Chapletajic 8:21 - Quiché Bible

²¹ Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Chapletajic 8:21 Iomraidhean Croise

Chapletajic 3:17

Xubij c'u che ri achi: “Rumal rech xanimaj u tzij ri awixokil, xatij c'u u wäch ri che' ri xinbij chawe chi man catij taj, camic ri ulew cäcanaj chuxe' c'okonic u mac awech; ruc' c'axalaj chac cäban na chi cuq'uiyisaj ri catijo pa ronojel ri a c'aslemal.

Chapletajic 4:12

Pune' cajosk'ij, ri ulew, man cuya' ta chic ri u wächinic chawe jas ri nabe. Xak catxulic catpaki' cho ri uwächulew mawi jubik' catcuinic catuxlanic.”

Chapletajic 5:29

ri xucoj Noe che u bi', xubij c'ut: “Ri Ajawaxel xuc'okoj ri ulew, sibalaj c'u c'ax cäkarik che u josk'ixic; cujuto' c'u na we ac'al ri' rech cujuxlanic.”

Chapletajic 6:13

xubij che ri Noe: “Xchomataj wumal chi quinsach qui wäch conojel ri winak. E are' c'ut ajchak'maquib chi e c'o q'ui ri tokinic cho ri uwächulew, rumal ri' xinchomaj u sachic qui wäch ri winak xukuje' ronojel ri uwächulew.

Chapletajic 6:17

Quinkasaj na jun k'ekal jäb puwi' ri uwächulew, che u sachic qui wäch conojel ri e c'asc'oj cho ronojel ri uwächulew. Quecäm na conojel ri winak xukuje' conojel ri chicop ri e c'o cho ri uwächulew.

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Chapletajic 6:7

“Quinq'uis tzij paquiwi' ri winak cho ri uwächulew ri e nu winakirisam, xukuje' conojel ri awaj aj uwo tak ja, ri awaj ri cäquijururej tak quib, xukuje' ri chicop ri c'o qui xic'. ¡C'ax pa wanima' chi xebenbano!”

Ri Job 14:4

Man c'o ta jun cacuinic cäresaj ch'ajch'ojil che ri tz'ilol.

Salmib 51:5

Kastzij, in lawalo kas aretak xinalaxic; in ajmac wi ulok kas pa ri u c'u'x ri nu nan.

Salmib 58:3

Ri e banal tak etzelal cäquetzelaj ulok quib pa ri u c'u'x ri qui nan; ri e banal tak tzij cäquijech'obisaj ulok quib c'ä majok quebalaxic.

Salmib 58:4

Quecämisanic e jacha' ri sachoj; e junam ruc' jun cumätz ri cäcämisanic ri cuban rib chi man cätan taj, ri quebutz'apij ri e u xiquin

Elem 29:18

Chachi'j c'u ri ama' chij puwi' ri porobal, jacha' tabal tok'ob ri cächajirisaxic che u ya'ic u k'ij ri Ajawaxel, jacha' sipanic porom ri cäc'oc'atic.

Elem 29:25

Chebac'ama' c'ut pa qui k'ab, chaporoj puwi' ri porobal cärachilaj ri tabal tok'ob ri cächajirisaxic ri cäc'oc'at chuwäch ri Ajawaxel. Sipanic wa' ri porom che u ya'ic u k'ij ri Ajawaxel.

E C'ambal tak Tzij 20:9

Man c'o ta jun cäcuinic cubij: “Josok' ri wanima', in ch'ajch'oj man c'o ta mac pa ri nu c'aslemal.”

Ri Tzijonel 7:20

Man c'o ta c'u jun cho ri uwächulew ri sibalaj ta tz'akat ri cuban ta amak'el ri utz ri mawi ta jumul ma ta cämacunic.

Ri Isaiy 47:12

Chatakej qui banic ri itzinic, xukuje' ri q'ui tak k'ijinic ri e a banom ulok pa ri awalc'alal, cawil c'u na we c'o jas qui patan chawe, cawil c'u na we catcuinic cabano chi cäquixe'j quib ri winak chawäch.

Ri Isaiy 47:15

Jewa' ri xquic'ulmaj ri e awitzinelab ri e c'o awuc' ri sibalaj q'ui banoj e a banom cuc' pa ronojel ri a c'aslemal. Chquijujunal xequitakej ri jech'alaj qui be, man c'o ta c'u jachin jun catcolowic.”

Ri Isaiy 48:8

Ri at man a tom ta qui tzijoxic wa', mawi aweta'm qui wäch, rumal rech chi amak'el at uxinak tz'or. In weta'm chi man at jic taj, chi cäbix chawe chi man catniman taj aretak xatalaxic.

Ri Isaiy 53:6

Konojel uj xujsachic uj jacha' chij, chkajujunal xkatakej ri kas ka be pa kech wi, are c'u ri Ajawaxel xuya' ronojel ri ketzelal chrij.

Ri Isaiy 65:6

Ronojel c'u wa' tz'ibatal chnuwäch, man xak ta quebenk'aluj ta ri nu k'ab quinya' na ri c'äjisabal qui wäch ri takal chque,

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Jeremiy 18:12

We winak ri' caquibij na chawe: ‘¡Matzak a k'ij! Are cäkatakej na u banic ri cäkaj chkawäch are c'u cäkatakej na ri tacalaj itzel u rayinic ri kanima'.’ ”

Ri Jeremiy 8:6

In oquinak il che a tatabexic, man nu tom ta c'u jachin jun ri cuq'uex ta u c'u'x cutanaba' ta u banic ri etzelal cuchajij ta c'u anima' cubij ta c'ut: ¿Jas ri nu banom? Conojel qui takem ri qui be ruc' aninakil e jacha' ri quiej ri caquiq'uiak quib ruc' ronojel qui chuk'ab pa ri ch'o'j.

