Juyuwem 1:1 - Quiché Bible

¹ ¡Sibalaj xtolobax canok ri tinimit ri nojinak can chque winak nabe! ¡U wächbal malca'n canajinak wi ri nimalaj tinimit ri qui chuch tak ri tinimit! ¡Cojom chuk'ab che, che qui banic tak chac ri man carajtaj cubano: ri mialaxel que tak ajawibal!

Juyuwem 1:1 Iomraidhean Croise

Nabe Ajawinelab 4:21

Ri Salomon are' nim na u k'ij chquixo'l conojel ri ajawibal ri quechaptaj ulok chuchi' ri nima' Euprats quebetakal c'ä pa ri culew ri aj pilisteyib xukuje' c'ä pa ri u c'ulbatil ri Ejipt, ri xequitoj tak cuchuj ri xec'oji' c'u chuxe' ri u takanic ri Salomon joropa' k'ij ri xc'asi'c.

Ucab Ajawinelab 23:33

Ri ajawinel Necao xutz'apij pa che' pa Ribla, chupam ri ulew re ri Hamat, rech ma ta cajawin pa Jerusalen xucoj c'u chuk'ab che ri winak pa Juda chi rajawaxic cutoj oxc'al oxlajuj (73) quintal sak puak xukuje' oxib arob k'an puak.

Ucab Ajawinelab 23:35

Ri Joasim xujach che ri Necao ri sak puak xukuje' ri k'an puak ri cutok'ij wa', che c'u u tojic xutok'ij na jun cuchuj chque conojel ri winak ri e c'o pa ri ulew. Chquijujunal c'ut xquitoj ri alcabal ri xtok'ix chque ruc' ri sak puak xukuje' ruc' k'an puak ri alcabal ri xk'at chquij, rech cäjach che ri paraon Necao.

Ucab Tzijobelil 9:26

Ri Salomon are' ri sibalaj nim na u k'ij chquiwäch conojel tak ri ajawinelab ri e c'o chunakaj ri nima' Euprats c'ä pa ri culew ri aj pilisteyib xukuje' c'ä pa ri u c'ulbatil ri Ejipt.

Ri Esdras 4:20

chi xec'oji' tak ajawinelab pa Jerusalen ri nimak tak qui cuinem ri xetakan puwi' ri ulew ri c'o pa ri u kajebal k'ij che ri nima' Euprats, ri xtoj ri takal u tojic pa qui k'ab, xukuje' tak ri tojbal.

Ri Nehemiy 5:4

jule' chic jera' caquibij chi qui jolom puak che u tojic ri alcabal pa u k'ab ri ajawinel, are c'u xquiya' can tak ri culew che u tojic xukuje' tak ri uva ri e qui ticom. Caquibij c'ut xukuje':

Ri Nehemiy 9:37

Ri sibalaj cäwächin ruc' tz'ebenic ri quetakal pa qui k'ab tak ri ajawinelab, rumal quech tak ri ka mac, e cojom la pakawi'. Ri uj xukuje' tak ri e ka waj uj c'o pa qui k'ab, rech caquiban chke jachique tak ri cacaj. Rumal ri' sibalaj c'ax ka rikom.”

Salmib 122:4

Chila' quebopan wi tak ri ramak' ri Ajawaxel che u k'ijilaxic ri u bi', jacha' ri takanic ri yo'm che ri Israel.

Ri Isaiy 14:12

¡C'ax ri xac'ulmaj xattzak ulok chicaj ch'imil re ri u sakaric! Xatq'uiak ulok cho ri ulew, at ri quebach'äc ri nimak tak tinimit.

Ri Isaiy 22:2

Tinimit ri c'o wi tuquin ib xukuje' wojcorem, tinimit ri cäkaj ri ca'yem chuwäch, ri e a cäminak man ch'ich' re ch'o'j ta xecämisanic, man xecäm ta pa ri ch'o'j.

