Efesios 1:3 - Quiché Bible

³ Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Tewchiꞌtal ri ubꞌiꞌ ri Dios, Tataxel rech ri Ajawxel Jesucristo, ri ujutewechiꞌm rukꞌ ronojel tewechibꞌal pa ri uxlabꞌal pa Cristo Jesús, pa ri chikajil kꞌolibꞌal.

K'iche'

³ Kaya ba' u k'ij ri Dios, ru Tat ri Kajaw Jesucristo, rumal chi uj u tewchim. U banom q'uia u wäch tok'ob chke rumal chi xa uj jun ruc' ri Cristo. U yo'm chke ronojel u wäch utzil ri cäpe chila' chicaj.

K'iche' (New Orthography)

³ Qaya b'a' u q'ij ri Dios, ru Tat ri Qajaw Jesucristo, rumal chi uj u tewchim. U b'anom k'ia u wäch toq'ob' chqe rumal chi xa uj jun ruk' ri Cristo. U yo'm chqe ronojel u wäch utzil ri käpe chila' chikaj.

Efesios 1:3 Iomraidhean Croise

Chapletajic 14:20

chyo'k ba' u k'ij ri Dios aj chicaj, ri xatuto' che qui ch'äquic ri a c'ulel.” Ri Abram xuya' che ri Melquisedec ri lajujil re ronojel ri u tok'im ulok.

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Nabe Tzijobelil 29:20

Chuq'uisbalil c'ut xubij ri David chque conojel ri winak ri qui mulin quib: “Chixk'ijilan ba che ri Ajawaxel ri i Dios.” Conojel c'ut ri winak xek'ijilan che ri Ajawaxel, qui Dios ri e qui mam, xexuqui' c'ut xquimejela' quib chuwäch ri Ajawaxel xukuje' chuwäch ri ajawinel.

Nabe Tzijobelil 4:10

Ri Jabes xuban ch'awem ruc' ri u Dios ri Israel, je xubij wa': “Quinbochi'n che la chi caya' la ri tewichibal la panuwi' chya' c'u la jun wulew ri sibalaj nim, chinto' la chinesaj c'u la chquiwäch ri etzelal, rech man quinrik ta c'ax.” Xuya' c'u ri Dios che ri xutz'onoj che.

Ucab Tzijobelil 31:8

Aretak c'u ri Ezequiy xukuje' ri e k'atal tak tzij xebe che rilic ri mulitajinak, xquitewichi'j ri Ajawaxel xukuje' ri Israel ri u tinimit.

Ri Nehemiy 9:5

xquibij ri aj levitib ri Jexu, ri Cadmiel, ri Binuy, ri Hasabniy, ri Serebiy, ri Hodiy, ri Sebaniy xukuje' ri Petaiy: “Chixwalijok, chik'ijilaj ri Ajawaxel ri i Dios ri c'o amak'el chbe k'ij sak. ¡Chyok u k'ij, cuc' tak tewichibal xukuje' tak k'ijilanic, ri nim xukuje' ri juluwemalaj u bi'!”

Salmib 134:3

¡Ri Ajawaxel, ri xbanow ri caj xukuje' ri ulew, chatutewichi'j ulok pa ri juyub Sion!

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Salmib 72:19

tewichital ri u bi' ri nim u k'ij. ¡Ronojel ri uwächulew chnoj che ri u juluwem! ¡Je che'lok!

Ri Isaiy 61:9

Ri e u k'ab tak cachalaxic quebux na nimak qui k'ij chquixo'l ri nimak tak tinimit conojel ri queilowic caquich'ob na chi e jun tinimit ri e tewichim rumal ri Ajawaxel.

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Lucax 2:28

ri Simeon xuc'am c'ut ri ac'al, xuk'aluj, xunimarisaj u k'ij ri Dios, xubij:

Ri Xuan 14:20

Pa ri k'ij ri' ri ix qui ch'ob na chi ri in in c'o pa ri nu Tat; are c'u ri ix, pa ri in; xukuje' c'u ri in pa ri ix.

