Juyuwem 1:18 - Quiché Bible

¹⁸ Ri Ajawaxel xuban ri takalic, rumal rech chi xebenc'ulelaj tak ri e u takanic. ¡Chinitatabej, tinimit iwonojel; chixoc il che rilic ri nu k'oxomal! ¡Ri e tak nu c'ojolab xukuje' tak ri e nu k'apojib e c'amom tak bic jacha lok'om patanijic!

Juyuwem 1:18 Iomraidhean Croise

Nabe Ajawinelab 13:21

ruc' c'u rakoj chi'aj xubij we nim winak ri' che we k'axal tzij ri': “Ri Ajawaxel u bim chi rumal rech chi man xanimaj taj ri takanic ri xuya' chawe,

Ri Esdras 9:13

Chwi c'u ronojel ri ka c'ulmam qui mac quech tak ri etzelal ri e ka banom xukuje' ri c'axalaj tak macaj ri e ka banom, pune' c'u ne man c'äjisam ta la ka wäch jas ri takal chke qui mac quech tak ri ka mac, xane' yo'm la we tzokopitajic ri' chke,

Ri Nehemiy 9:26

Man c'u xeniman taj, xquiwalijisaj quib chij la, xquetzelaj u wäch ri pixab la, xequicämisaj tak c'ut ri e k'axal tak tzij la, ri xequitzujuj tak chisak xquibij c'u chque chi chetzelej uc' la, xequiban c'u nimak tak macaj chwäch la.

Ri Nehemiy 9:33

Pune' c'u je c'ulmatajinak wa', ri lal, lal ch'ajch'oj che chak'maquil; ri lal, banom la wa' ruc' jiquilal, are c'u ri uj ka banom ri etzelal.

Salmib 107:11

u mac ri qui c'ulelaxic ri e u takanic ri Ajawaxel, u mac ri retzelaxic u wäch ri e u chomanic ri Dios aj chicaj.

Salmib 119:137

Ajawaxel, ri lal lal suc'; e colom c'ut ri pixab tak la ri e tz'ibam la.

Salmib 119:75

Ajawaxel, in weta'm chi ri pixab la ri e tz'ibam la e suc', chi c'o c'u rumal cäc'äjisaj la nu wäch.

Salmib 145:17

Ri Ajawaxel suc' pa tak ri e u be, banal utzil pa tak ri cubano.

Elem 9:27

Ri ajawinel xusiq'uij ri Moises xukuje' ri Aaron, xubij chque: “Quinch'obo chi in macuninak. In wa' in ajchak'mac xukuje' ri nu tinimit, man are ta ri Ajawaxel.

Ri Jeremiy 12:1

Ajawaxel, we quinec'ulelan che la, ri lal amak'el are c'o na rumal ri cäbij la; are ta c'u ne quinwaj quinc'ot ta chi' la che ri qui c'ulmatajic jujun jastak. ¿Jasche man c'o ta caquic'ulmaj ri itzel tak winak? ¿Jasche utz e c'olic ri man kas e jic taj?

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Jeremiy 4:17

Caquisutij na rij ri Juda jacha' ri caquiban ri chajil tak juyub, rumal rech chi xuwalijisaj rib chrij ri Ajawaxel. In, ri Ajawaxel, quinjiquiba' u bixic.

Ri Jeremiy 49:12

Je c'u wa cubij ri Ajawaxel: “We ri winak ri man takal ta u c'äjisaxic qui wäch, cäcuq'uiaj c'u na ri c'äjisabal qui wäch, man cuya' ta c'ut chi catcanaj ta at chi ma ta chc'äjisax a wäch, xane' cawuq'uiaj na awech.

Juyuwem 1:12

¡Ix, ri quixbin pa ri be, chixtac'al che u chomaxic we c'o k'oxomal jacha' ri wech in, ri sibalaj in c'axc'obinak rumal! ¡Ri Ajawaxel xtakow ulok we c'axc'obic ri' panuwi' aretak xnicow ri royowal!

Juyuwem 3:42

Ri e ka mac tak xukuje' tak ri e ka c'ulelanic, ¿la ma ta casach ka lo mac chque wa'?

Juyuwem 5:16

Xtzak ri ka corona ri c'o che ri ka jolom; ¡tok'ob ka wäch, chi uj macuninak!

Ri Daniel 9:5

Uj macuninak xukuje' ka banom ri etzelal; ka banom ri lawaloyil; xak uj c'olinak chi jeri' man kayo'm ta c'olbal che la pa ri ka chomanic; e ka xutum ri takomal la xukuje' tak ri takanic la.

Ri Daniel 9:7

Ri lal Ajawaxel, lal suc', are c'u ri uj ri uj aj judeyib elinak ka q'uixbal camic; ri e jekel pa Jerusalen xukuje' ri niq'uiaj aj israelib chic, ri e c'o nakaj xukuje' ri e c'o naj, ri e jekel pa tak ri ulew ri xeq'uiak wi la bic rumal rech chi man xeniman ta che la.

Ri Amos 8:13

Je'licalaj tak alitomab xukuje' alabom ri sibalaj c'o qui chuk'ab quechukchub rumal chaki'j chi' pa ri k'ij ri'.

Ri Soponiy 3:5

C'o c'ut ri Ajawaxel chupam ri tinimit; ri are' are cuban ri utz, man are ta ri lawaloyil. Ronojel ak'abibal cujekeba' u banic ri u suq'uilal. Are c'u ri itzel winak, mawi ne reta'm jas ri' ri q'uixbal.

Ri Zacariy 1:6

Xebopan c'u ne tak ri e nu tzij xukuje' tak ri e nu takanic, ri nu yo'm u bixic chque ri pataninel tak wech ri e k'axal tak tzij, xebopan cuc' ri e i mam. Xetzelej wa' wuc' xquich'obo' chi ri in, ri Ajawaxel ri c'o ronojel u cuinem, je xuban chque jacha' ri takal che ri qui c'aslemal xukuje' chque tak ri e qui banoj.’ ”

Romanos 2:5

Co c'u ri awanima', man caq'uex ta ri a c'u'x. Rumal ri', aretak cäpe ri royowal ri Dios paquiwi' ri winak, xukuje' cäpe na chawij at. Jewa' cäban na chawe aretak cäk'alajisax ri suc'alaj u k'atoj tzij ri Dios.

Romanos 3:19

Keta'm chi ronojel ri cubij ri pixab, chque conojel ri e c'o chuxe' ri pixab cubij wi, rech conojel ri winak man cuya' taj cäquibij chi man c'o ta qui mac, rech conojel ri winak cho ri uwächulew quec'oji' chuxe' ri u k'atoj tzij ri Dios.

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

K'atal tak Tzij 1:7

Ri are' c'ut xubij: “Ri in ojer, xebenk'at ri nimak u wi' qui k'ab e oxc'al lajuj (70) ajawinelab xukuje' ri nimak u wi' cakan, xebenya' c'u chuxe' ri nu mexa rech are cäquisic' ri cätzakic. Are c'u ri camic je u banom ri Dios chwe jas ri xinban chque ri winak ri'.” Xquic'am bic pa Jerusalen, ri xcäm wi.

Nabe Samuel 15:23

Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”