Juyuwem 1:16 - Quiché Bible

¹⁶ We jastak ri' quinquiya' pa ok'ej. Ri e nu bak'wäch quenoj che qui wal tak wächaj, man c'o ta c'u jachin jun ri c'o ta wuc' ri cacu'bisan ta nu c'u'x, man c'o ta jachin jun ri cuya' ta c'ac' chajin anima'aj chwe. Chquixo'l tak ri etzeletajic xecanaj wi can tak ri e walc'ual, are c'u xch'äcan na ri c'ulel chkawäch uj.

Juyuwem 1:16 Iomraidhean Croise

Salmib 106:42

Xexak'alex cumal ri qui c'ulel, xequimach'irisaj chuxe' ri qui cuinem.

Salmib 119:136

Nima' quech u wa'l wächaj queturuw tak chque ri nu bak'wäch, rumal rech chi man nim ta quil wi ri tijonic la.

Salmib 69:20

Ri yok'obal qui t'okopim ri wanima', ¡in chukchubinak chic man c'o ta chi nu chuk'ab! Xak lok' nu tzucum jachin ta ri cucu'bisaj nu c'u'x xukuje' quel ta u c'u'x chwe.

Ri Tzijonel 4:1

Xinya' c'u nu wäch chque ri c'axc'olil ri quec'ulmataj cho we uwächulew ri'. Xinwil c'ut chi ri banom c'ax chque quebok'ic, man c'o ta c'u jachin jun cacu'bisan ta qui c'u'x; ri e banal tak c'ax quequicoj tak chuk'ab chque, man c'o ta c'u jachin jun cacu'bisan ta qui cux.

Ri Isaiy 54:11

“¡Meba'laj tinimit, ri a rikom c'ax rumal ri cakulja, man c'o ta jun cäcu'bisan ta a c'u'x! In quebencoj na ri e awabaj puwi' ri räx abaj ri asabach, ri e a tac'alibal puwi' ri je'licalaj mex abaj ri sapir,

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 14:17

Chabij che ri tinimit ri quinbij chawe: ‘Cheturuw u wa'l tak nu wäch chi pa k'ij chi chak'ab, ri ma ta che tanic, rumal ri xibibalalaj u q'ueyowal ri c'o wi ri nu tinimit, rumal ri u socotajic ri sibalaj nimatajinak.

Ri Jeremiy 15:5

¿Jachin ta lo ri quel ta na u c'u'x chawe, Jerusalen? ¿Jachin ta lo ri cätok'obisan ta na a wäch? ¿Jachin ta lo ri coc ta na il che ri rutzil a wäch?

Ri Jeremiy 8:18

Ri nu k'oxomal man c'o ta cunabal che, ri wanima' cächukchubic.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Jeremiy 9:10

Chebok'ok xukuje' chech'ikowok pa tak ri c'ache'laj, quik'uyuyej jun juyuwem pa tak ri yuk'bal, rumal c'u rech chi e porotajinak chic man c'o ta chi c'u jun coc'ow ta chi chila'; man c'o ta chi qui wunem ri wacax quetatajic, xukuje' tak ri chicop ri querapinic xukuje' ri juyubal tak awaj xebanimaj tak bic.

Ri Jeremiy 9:21

“Ri cämical xoc chupam tak ri kachoch, xopan chupam tak ri cachoch ri ajawinelab; quebucämisala' tak ri ac'alab xo'l tak ri ja ri e ka c'ojolab chquipam tak ri c'ayibal.

Juyuwem 1:2

Cajik' pa ok'ej chak'abibal tak; ri e u wa'l tak wächaj quebelel tak cho ri u palaj. Chquixo'l tak conojel ri e rach ch'abem man c'o ta jun ri cacu'bisan ta u c'u'x. Conojel ri canima' quib ruc' e jachinelab quieb qui wäch; che qui banom qui c'ulel che.

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Juyuwem 2:18

¡Chatz'onoj che ri Ajawaxel chi chatuto', Sion, je'licalaj tinimit! ¡Chaya' che ri u wa'l a wäch chi chbelel chi pa k'ij chi chak'ab! ¡Matanaba' ok'ej, maya' chque ri e a bak'wäch chi chetanic!

Ri Osey 9:12

We c'u ne queticar che qui q'uiyisaxic tak calc'ual, in quebentokij na chque man c'o ta c'u jun quinya' ta can chque. ¡Tok'ob qui wäch we winak ri' aretak man in c'o ta chic cuc'!