Chapletajic 6:6 - Quiché Bible

⁶ c'ax c'u xuna' pa ri ranima' chi xuban ri winak. Ruc' sibalaj c'axc'ol, xubij:

Chapletajic 6:6 Iomraidhean Croise

Chapletajic 6:7

“Quinq'uis tzij paquiwi' ri winak cho ri uwächulew ri e nu winakirisam, xukuje' conojel ri awaj aj uwo tak ja, ri awaj ri cäquijururej tak quib, xukuje' ri chicop ri c'o qui xic'. ¡C'ax pa wanima' chi xebenbano!”

Ucab Samuel 24:16

Aretak c'u ri tako'n aj caj c'o chic che u sachisaxic u wäch ri Jerusalen c'ax xuna' ri Ajawaxel ri xc'ulmatajic, xuya' c'u takanic che ri tako'n aj caj ri cätajin quebucämisaj ri winak, xubij che: “¡Ruc' la', chatanaba'!” Pa ri jok'otaj ri' ri u aj cajalaj u tako'n ri Ajawaxel c'o chuxcut ri c'olbal ri cujopij wi trico ri Araun ri aj jebusey.

Nabe Tzijobelil 21:15

Xutak c'ut ri Dios jun tako'n che u sachisaxic u wäch ri Jerusalen. Aretak c'u cätajin cusachisaj u wäch, xril c'ut ri Ajawaxel, c'ax xbe pa ranima' ri cätajin u banic xuya' c'u takanic che ri tako'n ri cätajin cacämisanic: “¡Ruc' la', mat takenic!” Pa ri jok'otaj ri', ri u tako'n ri Ajawaxel c'o chunakaj ri c'olbal jawije' ri cätajin cuyak' wi ri trico ri Ornan ri aj jebusey.

Salmib 106:45

xnataj ri u c'ulwächinic cuc', xuq'uex c'ut ri u chomanic, rumal rech chi sibalaj nim ri lok'ok'ebal u c'u'x:

Salmib 110:4

Ri Ajawaxel xuban jun chi'nic ri kas cäban na, man c'u caresaj ta rib chupam: “At, at cojol tabal tok'ob chbe k'ij sak, xak junam abantajic ruc' ri Melquisedec.”

Salmib 119:158

Man quebencoch' ta ri man e jic taj, man c'u quebequinimaj ta ri e takomal la.

Salmib 78:40

¡Q'ui mul man xeniman ta che ri Dios, xquiya' k'ak'anibal anima' che pa ri chaki'j uwo sak!

Salmib 81:13

¡We ta xinutatabej ri nu tinimit! ¡we ta ri Israel xebutakej ta ri e nu be,

Salmib 95:10

Cawinak (40) junab xinoyowar cuc' we winak ri', xinbij c'ut: ‘We winak ri' sibalaj quinajtajisam quib chwij ¡man quequinimaj ta ri e nu takomal!’

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

Ri Isaiy 48:18

¡We ta ba' xanimaj ri nu takanic ri xinya' chawe! Ri a jamaril cätajin ta cäq'uiy ri' jacha' jun nima', ri colomal ri e a rikom, e je ta ri' e jacha' ri e u rekbla' ri plo,

Ri Isaiy 63:10

Ri e are c'ut xquiyac quib chrij ri Ajawaxel, xquic'axc'obisaj ri u tastaliquil; rumal ri' xuban u c'ulel chque xuwalijisaj ch'o'j chquij.

Ri Jeremiy 18:7

Pa jun jok'otaj ri takalic quinchomaj u bokic, u t'akixic xukuje' u sachisaxic u wäch jun nim tinimit o jun ajawibal.

Ri Jeremiy 26:19

¿La xcämisax puch ri Miquey rumal ri Ezequiy xukuje' rumal ronojel ri tinimit Juda? Xane' ri xuban ri ajawinel, xuna' rib chuwäch ri Ajawaxel xtz'onon c'u che chi chutok'obisaj qui wäch. Man xutak ta c'u ulok ri Ajawaxel Dios ri nimalaj c'axc'ol ri u yo'm u bixic. ¿La quekekaj ta c'ut ri uj jun il ri sibalaj nim?”

