Efesios 1:5 - Quiché Bible

⁵ Ri Dios cujulok'ok'ej, u chomam c'u ulok ojer chi cujoc che ralc'ual ri are' rumal ri Jesucrist, are wa' ri u rayibal, xkaj c'u chuwäch chi je cubano.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ xujuchꞌa loq, rech kujok che ralkꞌwaꞌl xa rumal ri Jesucristo, rumal ri sibꞌalaj utz laj rayibꞌal ukꞌuꞌx,

K'iche'

⁵ Xa c'u rumal chi uj lok' chuwäch, rumal ri' xuchomaj lok ojer chi cujucoj che ralc'ual rumal ri Jesucristo. Pa ranima' c'ut xpe wi chi je' cubano, rumal chi are ru rayinic.

K'iche' (New Orthography)

⁵ Xa k'u rumal chi uj loq' chuwäch, rumal ri' xuchomaj loq ojer chi kujukoj che ralk'ual rumal ri Jesucristo. Pa ranima' k'ut xpe wi chi je' kub'ano, rumal chi are ru rayinik.

Efesios 1:5 Iomraidhean Croise

Ri Jeremiy 3:19

“Israel, in xinya' nu tzij che a c'amowaxic jacha' che walc'ual xinya' c'u jun ulew chawe ri carayixic, ri ulew ri sibalaj je'l na pa ronojel ri uwächulew. Xinchomaj c'ut chi quinbinaj na tataxel awumal chi mawi ta jumul xanajtajisaj ta awib chwe.

Ri Jeremiy 3:4

Maja' naj oc'owinak xabij chwe: ‘Nu tat, rachil ri walc'alal,

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Ri Osey 1:10

Cäpe jun k'ij aretak ri aj israelib quebux na jacha' ri e u sanyebil ri plo, ri man c'o ta jachin ta jun cacuin ta che u pajic mawi rajilaxic. Che c'u u q'uexwäch che u bixic chque: “Ix man ix ta chi nu tinimit”, ri Dios cubij na chiwe: “Ix ix ralc'ual ri c'aslic Dios.”

Ri Matey 1:25

Ri Jose man xurik ta rib ruc' ri Mariy, c'ä xralaj na ri ral ala. Ri Jose xucoj “Jesus” che u bi'.

Ri Matey 11:26

Je, Tat, je c'u wa' xkaj chwäch la.

Ri Lucax 10:21

Pa ri jok'otaj ri', sibalaj xquicot ri Jesus rumal ri Ruxlabal ri Dios, xubij: “Quink'ijlan che la, Tat, Rajaw caj ulew, xec'u' la we jastak ri' chquiwäch ri c'o qui no'j xukuje' ri c'o quetamabal, xc'ut c'u la chquiwäch ri ac'alab. Je, Tat, je c'u wa' xkaj chwäch la.

Ri Lucax 11:32

Ri aj ninibeyib quewalij na pa ri k'ij re ri k'atan tzij, aretak chk'attzij paquiwi' ri winak re we k'ijol ri', quequic'okoj c'u na; rumal rech chi ri e aj Ninibe xetzelej ruc' ri Dios aretak xquita' ri u tijonic ri Jonas, are c'ut ri c'o waral camic c'o na u k'ij chuwäch ri Jonas.”

Ri Lucax 12:32

“Mixe'j iwib, ch'utinalaj jumulaj nu chij. Cäkaj c'u chuwäch ri i Tat ri u ya'ic ri rajawibal chiwe.

Ri Xuan 1:12

Conojel c'ut ri xec'amowic, ri quecojon che ri u bi', xuya' ri c'olbal chque chi quebux ralc'ual ri Dios.

Ri Xuan 11:52

Man xuwi' ta c'u cäcäm na che u q'uexwäch ri nim tinimit, xane' xukuje' rech quebumulij na pa jun ri e ralc'ual ri Dios ri e jabuninak.

Ri Xuan 20:17

Ri Jesus xubij che: “Minachapo, c'ä maja' c'u quinpaki' ruc' ri Tataxel. Jät cuc' ri wachalal, chabij chque: ‘Quinpaki' ruc' ri nu Tat, xukuje' i Tat, ruc' ri nu Dios, xukuje' i Dios.’ ”

Hechos 13:48

Ri man aj judeyib taj, aretak xquita' wa', xequicotic, xquibij chi sibalaj utz ri u tijonic aj Ajawaxel. Xecojon c'u conojel ri u chomam ulok ri Dios chi cäc'oji' junalic qui c'aslemal.

Romanos 8:23

Man xuwi ta c'u ri are' caquirik c'ax, xane' ri uj ri yo'm ri Uxlabaxel chke, ri nabe u wächinic ri nimalaj u sipanic ri Dios chke, xukuje' cujbik'bitic. Keye'm ri k'ij aretak cujoc che ralc'ual ri Dios, cätzokopitaj c'u na ri ka cuerp.

1 Corintios 1:1

In, Pawl, in siq'uim che takom rech ri Jesucrist rumal ri u rayibal ri Dios, wachil ri kachalal Sostens,

1 Corintios 1:21

Ri Dios pa ri u no'jibal, xuchomaj chi ri e aj uwächulew man caquetamaj taj u wäch rumal ri no'jibal quech winak; xane' are' utz xrilo, chi e are' quebucol ri caquijiquiba' qui c'u'x chrij, pune' c'u ne we tijonic ri' je ta ne ri xa' ta conil.

2 Corintios 6:18

quinux c'u na i Tat, ri ix quixux na nu c'ojol xukuje' nu mia'l, cächa' ri Ajawaxel ri c'o ronojel u cuinem.”

Gálatas 3:26

Iwonojel c'ut ix ralc'ual ri Dios rumal ri cojonic che ri Crist Jesus.

Efesios 1:11

Pa ri are' c'ut uj uxinak echbenelab, uj c'utum ulok jas ri u cholajil ri u chomanic ri quebuban conojel ri jastak jas ri kas u beya'l ri u rayibal.

Efesios 1:9

Xuya' retamaxic chke ri u rayibal ri man etamatal ta can nabe, ri utzalaj u rayibal ri u chomam ulok pa re wi chi je cuban na.

Filipenses 2:13

Are c'u ri Dios cayo'w pa ri iwanima' ri u rayixic u banic ri cakaj chuwäch.

Colosenses 1:19

Xraj c'ut ri Dios chi cajeki' ronojel ri are' pa ri Crist,

2 Tesalonicenses 1:11

Rumal ri' amak'el cäkaban ch'awem ruc' Dios piwi', rech takal chiwe jas ri xixsiq'uix wi rumal ri ka Dios, rech quiban ronojel ri utz ri cäraj ri Dios chiwe, xukuje' quiban ruc' chuk'ab ronojel chac re ri i cojonic.

Hebreos 2:4

Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

1 Juan 3:1

Chiwila' chi sibalaj nim ri ka lok'ok'exic rumal ri Dios ri Tataxel, chi cäbix chke chi uj ralc'ual ri Dios, uj ralc'ual c'ut. Rumal ri' ri winak re ri uwächulew man cäquich'ob ta ka wäch, rumal rech chi man xquich'ob ta u wäch ri Dios.

Apocalipsis 21:7

Are' c'ut ri cäch'äcanic cärechbej na we jastak ri'. Quinux na u Dios, ri are' cux na walc'ual.