Efesios 2:12 - Quiché Bible

¹² Chnataj chiwe chi ojer canok man c'o ta ri Crist iwuc', man c'o ta iwe chque ri winak aj Israel, man c'o ta iwe che ri e u c'ulwächinic ri Dios mawi che ri e u chi'm. Xak ix c'o cho ri uwächulew, man c'o ta can ri Dios pa iwanima' mawi c'o cu'bisabal i c'u'x.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Che ri qꞌotaj riꞌ naj ix kꞌo wi che ri Cristo, man ix aꞌj Israel taj, naj ix kꞌo wi che ri bꞌiꞌtal kanoq, maj ikuꞌlibꞌal kuꞌx xuqujeꞌ man kꞌo ta ri Dios iwukꞌ.

K'iche'

¹² Nabe canok man ix cojoninak tä che ri Cristo. Man ix jun tä cuc' ri winak aj Israel. Man c'o tä iwetam chrij ri xuchi'j ri Dios chque ri winak ri e cha'tal rumal ri Are', man c'o tä c'u iwe che ri xubij ri Dios pa tak ri ojer tak tratos ri xuban cuc'. Man na'tal tä ri Dios chiwe, man c'o tä ri cu'l wi i c'ux waral cho we uwächulew.

K'iche' (New Orthography)

¹² Nab'e kanoq man ix kojoninaq tä che ri Cristo. Man ix jun tä kuk' ri winaq aj Israel. Man k'o tä iwetam chrij ri xuchi'j ri Dios chke ri winaq ri e cha'tal rumal ri Are', man k'o tä k'u iwe che ri xub'ij ri Dios pa taq ri ojer taq tratos ri xub'an kuk'. Man na'tal tä ri Dios chiwe, man k'o tä ri ku'l wi i k'ux waral cho we uwächulew.

Efesios 2:12 Iomraidhean Croise

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Ucab Tzijobelil 15:3

Ri Israel q'ui k'ijol canajinak man c'o ta ri kas Dios ruc', man c'o ta cojol tabal tok'ob catijonic man c'o ta tijonic re k'ijilanic cäya' ta che.

Ri Esdras 4:3

Are c'u ri Zorobabel, ri Jexu xukuje' ri e jule' chic c'ämal tak qui be ri jujun tak ja winak aj israelib xquitzelej u bixic chque: “Man ya'tal ta chke chi cujito' ta che u banic u yaquic chi jumul ri Rachoch ri ka Dios, xak xuwi ri uj ka tuquiel cäkaban na u banic u yaquic che ri Ajawaxel, ri Dios re Israel, je c'u wa' ri takanic ri u yo'm ri Sir chke, ri ajawinel re Pers.”

Elem 12:45

Ri man i winakil taj ri xa rokxanim rib, o ri ajchac ri tojom ruc' puak, man ya'tal ta che chi cutij re ri awaj,

Ri Isaiy 14:1

Je, ri Ajawaxel quel na u c'u'x che ri Jacob. Cuc'am chi na ri Israel jumul jas ri nabe, cuban na chi ri aj israelib quetzelej chi na pa ri culew. Ri man aj israelib ta quepe na cuc', caquijunaj na quib ruc' ri u tinimit ri Jacob.

Ri Isaiy 44:6

Ri Ajawaxel, ri ajawinel xukuje' torol c'u re ri Israel, ri Ajawaxel ri c'o ronojel u cuinem cubij: “In ri nabe xukuje' ri q'uisbal chnuwäch in man c'o ta chi jun dios.

Ri Isaiy 45:20

“Chimulij iwib, chixpetok, chixkeb ulok iwonojel ri ix to'tajinak can pa tak ri tinimit. Xa' man c'o ta jas queta'm ri quequiwacatisaj tak ri e qui dios re che', quetz'onon c'u che jun dios ri man cäcuin ta quebucolo.

Ri Isaiy 61:5

Ri winak ri man e awinakil taj quecoj na che qui chajixic tak ri jumulaj, ri juyub tak xukuje' ri e ticbal tak i uva.

