Efesios 1:21 - Quiché Bible

²¹ paquiwi' conojel ri e c'o paquiwi' niq'uiaj chic, conojel ri c'o qui takanic, ronojel cuinem xukuje' ronojel ajawibal, xukuje' paquiwi' conojel bi'aj, man xuwi ta pa tak we k'ij junab ri', xane' xukuje' pa ronojel k'ij ri cäpe na.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Xuqujeꞌ xya taqanik pa uqꞌabꞌ pa kiwiꞌ konojel ri e taqanelabꞌ cho ri uwachulew, pa kiwiꞌ ronojel kwinem, xuqujeꞌ ronojel taqanik pa kiwiꞌ ronojel bꞌiꞌaj, man xaq xwi ta pa we qꞌotaj re kamik, xane xuqujeꞌ ri kape na.

K'iche'

²¹ Are ri Cristo, ri xyi' che chi cätakan pa qui wi' conojel ri c'o takanic pa qui k'ab, pune ta ne e ángeles. Xukuje' xyi' che chi cätakan pa qui wi' conojel ri takanelab ri sibalaj c'o qui chuk'ab, ri k'atal tak tzij, ri c'amal tak qui be ri winak, xukuje' puwi' ronojel u wäch takanic, man xuwi tä pa tak we k'ij ri', xane pa tak ri k'ij ri junab ri quepe na.

K'iche' (New Orthography)

²¹ Are ri Cristo, ri xyi' che chi kätaqan pa ki wi' konojel ri k'o taqanik pa ki q'ab', pune ta ne e ángeles. Xuquje' xyi' che chi kätaqan pa ki wi' konojel ri taqanelab' ri sib'alaj k'o ki chuq'ab', ri q'atal taq tzij, ri k'amal taq ki b'e ri winaq, xuquje' puwi' ronojel u wäch taqanik, man xuwi tä pa taq we q'ij ri', xane pa taq ri q'ij ri junab' ri kepe na.

Efesios 1:21 Iomraidhean Croise

Ri Daniel 7:27

Ri ajawinic, ri cuinem xukuje' ri juluwem que conojel ri ajawibal ri e c'o cho ri uwächulew, queya' na che ri u tinimit ri Dios aj chicaj. Ri rajawinic cäjeki' na chbe k'ij sak, conojel c'u ri tinimit re ri uwächulew quepatanin na che xukuje' queniman na che.’

Ri Matey 12:32

Apachin c'u ri cubij tzij chrij ri Rija'l winak, cäsachtaj na ri u mac. Apachin c'u ri cubij tzij chrij ri Ruxlabal ri Dios, man cäsachtaj ta u mac, man cäsachtaj ta pa we k'ij junab ri', mawi pa ri quepe na.”

Hechos 4:12

Man c'o ta chi jun c'o ta wi colobal ib, ri Dios c'ut man u yo'm ta chke ri u bi' ta chi jachin jun cho ri uwächulew ri cujcuin ta wi cujcolotaj ta wi.”

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

Efesios 6:12

Man cujch'ojin ta cuc' winak, xane' cuc' itzel tak uxlabal ri e c'o pa ri caj, ri c'o qui takanic xukuje' qui cuinem puwi' we uwächulew ri' re ri k'eku'm, xukuje' quetakan puwi'.

Colosenses 2:10

Are c'u ri ix ix nojinak rumal rech chi ix junatal pa ri Crist, ri are' ri c'o u takanic paquiwi' conojel ri c'o qui cuinem xukuje' qui takanic.

Colosenses 2:15

Rumal ri Crist, ri Dios xukasaj qui k'ij ri c'o qui takanic xukuje' ri c'o qui cuinem, xresaj qui q'uixbal chquiwäch conojel, xch'äcan paquiwi' cho ri ripibal.

Hebreos 1:4

Sibalaj xnimarisax na u k'ij chquiwäch ri tako'nib aj caj. Jeri' chi xrechbej jun bi'aj sibalaj utz na chquiwäch ri e are'.

Hebreos 2:5

Man chque ta ri tako'nib aj caj ri Dios u yo'm wi takanic puwi' ri uwächulew ri cäpe na, ri cäkatzijoj.

Hebreos 4:14

C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.