Ri Ezequiel 33:11

Are' c'u ri in, ri Ajawaxel, quinban ri chi'nic ri kas cäban na rumal ri nu c'aslemal chi man quinwaj taj ri u cämical ri banal etzelal, xane' chuq'uexa' ri u c'aslemal c'asal c'ut. Israel, chaya' can we c'aslemal ri' ri awuc'am. ¿Jas ta c'u che catcämic?’

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

Ri Joel 2:13

¡Chixtzelej ba' ix ruc' ri Ajawaxel ri i Dios, chi t'ubu' c'ut ri iwanima' che u q'uexwäch ri u t'ubic ri iwatz'iak! Rumal rech chi ri Ajawaxel ch'uch'uj xukuje' quel u c'u'x, coch'onel xukuje' ronojel lok'ok'ebal c'uxaj, amak'el xak reyem jampa' cuwalijisaj ri c'äjisabal wächaj.

Ri Jonas 3:10

Ri Dios xrilo ri caquiban ri winak aj Ninibe ri xquiban che u ya'ic canok ri itzelalaj qui no'jibal, xuchomaj chi man cuc'am ta chi ulok ri c'ax ri u chomam u c'amic ulok paquiwi'.

Ri Malaquiy 3:6

“In ri' ri Ajawaxel. Man nu q'uexom ta wib. Rumal c'u ri' ri ix ri ix rija'lil ri Jacob, man chupisam ta i wäch.

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Romanos 11:29

Ri Dios man c'u q'uex ta u c'u'x chi u cha'om jun xukuje' u tewichi'm ri winak, man cuq'uex ta ri u chomanic.

Efesios 4:30

Miya' bis che ri Tastalicalaj Ruxlabal re ri Dios, rumal rech chi are iwetal, che u c'utic chi ix rech chic ri Dios c'ä pa ri k'ij aretak kas catz'akat ri i colotajic.

U Camulixic ri Pixab 32:29

We ta c'o qui no'j, cäquich'ob ta ri'; cäquetamaj ta ri' jas quebel na.

U Camulixic ri Pixab 32:36

Ri Ajawaxel quel na ulok che u to'ic ri u tinimit aretak cärilo chi man c'o ta chic u chuk'ab; ri Ajawaxel quel na u c'u'x chque ri e u pataninelab aretak cärilo chi man e c'o ta chi tukarib, mawi e c'o ta qui chuk'ab.

U Camulixic ri Pixab 5:29

¡C'o ta banom wi chi je ta quechoman wa' amak'el, nim ta quinquil wi, queniman ta che ri nu takomal conojel tak ri k'ij, rech ri e are' xukuje' ri e calc'ual cäc'oji' jun utzalaj qui c'aslemal!

Hebreos 3:10

Rumal c'u ri' xpe woyowal chque ri winak ri', xinbij c'ut: ‘Amak'el e sachinak pa canima', man e qui ch'obom ta c'u ri nu be.’

Hebreos 3:17

¿Jachin tak chquij xc'oji' wi ri royowal ri Dios pa cawinak junab? Are' chquij ri xemacunic, ri are' xecäm can pa ri chaki'j uwo sak.

Santiago 1:17

Ronojel utzalaj sipanic, ronojel tz'akatalaj sipanic chicaj cäpe wi. Cäkaj ulok ruc' ri Dios ri xebuban ri sakil chicaj. Ri are' man cäq'uextaj taj. Ruc' ri are' man c'o ta u nanoch' ri q'uextajic.

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.

Nabe Samuel 15:29

Ri Dios ri are' ri u juluwem ri Israel, man cuban ta tzij mawi cutzelej ta rib chrij man c'u xak ta winak chi cutzelej ta rib chrij.”

Nabe Samuel 15:35

Ri Samuel mawi jumul xril chic u wäch ri Saul, pune' c'u sibalaj xbisonic chi xutzelej rib ri Ajawaxel che u cojic ri Saul che rajawinel ri Israel.