Efesios 5:6 - Quiché Bible

⁶ C'o jun mixsubuw ruc' tak tzij ri man c'o ta qui patan. Cumal c'u we jastak ri' cäpe ri royowal ri Dios paquiwi' ri man queniman taj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Mixsubꞌutaj bꞌa rukꞌ taq ri tzijonem ri maj kupatanij, rumal chi rukꞌ waꞌ we jastaq riꞌ kape ri qꞌatoj tzij rech ri Dios pa kiwiꞌ ri man keniman taj.

K'iche'

⁶ C'o ba' jun mixsubuwic ruc' tak tzij ri man c'o tä qui patän. Rumal c'u wa' cäpe na ri nimalaj royowal ri Dios pa qui wi' ri winak ri man queniman tä che, cäc'äjisax c'u na qui wäch ri e are'.

K'iche' (New Orthography)

⁶ K'o b'a' jun mixsub'uwik ruk' taq tzij ri man k'o tä ki patän. Rumal k'u wa' käpe na ri nimalaj royowal ri Dios pa ki wi' ri winaq ri man keniman tä che, käk'äjisax k'u na ki wäch ri e are'.

Efesios 5:6 Iomraidhean Croise

Ucab Ajawinelab 18:20

¿La xa' pu cachomaj chi ri je'lalaj tak tzij xak junam qui k'ij cuc' ri nawinic xukuje' ri chuk'ab che u banic ch'o'j? ¿Jachin chrij a jiquibam wi a c'u'x chi xawalijisaj awib chwij?

Salmib 78:31

aretak xkaj ri royowal ri Dios paquiwi', xebucämisaj ri cowilaj tak achijab. ¡Xubano chi xecäm ri achijab ri sibalaj e utz na pa Israel!

Ri Jeremiy 27:9

Rumal ri', minimaj ri caquibij we e k'axal tak tzij chiwe, ch'obonelab o e k'alajisal tak ichic', mawi chque tak ri itzinelab ri quesubun che u bixic ri c'ä maja' cäpetic ri cäcoj i c'u'x cumal chi man qui coj ta iwib chuxe' ri u takanic ri ajawinel re Babilon.

Ri Jeremiy 29:31

“Chataka' u bixic chque ri e c'o chupam ri jun ulew chic chi in, ri Ajawaxel Dios, quinbij chque: Rumal rech chi ri Semaiy re Nehelam ix u tzijobem pa ri nu bi' ri man takom ta wumal, u yo'm c'ut jun u cawäch cu'lbal c'uxaj,

Ri Jeremiy 37:9

In, ri Ajawaxel, quinya' apan u bixic chiwe: Micu'ba' i c'u'x mawi mibij chi ri aj caldeyib quetzelej ta chquij, man je ta c'u wa'.

Ri Miquey 3:5

Ri nu tinimit e u takem tak ri be ri man e are taj qui mac quech tak ri e k'axal tak tzij ri quesubuwic, ri caquibij chque ri quetzukuwic chi c'o jamaril jachin tak c'ut ri man cäcaj taj quequitzuku caquibij chque chi cäpe ri ch'o'j paquiwi'. Ri Ajawaxel cubij chque tak we e k'axal tak tzij ri':

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Ri Matey 24:4

Ri Jesus xubij chque: “Chichajij iwib, c'o jun mixsubuwic.

Marcos 13:22

Quewalij na winak ri cäquijaluj quib chi e crist, cäquijaluj quib chi e k'axal tak tzij. Quequiban na etal xukuje' mayibal che qui subic we quecuin chque xukuje' ne ri e cha'talic.

Marcos 13:5

Ri Jesus xuchaplej u bixic chque: “Chichajij iwib c'o jun mixsubuwic.

Romanos 1:18

Quilitaj c'ut chi cäpe ri royowal ri Dios chicaj paquiwi' conojel ri winak ri man cäquiya' ta u k'ij ri Dios, ri cäquiban tak etzelal. Rumal ri etzelal ri cäquibano, man quetamax ta ri kastzij.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

Colosenses 2:4

Quinbij wa' chiwe rech c'o jun mixsubuw ruc' je'lalaj tak tzij.

Colosenses 2:8

Chiwila' iwib: miya' iwib chi quixc'am bic cumal ri cäcaj quixquisub cumal tak no'jinic xukuje' tak ch'äcabal ri xak e cawäch, we winak ri' man e tiquitoj taj pa ri Crist, xane' chquipam tak ri xak e qui no'jibal tak winak xukuje' chquipam ri cuinem ri quetakan puwi' we uwächulew ri'.

Colosenses 3:6

Cumal c'u we jastak ri' cäpe ri royowal ri Dios paquiwi' ri winak ri man queniman taj.

2 Tesalonicenses 2:3

Mixsub rumal jachin jun. C'ä majok c'ut we k'ij ri' cäpe na ri u c'ulelaxic ri Dios, aretak cuc'utunisaj rib ri itzel winak, ri c'okotajinak che ri sachbal wächaj.

Hebreos 13:9

Mixc'amalax bic cumal jule' tak tijonic chic ri e jalan chi wi. Are c'u utz na chi co quitiquiba' ri iwanima' chrij ri u tok'ob ri Dios, man chrij ta ri wa ja'. Ri je qui banom wa' man c'o ta xquechbej.

Hebreos 3:19

Cäkil c'ut chi man xecuin taj xeboquic rumal rech chi man xecojon taj.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.