Ri Isaiy 3:26

Ri winak pa ri tinimit quebok' na, cäquicoj na atz'iak re bis, queya' na can qui tuquel.

Ri Isaiy 49:21

Cabij c'u na at pa ri awanima': ‘¿Jachin e yowinak we alc'ualxelab ri' chwe? Ri in man e c'o ta wal, mawi xincuin che qui ya'ic in esam bic pa ri nu tinimit, in c'amom bic pa jun ulew chic naj in c'o wi, ¿jachin xeq'uiyisanic? In yo'm c'u can nu tuquel, ¿jawije' xepe wi?’ ”

Ri Isaiy 50:5

Are' ri Ajawaxel yowinak nu ch'obobal, are c'u ri in man wach'iyirisam ta wib mawi nu tzolk'omim ta ri wij chuwäch.

Ri Isaiy 52:2

Chatwalijok, Jerusalen, chatota' ri ulew chawij, chatt'uyul chupam ri a tem re ajawibal. Sion, k'apoj, ri at uxinak jacha' lok'om pataninel, chawesaj ri eka'bal ri c'o chrij a wi'.

Ri Isaiy 52:7

¡Sibalaj je'l rilic ri ropanem tza'm tak ri juyub ri e ruc'am ulok utzalaj tak tzijol, ri e ruc'am ulok utzalaj tak tzijol aj jamaril, ri cuya' u bixic ri u torotajic ri Sion, cubij c'u che ri Sion: “Ri a Dios are' Ajawinel!”

Ri Isaiy 54:4

Maxe'j awib, man quel ta na a q'uixbal man catyok' ta na, mawi c'o jas catq'uix wi na. Cäsach na ri a q'uixbal pa jolom ri elinak aretak c'ä at ac'al na, man cänataj ta chi na chawe ri a q'uixbal ri xelic aretak c'ä at malca'n,

Ri Jeremiy 31:7

Cächa ri Ajawaxel: “Chixbixon rumal quicotemal xukuje' jajatem rumal ri u tinimit ri Jacob, ri nim na u k'ij chquixo'l conojel ri nimak tak tinimit. Chibana' chi chtataj ri qui bixoj xukuje' chibij c'ut: ‘Ri Ajawaxel xucol ri u tinimit ri to'tajinak can che ri Israel.’

Ri Jeremiy 40:9

Ri Jedaliy xujiquiba' u bixic chque ri chi'nic ri kas cäban na chque: “Mixe'j iwib che u cojic iwib chuxe' ri qui takanic ri aj caldeyib. Chixcanaj c'u can che jekelem chupam ri ulew, chi cojo iwib chuxe' ri u takanic ri ajawinel re Babilon, utz c'u quixel na.

Ri Jeremiy 42:2

xenakajin ruc' ri Jeremiy, k'axal tzij, xquibij c'u che: “Quekatz'onoj jun jasach chawe; mak'il c'u awib che u banic: Chabochi'j ri Ajawaxel ri a Dios pakawi', ri quieb oxib ri uj canajinak canok. Nabe sibalaj uj q'ui ulok, are c'u ri camic xa' uj quieb oxib uj canajinak canok, jacha' ri cawilo.

Ri Jeremiy 44:2

“Ri Ajawaxel ri c'o ronojel u cuinem, ri u Dios ri Israel, je cubij wa': ‘Ix xebiwil conojel ri nimak tak c'axc'ol ri e nu kasan puwi' ri Jerusalen xukuje' ri niq'uiaj tak tinimit chic aj Juda. Camic e yojyobinak man c'o ta jachin c'o ta chquipam

Ri Jeremiy 44:6

Xnicow c'ut ri woyowal xukuje' ri nu c'anal, xenicow c'ut jacha' jun k'ak' chquipam ri tinimit tak re Juda xukuje' pa ri u xo'l tak ja pa Jerusalen. E yojyobisam xukuje' e tolobam c'ä camic.