Ri Xuan 17:21

rech conojel xa' e jun. Jas ri lal, Tat, ri lal c'o la wuc' in, xukuje' ri in in c'o uc' la, rech xukuje' ri e are' e c'o kuc' uj, rech ri winak aj uwächulew cäquicojo chi ri lal xintakow la ulok.

Ri Xuan 20:17

Ri Jesus xubij che: “Minachapo, c'ä maja' c'u quinpaki' ruc' ri Tataxel. Jät cuc' ri wachalal, chabij chque: ‘Quinpaki' ruc' ri nu Tat, xukuje' i Tat, ruc' ri nu Dios, xukuje' i Dios.’ ”

Romanos 12:5

je c'u ri' ri uj, pune' sibalaj uj q'ui xa' uj jun cuerp pa ri Crist kanuc'ulam c'u kib jacha' uj u tz'akatil xa' jun cuerp.

Romanos 15:6

rech junam ri i ch'abal xukuje' junam quinimarisaj u k'ij ri Dios, ri u Tat ri Kajaw Jesucrist.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Corintios 12:12

Je jas ri cuerp, pune' e q'ui ri u tz'akatil xa c'u jun cuerp. Jeri' xukuje' ri Crist.

2 Corintios 1:3

Cäkanimarisaj u k'ij ri u Dios xukuje' ri u Tat ri Kajaw Jesucrist. Are Tataxel wa' ri cutok'obisaj ka wäch, are Dios wa' ri cucu'bisaj ka c'u'x pa ronojel.

2 Corintios 11:31

Ri u Dios xukuje' ri u Tat ri Kajaw Jesus, ri cänimarisax u k'ij amak'el chbe k'ij sak, reta'm chi man quinban ta tzij.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Gálatas 3:9

Jeri' chi ri quecojonic, quetewichi'xic junam ruc' ri Abraham, ri xcojonic.

Efesios 1:10

Pa ri k'ij aretak cäsuc'umataj na ronojel, ri Dios u chomam chi quebumulij na conojel ri jastak, ri e c'o pa ri caj xukuje' ri e c'o cho ri uwächulew, quebuya' na xe' u takanic ri Crist.

Efesios 1:17

Quintz'onoj che ri u Dios ri Kajaw Jesucrist, ri juluwemalaj Tataxel Dios, chi chuya' ri no'j aj uxlabal chiwe che u ch'obic ri cuc'utunisaj xukuje' che ri utzalaj retamaxic u wäch.

Efesios 1:20

aretak xuc'astajisaj ri Crist chquixo'l ri cäminakib, xut'uyuba' c'u pa ri u wiquiak'ab chicaj,

Efesios 2:6

Ri Dios xujuc'astajisaj junam ruc' ri Crist Jesus, xukuje' xuban chke chi xujut'uyuba' ruc' pa ri caj.

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

Efesios 6:12

Man cujch'ojin ta cuc' winak, xane' cuc' itzel tak uxlabal ri e c'o pa ri caj, ri c'o qui takanic xukuje' qui cuinem puwi' we uwächulew ri' re ri k'eku'm, xukuje' quetakan puwi'.

Filipenses 2:11

Rech conojel cäquich'obo xukuje' cäquibij chi ri Jesucrist are Ajawaxel, jeri' cänimarisax u k'ij ri Dios Tataxel.

Hebreos 8:5

E are c'u wa' quepatanin pa jun k'ijilabal ri xa' e u wächbal xukuje' e u mu'jal ri c'o chicaj. Jas ri xbix che ri Moises aretak xa' co'l man cuchaplej u banic ri Lic'om Rachoch Dios re Rikoj ib: “Chawila', chabana' ronojel jas ri u wächbal ri xc'ut chawäch pa ri juyub.”

Hebreos 9:23

Rajawaxic c'ut chi ri qui wächbal ri jastak aj chicaj quejosk'ix rumal ri qui cämisaxic awaj che tabal tok'ob cho ri Dios. Are' c'u ri jastak aj chicaj quejosk'ix rumal jun tabal tok'ob ri utz na chuwäch ri qui cämisaxic tak awaj.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,