Ri Jeremiy 14:8

Eyebal u c'u'x ri Israel, ka Colonel pa tak ri c'axalaj tak k'ijol, ¿Jasche cäban ib la chi man lal ta aj tinimit, jacha' jun binel ri xak xuwi ta cacanaj che roc'owisaxic ri ak'ab?

Ri Jeremiy 17:13

Ajawaxel lal ri' ri eyebal u c'u'x ri Israel. Ronojel ri catzakow la canok cacanaj pa q'uixbal. Ronojel ri cunajtajisaj rib che la cäsach na u wäch jacha' jun bi'aj ri tz'ibam pa ri puc'uc' ulew, rumal ri tzakic la canok, ri bulbux ja' ri cajororic.

Ri Ezequiel 13:9

Quinwalijisaj ri nu k'ab che u c'äjisaxic qui wäch ri e k'axal tak tzij ri caquil u cawäch tak c'utwächinic ri tzij c'ut ri quequik'axej xa' e banoj tak tzij. Man quecuintaj caquijunaj ta na quib ruc' ri nu tinimit Israel; man cätz'ibax taj ri qui bi' cuc' ri qui bi' ri aj israelib, mawi quetzelej na pa ri culew ri aj israelib. C'äte c'u ri' ri ix quiwetamaj na chi in ri' ri Ajawaxel.’

Ri Ezequiel 37:26

Quinban na jun c'ulwächinic cuc' che u jiquibaxic ri ruc'axic jun c'aslemal pa utzil. Jun junalic c'ulwächinic wa'. Quinban na chi sibalaj caq'uiyir ri cajilabal, quincoj c'u na ri tastalicalaj wachoch pa qui niq'uiajil.

Ri Ezequiel 47:22

Are' echbal wa' ri ya'tal chiwe, xukuje' chque ri man e i winakil taj ri quejeki' iwuc' ri e c'o chi calc'ual chixo'l. Rajawaxic quiban chque chi xak e junam iwuc' ri ix alam pa Israel. Aretak chijacha ri ulew chquiwäch ri ramak' ri Israel, xukuje' ri e are' caya' ri ch'akatak quech.

Ri Osey 3:4

Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

Ajilanic 18:19

Ronojel ri cuchuj ri quequitas ri aj israelib chwe, quebenya' chawe, xukuje' chque ri e a c'ojol ri e a mia'l ri c'ä e c'o pa ri awachoch. Jun pixab wa' ri cäjeki' canok amak'el. Jun c'ulwächinic ri man c'o ta u q'uextajic, junalic, ri quinban awuc' xukuje' cuc' tak ri e awija'lil.”

Ri Lucax 1:72

Quel ta c'u na u c'u'x chque ri e ka mam, man casach ta c'u na pa u jolom ri tastalic u c'ulwächinic.

Ri Xuan 10:16

E c'o chi c'u niq'uiaj nu chij, ri man e rech ta we warabal ri'. E are c'u ri' xukuje' rajawaxic quebenc'ama' na ulok. Cäquitatabej na ri nu ch'abal. Cäc'oji' na xa' jumulaj chij, xukuje' xa' jun ajyuk'.

Ri Xuan 15:5

In ri' ri juwi' uva, ix c'ut ri ix u k'ab. Jachin ri tikil chwe, xukuje' c'u ri in in tikil che, cuya' na q'ui u wächinic. We ta c'u ma ta wumal in ri ix man c'o ta jas quixcuin che u banic.

Ri Xuan 4:22

Ri ix man iweta'm taj ri quik'ijilaj. Ri uj keta'm ri cäkak'ijilaj. Rumal rech chi cuc' ri aj judeyib quel wi na ulok ri colobal ib.

Hechos 2:39

We chi'nic ri' chech alak xchi'x wi xukuje' chque ri e alc'ual alak, xukuje' chque conojel ri e c'o naj ri u bixic, chque conojel jachin tak ri quebusiq'uij ri Ajawaxel ri ka Dios.”

Hechos 28:20

Rumal ri' xintakan che siq'uixic alak rech quinwil wäch alak, xukuje' che tzijobexic alak; kas c'u ne rumal rech ri keyebal c'u'x uj ri uj aj israelib, ximom we tikom ch'ich' ri' chwe waral.”

