Filemón 1:22 - Quiché Bible

²² Chasuc'umaj c'u apan ri wokxanibal. Cu'l c'u nu c'u'x chi rumal ri i ch'awem ruc' Dios, ri Dios cuya' na chiwe chi quinopan iwuc'.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Xuqujeꞌ chasukꞌumaj apanoq ri ja ri kineꞌkꞌol wi, rumal cher kuꞌl na kꞌuꞌx chirij ri Dios kinopan chi na iwukꞌ, rumal ri ichꞌawem.

K'iche'

²² Xukuje' quinbij apanok: Chabana tok'ob, chabana u banic jun c'olibal ri quinc'oji wi. Cu'l nu c'ux chrij ri Dios chi rumal ri oración ri quiban pa nu wi', ri Are' cuya na chiwe chi quinopan chi na iwuc'.

K'iche' (New Orthography)

²² Xuquje' kinb'ij apanoq: Chab'ana toq'ob', chab'ana u b'anik jun k'olib'al ri kink'oji wi. Ku'l nu k'ux chrij ri Dios chi rumal ri oración ri kib'an pa nu wi', ri Are' kuya na chiwe chi kinopan chi na iwuk'.

Filemón 1:22 Iomraidhean Croise

Hechos 27:24

Xubij c'u chwe: ‘Maxe'j awib, Pawl. Rajawaxic chi cattac'abax na chuwäch ri Sesar. Chatampe', rumal awech, ri Dios quebuto' na conojel ri e c'o awuc' pa ri nim jucub chuwäch ri cämical.’

Hechos 28:23

Xquich'ic c'u jun k'ij che, chi e q'ui quepe na chupam ri rachoch ri u kajom. Pa ri ak'abibal c'ä pa ri u benebal k'ij, ri Pawl xuk'alajisaj ri rajawibal ri Dios chquiwäch. Xucoj u chuk'ab rech quecojon che ri Jesus, jas ri cubij ri u pixab ri Moises xukuje' ri xequibij ulok ri e k'axal tzij.

Romanos 15:24

quinweyej c'ut chi quincuin che u banic pa ri nu benic pa España. Aretak c'u in quicotinak chic rumal ri iwilic, quinweyej chi ri ix quinito' che u takexic ri nu be.

2 Corintios 1:11

we ri ix cujito' pa ri i ch'awem ruc' Dios, we e q'ui cäquiban ch'awem ruc' Dios pakawi', e q'ui c'ut quemaltioxinic rumal rech ri tewichibal ri yo'm chke rumal ri Dios.

Filipenses 1:19

Weta'm chi ronojel wa' utz quel na chwe in, rumal ri i ch'awem ruc' Dios panuwi' xukuje' ri Uxlabaxel re ri Jesucrist ri quinuto'o.

Filipenses 2:24

Cu'l nu c'u'x chrij ri Ajawaxel, chi pa quieb oxib k'ij xukuje' ri in quinbe na iwuc'.

Hebreos 13:19

Sibalaj quixinbochi'j chi chibana' ch'awem ruc' Dios panuwi', rech sibalaj chanim quintzelej chi na bic iwuc'.

Hebreos 13:23

Quinwaj chi quiwetamaj chi ri kachalal Timotey xtzokopixic. We cäpe chanim, quinbe che iwilic junam ruc'.

Santiago 5:16

Chik'alajisala' ri i mac chiwäch. Chibanala' ch'awem ruc' Dios piwi', rech quixcunatajic. Sibalaj nim na u cuinem ri u bochi'nic jun suc'alaj winak.

2 Juan 1:12

E c'o q'ui jastak ri xinwaj xintz'ibaj ta bic chiwe, man xinwaj taj xinban ruc' wuj xukuje' ruc' tz'ibabal. Quineye'm c'ut chi quinbe na iwuc' rech cäkatzijobej na kib, jeri' cätz'akat ri ka quicotemal.

3 Juan 1:14

Cu'l c'u nu c'u'x chi quinwil na a wäch chanim, cäkatzijobej c'u na kib chwinakil.