Chapletajic 6:5 - Quiché Bible

⁵ Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Chapletajic 6:5 Iomraidhean Croise

Chapletajic 13:13

jawije' ri e c'o wi ri winak ri sibalaj e banal tak etzelal chuwäch ri Ajawaxel.

Chapletajic 8:21

Aretak xopan ri c'oc'alaj ruxlab ri tabal tok'ob chuwäch ri Ajawaxel, xubij: “Mawi jumul quinc'okoj ta chic ri ulew u mac rech ri winak, kas c'u pa ri rac'alal ulok ri winak xuwi cuchomaj ri man utz taj. Xukuje' mawi jumul quinsach chic qui wäch conojel ri awaj, jas ri nu banom.”

Ri Job 15:16

¡etac'ulo ri winak, ri xibibal ch'uluch'uj ri cuban etzelal jacha' ri ruq'uiaxic ja' rumal!

Ri Job 22:15

¿La cachomaj u takexic ri k'ekumalaj be ri qui takem ri e banal tak etzelal?

Salmib 53:2

Pa ri caj, ri Dios queril ulok ri winak che rilic we c'o jachin jun ri cächomanic ri cutzucuj ri Dios.

E C'ambal tak Tzij 6:18

ri chomanic ri quebuchomaj qui banic itzelalaj tak jastak, ri akanaj ri quexiq'uin ruc' rayinic che u banic ri etzelal,

Ri Tzijonel 7:29

Xuwi c'u nu rikom ri quinya' u bixic: chi ri Dios tz'akat u banic ri winak xubano, are c'u ri winak u yojim ri u c'aslemal.

Ri Tzijonel 9:3

Are c'axc'olil wa' pa ronojel ri cäc'ulmataj cho we uwächulew ri': chi conojel xa junam jasach quebeyem conojel. Nojinak c'u ne ri u chomanic ri winak che ri etzelal; ri conil are catakan puwi' ri u chomanic ronojel ri u c'aslemal; ¡chuq'uisbalil c'ut quemukok!

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Ri Ezequiel 8:12

Xubij c'u chwe: “¿La cawil ri caquiban ri nimak tak tatayib aj israelib chic'uyal, chquijujunal e c'o chquiwäch ri e dios? Are c'u pa qui c'u'x chi man quebenwiltaj, chi nu xutum can ri ulew ri'.”

Ri Ezequiel 8:9

Xubij c'u chwe: “Chatoc bic quebawil c'u na ri xibibalalaj tak jastak ri queban chi'.”

Ri Matey 15:19

Chupam c'ut ri anima' quebel wi ulok ri itzel tak chomanic, cäcämisanic, ri kajic pa mac ruc' jun winak chic, ri cuc'axic quib cuc' achijab ixokib che qui banic macunic, eläk'anic, jalum k'alajisanic, yok'onic.

Ri Matey 24:37

Je jas pa tak ri u k'ijol ri Noe, jeri' ri u petic ri Rija'l winak.

Ri Lucax 17:26

Jas ri xc'ulmax pa tak ri u k'ij ri Noe, jeri' xukuje' cäc'ulmax na pa tak ri u k'ij ri Rija'l Winak.

U Camulixic ri Pixab 29:19

We c'u aretak i tom chic ri tzij re we chi'nic ri' ri kas cäban na, we c'u ne c'o jun chiwe ri cuban rib chi sibalaj utz, cuchomaj c'ut, cubij: ‘Ronojel ri quinbano utz quel na, pune' are quinbano jas ri quinwaj.’ Are c'u wa' ri cac'amow ulok ri c'ax paquiwi' conojel.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.