Ri Ezequiel 20:41

Aretak chebenmulij ulok pa tak ri ulew chquixo'l ri nimak tak tinimit ri e jabutal wi camic, quinc'ut c'ut ri nu tastajic chixo'l chquiwäch conojel tak ri tinimit, c'äte ri' quebenc'amowaj na tak ri e qui sipanic ri cäc'oc'at cuxlab.

Aj Levitib 1:13

Are' c'ut ri cäjachow ri tabal tok'ob pa cachajirisaxic quebuch'aj ri ixco'l xukuje' ri e ra' ri awaj ruc' ja', ronojel c'ut cuchi'j ri cojol tabal tok'ob, cuporoj ronojel puwi' ri porobal; jacha' sipanic ri caporoxic ri cäc'oc'atic ri cäkaj chuwäch ri Ajawaxel.

Aj Levitib 1:17

Cujak'ij c'u na ri chicop ri e c'o u xic', quebuc'am c'u che ri quieb u xic', man cuban ta c'u quieb che chuq'uisbalil cuporoj na ri chicop ri e c'o u xic' puwi' ri si' ri c'o puwi' ri porobal jacha' tabal tok'ob ri cächajirisaxic, jacha' sipanic ri canicowisaxic ri cäc'oc'at che ri Ajawaxel.”

Aj Levitib 1:9

Ri cäjachow ri tabal tok'ob ri cächajirisaxic, rajawaxic quebuch'aj ri ixco'l, xukuje' ri e ra' ri awaj ruc' ja'; ronojel c'ut cuporoj ri cojol tabal tok'ob puwi' ri porobal jacha' sipanic ri caporoxic ri cäc'oc'atic, ri cäkaj chuwäch ri Ajawaxel.

Aj Levitib 26:31

Quinban na chi quetz'inow can ri i tinimit tak, quinq'uis na tzij paquiwi' ri i k'ijilabal tak, man quebensik ta chic ri c'oc'alaj tak sipanic ri quichi'j tak chwe.

Aj Levitib 4:31

Xukuje' rajawaxic quesax ronojel ri u xepoyil, jacha' ri cäban che resaxic che ri awaj ri cächi'xic jacha' che ri utzirisan ib caporox c'u puwi' ri porobal jacha' c'oc'alaj uxlab che ri Ajawaxel. Jeri' ri cojol tabal tok'ob curik na ri cuyubal mac u mac rech ri u mac we winak ri', casachtaj c'u na ri' ri macaj ri banom.

Aj Levitib 8:28

Xuc'am c'u ri Moises we jastak ri' pa qui k'ab, xuporoj puwi' ri porobal, junam ruc' ri tabal tok'ob ri cächajirisaxic, jacha' sipanic re tastajic ri cäc'oc'atic sipanic wa' ri cäporoxic che u ya'ic u k'ij ri Ajawaxel.

Ajilanic 15:3

qui chi'j c'u jun ama' wacax o jun chij che u poroxic che u ya'ic nu k'ij jacha' che tabal tok'ob o tabal tok'ob ri cachajirisaxic ri sibalaj cäc'oc'atic, we che u tz'akatisaxic jun chi'nic o jacha' sipanic ri pa ech wi, o rumal jun nimak'ij,

Ri Matey 15:19

Chupam c'ut ri anima' quebel wi ulok ri itzel tak chomanic, cäcämisanic, ri kajic pa mac ruc' jun winak chic, ri cuc'axic quib cuc' achijab ixokib che qui banic macunic, eläk'anic, jalum k'alajisanic, yok'onic.

Ri Xuan 3:6

Ri alc'ualam cumal ri winak, winak ri'. Ri alc'ualam rumal ri Uxlabaxel, uxlabal ri'.

Romanos 1:21

Pune' ta ne xquich'ob u wäch ri Dios, man xquinimarisaj ta u k'ij jas ri takal che ri Dios, mawi xemaltioxin che. Xane' xquiban ri u chomanic ri canima', ri man c'o ta qui patan. Xk'ekumar c'u ri canima' ri man cäraj taj cäch'obonic.

Romanos 3:23

Conojel c'ut e macuninak. E najtajisam che ri u juluwem ri Dios.

2 Corintios 2:15

Uj je ta ne ri c'oc'alaj ruxlab jun c'oc'al ri cuya' ri Crist chuwäch ri Dios; we uxlab ri' c'o chquixo'l ri winak ri quecolotajic xukuje' chquixo'l ri winak ri cäsach qui wäch.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.

1 Juan 5:19

Keta'm chi ri uj, uj rech ri Dios. Ronojel c'u ri uwächulew c'o pa u k'ab ri itzel.

Nabe Samuel 26:19

In quintz'onoj che la chi tatabej la we pataninel ech la ri': we are' ri Ajawaxel cojowinak la che u banic c'ax chwe, c'o ta banom wi chuc'amowaj ta jun sipanic; we xak are' ri achijab quebanowic, chec'okox ta rumal ri Ajawaxel. In quiq'uiakom c'u ulok camic che we ulew ri', ri rech ri Ajawaxel, ruc' wa' ri qui banom chwe quinquich'iquimij che qui patanixic jule' tak diosib chic.