Ri Jeremiy 50:23

¡Ri Babilon, ri bajibal che ronojel ri uwächulew, paxtajinak, u banom ch'akatak! ¡Nimalaj xibibal caquina' ri nimak tak tinimit aretak caquilo jas ri u c'ulmam ri Babilon!

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Juyuwem 1:19

Xintz'onoj to'banic chque tak ri e wach ch'abem e are' tak c'ut ri e are' quieb qui wäch e jachinelab chwe. Ri e nu e cojol tabal tok'ob xukuje' tak ri e nu nimak tak tatayib xecäm chupam ri tinimit: ¡Quebinicat che u tzucuxic qui wa cuq'uia' rech cäc'astaj qui wäch!

Juyuwem 2:1

¡Sibalaj nim ri royowal ri Ajawaxel, chi u k'ekumarisam ri je'lalaj Sion! U t'akim ri u je'lical ri Israel pa ulew, jacha' ri u najil ri caj ruc' ri ulew; mawi c'u ne xnataj ta che, chupam ri royowal ri u tac'alibal ri rakan.

Juyuwem 2:10

Ri e u ri'jab tak tatayib ri je'lalaj Sion quet'uyi cho ri ulew man quech'aw taj, quequiq'uiakala' ulew pa qui jolom quequicoj wakwoj tak atz'iak chquij. Ri c'ojolab aj Jerusalen quequipachba' ri qui jolom c'a cho ri ulew.

Juyuwem 4:1

¡E k'ekarinak c'ut ri k'an puak! ¡U tzakom ri u ruc'upinic ri coc'alaj k'an puak! ¡E jabuninak pa conojel tak ri xquina ri abaj tak rech ri tastalic k'ijilabal!

Juyuwem 5:16

Xtzak ri ka corona ri c'o che ri ka jolom; ¡tok'ob ka wäch, chi uj macuninak!

Ri Ezequiel 26:16

Conojel tak ri ajawinelab ri e c'o pa ri plo quequijam can tak ri qui tem re ajawibal, quequesaj tak ri qui k'u' xukuje' tak ri catz'iak ri e tz'otim; e nojinak che xe'n ib quet'uyi' na cho ri ulew, ronojel ri jun k'ij quebirbitic e nojinak che xe'n ib aretak catquilo.

Ri Ezequiel 26:2

“Ri Tir yok'oninak che ri Jerusalen: ‘¡Aha, ri roquibal ri c'ayibal chquixo'l nimak tak tinimit banom ch'akatak che! ¡Camic opaninak ri nu k'ij! Quinnoj na che k'inomal are c'u ri are' cätoli' canok.’ ”

Ri Ezequiel 5:5

In, ri Ajawaxel quinbij: C'o we Jerusalen chi'. In xincojow chquixo'l tak ri tinimit xukuje' ri nimak tak tinimit.

Aj Levitib 26:31

Quinban na chi quetz'inow can ri i tinimit tak, quinq'uis na tzij paquiwi' ri i k'ijilabal tak, man quebensik ta chic ri c'oc'alaj tak sipanic ri quichi'j tak chwe.

Aj Levitib 26:33

Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Ri Soponiy 2:15

Are tinimit wa' ri nojinak che nimal ri jekelic ri u cuban u c'u'x, ri caquibij wi ri winak ri e jekel chupam chi man c'o ta chi jun junam ta ruc' ri c'o ta cho ri uwächulew. ¡Tolobam c'u canok jalwächitajinak pa qui warabal juyubal tak awaj! Joropa' ri queboc'ow chunakaj, quexulk'ubic caquiban c'u na qui palaj che retzelaxic u wäch.

Apocalipsis 18:7

jacha' ri nimal ri xc'amowic, sibalaj xoc'ow u wi' ri u k'inomal, xa junam chibana' ba c'ax che, chiya' pa bis, rumal rech chi cubij pa ranima': ‘In t'uyul che chuchu' ajawinel, man in malca'n taj, man quinwil ta na bis.’