Chapletajic 9:21 - Quiché Bible

²¹ C'o jun k'ij ri Noe xutij ri u wa'l uva, xk'abar c'ut. Xtzakic, xch'ani c'ut pa u niq'uiajil ri u lic'om rachoch.

Chapletajic 9:21 Iomraidhean Croise

Chapletajic 6:9

Are wa' ri u tzijobelil ri Noe. Ri Noe are' ri jun achi ri utz, ri amak'el nimaninak che ri Dios. Chquixo'l conojel ri winak pa tak ri k'ij ri' xuwi ri are' xniman che ri Dios.

Chapletajic 9:20

Ri Noe xux ajticonijel, are' ri nabe ri xticow uva.

E C'ambal tak Tzij 20:1

Ri u wa'l uva cuban che ri winak chi cuban nimal; ri e uq'uia' tak ri utz qui k'obisaxic banom cuyojtajisaj; apachin ta ne ri cakaj chupam man c'o ta jun utz ta u cojic ri u no'j cubano.

Ri Tzijonel 7:20

Man c'o ta c'u jun cho ri uwächulew ri sibalaj ta tz'akat ri cuban ta amak'el ri utz ri mawi ta jumul ma ta cämacunic.

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

1 Corintios 10:12

Je c'u ri', apachin ri cuchomaj chi co tac'alic, chrila' rib rech mätzakic.

Gálatas 5:21

Man cäcaj taj cäquirik utzil niq'uiaj chic, quek'abaric, cäquiban nimalaj mac aretak cäquimulij quib che nimak tak wa'im. Xukuje' cäquiban niq'uiaj jastak chic ri man e utz taj. Quinbij apan chiwe, jas ri nu bim canok, chi ri je caquitakej u banic wa' man cäquechbej taj ri rajawibal ri Dios.

Ri Tit 2:2

chi ri nimak tatayib meyojcoric, chquirika' ri'jobic, utz chechomanok, chi c'o qui chuk'ab pa qui cojonic, pa ri lok'ok'ebal c'uxaj, pa ri ch'ijonic.

Apocalipsis 3:18

Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.