Hechos 3:25

Alak ri' ri quechben alak ri chi'nic ri xebujekeba' ri Dios cumal ri e k'axal tak ri e u tzij, xukuje' ix echbenelab rech ri c'ulwächinic ri u banom ri Dios cuc' ri e mam alak, xubij c'u ri Dios che ri Abraham: ‘Conojel ri winak ri e c'o cho ri uwächulew quetewechitaj na cumal quech ri e awija'lil.’

Romanos 9:8

Ri cuk'alajisaj wa' chkawäch chi man c'o ta jun cux ta alc'ualaxel re ri Dios xa' ta rumal rech chi aj ta jun ija'lil; man je ta c'u wa' xane' xak xuwi ri e alc'ualaxelab ri catz'akat wi ri u chi'nic ri Dios, e are' wa' ri quechomaxic chi kas e rija'l tak.

Gálatas 4:8

Ri ix ojer, aretak man iweta'm ta u wäch ri Dios, ix lok'om pataninelab ri chque ri diosib ri man kas e je taj.

Efesios 2:19

Rumal c'u ri' man ix tastal ta chic che ri u tinimit ri Dios, mawi ix ta chi jalan winak; ri xak ta ix oc'owel ix junam chic cuc' ri winak ri e rech ri Dios, ix jun cuc' ri e aj uwo rachoch ri Dios.

Efesios 4:18

Ri qui chomanic c'o pa ri k'eku'm. Man c'o ta qui c'aslemal aj Dios, rumal rech chi man c'o ta quetamabal, rumal rech chi co ri canima'.

Colosenses 1:21

Ri ix nabe naj ix c'o wi che ri Dios, i c'ulel ri Dios pa ri iwanima', rumal ri itzel tak chac ri xibano.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

Colosenses 1:5

rumal rech ri eyebal c'uxaj chrij ri c'olom chiwe pa ri caj. I tom chi c'u wa' rumal ri tzij re kastzij, are wa' ri kastzij re colobal ib.

1 Tesalonicenses 4:13

Wachalal, quinwaj quiwetamaj jas cäquic'ulmaj na ri cäminakib, rech man quixbison taj, jas ri quebison ri jule' chic ri man c'o ta cu'lbal qui c'u'x.

1 Tesalonicenses 4:5

mabe i c'u'x che qui banic e itzel tak rayinic, jacha' ri caquiban ri winak ri man queta'm ta u wäch ri Dios.

2 Tesalonicenses 2:16

Ri Kajaw Jesucrist xukuje' ri Dios ka Tat xujulok'ok'ej, xuya' cu'bisabal ka c'u'x ri man cäq'uis taj, xuya' utzalaj cu'lbal ka c'u'x rumal ri u tok'ob.

1 Timoteo 1:1

Ri in Pawl, in u takom ri Jesucrist, jas ri xtakan wi ri Dios ri ka Colonel xukuje' ri Kajaw Jesucrist. Chrij c'u ri are cu'l wi ka c'u'x.

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Hebreos 6:18

Ri Dios xuya' ri u tzij xukuje' ri jicalaj tzij ri man e q'uexel taj, ri Dios man cäcuin taj cuban tzij, rumal ri' sibalaj co cucu'bisaj ka c'u'x ri uj ri cäkatzucuj ri to'bal kib xukuje' ka chapom ri eyebal ka c'u'x ri yo'm chke.

Hebreos 8:6

Are c'u ri camic ri Jesus u c'amom jun chac ri sibalaj nim na u k'ij chuwäch ri qui chac ri e cojol tabal tok'ob. Are' ri cojol tzij re jun c'ulwächinic ri utz na chuwäch ri c'ulwächinic ri xc'oji' can cuc'. Ri c'ulwächinic re camic tiquibam paquiwi' chi'nic ri e utz na chuwäch ri c'ulwächinic re nabe.

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

1 Juan 3:3

Apachin ta c'u ne ri c'o we eyebal c'uxaj ri' ruc' chrij ri Dios, cuch'ajch'obisaj rib pa re wi, je jacha' ri Jesucrist ch'ajch'oj.