xajach che macunic jacha ri cäquiban ri quech ri e nim ch'utin. Ri u tzokopixic awib xukuje' ri a macunic jacha ri que ri nim ch'utin

Ri Ezequiel 23:46

Are wa' cubij ri Ajawaxel: “Chumulij rib ronojel ri tinimit chquij, chubana' chque chi chquixe'j quib chebeläk'ax bic.

Ri Ezequiel 39:23

E are' tak c'ut ri nimak tak tinimit ri man e qui winakil taj cäquetamaj na chi ri aj israelib xec'am bic pa jun ulew chic rumal quech tak ri e qui mac, rumal rech chi man xebux ta jic chwe; are c'u ri in xintzalc'atij ri wij chquiwäch xinya' c'u c'olbal chi xech'äc cumal ri c'ulel, xequicämisaj c'u conojel chupam ri ch'o'j.

Ri Osey 2:10

Chquiwäch tak ri rach ch'aben quinya' na ri u t'analiquil chisakil. ¡Man c'o ta cäto'tajisan na pa nu k'ab!

Ri Osey 2:3

We man cubano quinchanaba' na canok: je quenbana' che jacha' ri k'ij ri xalaxic, quinban na che chi cux na jun chaki'j uwo sak, pa jun puc'uc' ulew, quinban c'u na che chi cäcäm rumal chaki'j chi'.

Apocalipsis 3:18

Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.