Efesios 4:10 - Quiché Bible

¹⁰ Ri Jun ri xkajic, are ri' xukuje' xpaki' paquiwi' conojel ri caj rech quebunojisaj conojel ri jastak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri xqaj bꞌik chuxeꞌ ri ulew, are waꞌ ri xpaqiꞌ xuqujeꞌ bꞌik pa ri kaj, chunojisaxik ronojel.

K'iche'

¹⁰ Ri xkaj bi xe' ri ulew, are wa' ri xpaki bi sibalaj chicaj, más jela' puwi' ronojel ri caj chuc'utic chquiwäch conojel chi ri Are', man c'o tä c'olibal ri mat cäriktaj wi.

K'iche' (New Orthography)

¹⁰ Ri xqaj b'i xe' ri ulew, are wa' ri xpaqi b'i sib'alaj chikaj, más jela' puwi' ronojel ri kaj chuk'utik chkiwäch konojel chi ri Are', man k'o tä k'olib'al ri mat käriqtaj wi.

Efesios 4:10 Iomraidhean Croise

Ri Matey 24:34

Kastzij quinbij chiwe, chi c'ä maja' casach qui wäch ri winak ri e c'o cho ri uwächulew camic, conojel we jastak ri' quec'ulmax na.

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Ri Xuan 1:16

Konojel uj kac'amom ke ri u nojiquil, xukuje' tewichibal puwi' tewichibal.

Ri Xuan 19:24

Ri ajch'ojab xquibila' c'ut chquibil tak quib: “Mäkajixo, xane' chujtaklebenok, rech cäkilo jachin quechbenic.” Jewa' ri u tz'akatisaxic ri Tz'ibatalic ri je cubij wa': “Xquijach ri watz'iak chquiwäch, xquitaklebej c'u rij ri u pam watz'iak.” Are wa' ri xquiban ri ajch'ojab.

Ri Xuan 19:28

Oc'owinak chi c'u wa', reta'm ri Jesus chi ronojel tz'akatinak chic, rech c'u catz'akat ri Tz'ibatalic, xubij: “Cächaki'j nu chi'.”

Ri Xuan 19:36

Xebantaj c'u we jastak ri' rech cätz'akatisax ri Tz'ibatalic: “Man c'o ta bak cäk'ajisax na che.”

Hechos 1:11

Xquibij c'u chque: “Achijab aj galileyib, ¿jasche cätajin quixca'y chicaj? We Jesus ri' ri xc'am bic ajsic chiwäch pa ri caj, je jas ri xiwilo xbe chicaj, je cuban na wa' aretak cäpe chi na.”

Hechos 1:9

Xbitaj c'u wa' rumal, aretak ri e u tijoxelab cätajin queca'y che, c'äte xquilo xwalijisax ri Jesus. Xc'am bic rumal jun sutz', xsach bic chquiwäch pa ri caj.

Hechos 2:33

Ri Jesus xwalijisaxic rech quet'uyul pa ri u wiquiak'ab ri Dios, xuc'am c'u che ri Tataxel ri Ruxlabal ri Dios ri chi'm ulok, ri xujachala' ri are'. Are' wa' ri ilom alak xukuje' e tatabem alak.

Hechos 3:18

Je c'u xbantaj wa' jas ri u bim ulok ri Dios pa qui chi' conojel ri e k'axal tak tzij: chi ri u Crist curik na c'ax.

2 Corintios 12:2

Weta'm u wäch jun achi cojonel che ri Crist, c'o chi cajlajuj junab wa' camic, xc'am bic c'ä pa ri urox caj. Man weta'm taj we xc'am bic pa ri cuerp, we man pa ri cuerp taj. Ri Dios reta'm.

Efesios 3:19

Quintz'onoj che ri Dios chi quiwetamaj ri lok'ok'ebal u c'u'x ri Crist, ri coc'ow na chuwäch apachique etamabal, rech cänojisax ri iwanima' che ri Dios.

Colosenses 1:19

Xraj c'ut ri Dios chi cajeki' ronojel ri are' pa ri Crist,

Colosenses 2:9

Rumal rech chi ruc' ri Crist jekel wi ronojel ri u nojiquil ri Dios chi winakil.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Hebreos 4:14

C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Hebreos 8:1

Ri u c'u'x ri ka bim are wa': Chi je u beya'l wa' ri qui nimal ri cojol tabal tok'ob ri kech uj xt'uyi' chicaj pa ri u wiquiak'ab ri u tem ri Dios re ajawibal, ri nim u k'ij ri c'o pa ri caj,