Chapletajic 6:17 - Quiché Bible

¹⁷ Quinkasaj na jun k'ekal jäb puwi' ri uwächulew, che u sachic qui wäch conojel ri e c'asc'oj cho ronojel ri uwächulew. Quecäm na conojel ri winak xukuje' conojel ri chicop ri e c'o cho ri uwächulew.

Chapletajic 6:17 Iomraidhean Croise

Chapletajic 2:7

Are' c'u ri Ajawaxel are xucoj ri puc'uc' ulew che u nuq'uic ri achi, xuxlab c'u pa u tza'm xuya' c'u u c'aslemal. Jeri' ri achi xuchaplej c'aslemal.

Chapletajic 6:13

xubij che ri Noe: “Xchomataj wumal chi quinsach qui wäch conojel ri winak. E are' c'ut ajchak'maquib chi e c'o q'ui ri tokinic cho ri uwächulew, rumal ri' xinchomaj u sachic qui wäch ri winak xukuje' ronojel ri uwächulew.

Chapletajic 6:16

Oxwik cäban che, cäban jun u wenta'n re niq'uiaj bara' man copan che ri u wi', xa jun u chi' cäban pa jun u xcut.

Chapletajic 6:7

“Quinq'uis tzij paquiwi' ri winak cho ri uwächulew ri e nu winakirisam, xukuje' conojel ri awaj aj uwo tak ja, ri awaj ri cäquijururej tak quib, xukuje' ri chicop ri c'o qui xic'. ¡C'ax pa wanima' chi xebenbano!”

Chapletajic 7:15

Ronojel qui wäch awaj xeboc ruc' ri Noe pa ri jucub, pa tak c'ulaj.

Chapletajic 7:17

Cawinak (40) k'ij xuban ri k'ekal jäb. Aretak xq'uiy ri ja', ri ja' xuyac ri jucub puwi' ri ulew, xuchaplej c'u liowem.

Chapletajic 7:4

Xa c'u pa wukub k'ij quinkasaj jun k'ekal jäb re cawinak (40) k'ij, cawinak (40) ak'ab. ¡Quinsach na qui wäch conojel ri e c'aslic, ri e nu banom!”

Chapletajic 9:9

“Chiwilampe', quinjekeba' ri nu c'ulwächinic iwuc' xukuje' cuc' tak ri e iwija'lil.

Ri Job 22:16

We winak ri' sibalaj chanim xecämic e jacha' ta ne ri xecharchatex ta bic rumal jun u tza'm ja'.

Salmib 107:34

ri ulew ri cäwächinic cuq'uex pa rulewal atz'am rumal ri quetzelal ri winak ri e c'o chila';

Salmib 29:10

Ri Ajawaxel cätakan puwi' ri jäb; ¡ri Ajawaxel are' ajawinel ri c'o u takanic chbe k'ij sak!

Elem 14:17

In quinbana' na chi ri aj ejiptib co caquitac'aba' na quib rech quixquiterenej na; quinc'ut c'u ri nu cuinem puwi' ri ajawinel xukuje' paquiwi' conojel ri rajch'ojab, paquiwi' ri u carwaj xukuje' paquiwi' ri rajquiejab.

Ri Isaiy 51:12

“In, kas in, quinyo'w u chuk'ab ri awanima'. ¿Jachin chquiwäch caxe'j ta wi awib? ¿La chquiwäch ri winak? ¿La chquiwäch ri winak ri xa quecämic ri xa e junam ruc' ri k'ayes?

Ri Isaiy 54:9

Je jacha' ri chi'nic ri kas cäban na ri xinbij che ri Noe, aretak xuban can ri k'ekal jäb, chi man quinnojisaj ta chi ri uwächulew ruc' ja', je c'u ri' quinban na ri chi'nic ri kas cäban na chawe, chi man cäpe ta chi na woyowal chawe mawi quincoj chic a xib.

Ri Ezequiel 34:11

“In, ri Ajawaxel, quinbij: Kas in quinoc na il che qui chajixic ri nu chij.

Ri Ezequiel 34:20

Rumal ri' in, ri Ajawaxel, quinbij chiwe: Quenbana' na suq'uilal chquixo'l ri chij ri e chomak na xukuje' ri e c'alax.

Ri Ezequiel 5:8

Rumal ri' in, ri Ajawaxel, quinbij: In xukuje' quenk'atij na a wäch, Jerusalen; quenya' na ri c'äjisabal a wäch chquiwäch conojel ri nimak tak tinimit.

Ri Ezequiel 6:3

je chabij wa' chque: ‘Chitatabej, e u juyub tak ri Israel, ri cubij ri Ajawaxel chque tak ri juyub, ri ch'ucuch'ak tak juyub, ri nima' xukuje' tak ri beya': Quenbana' na quebensachisaj c'u na qui wäch ri c'olbal ri quek'ijilax wi tak diosib.

Ri Osey 5:14

Jacha' ri cuban jun coj cuq'uiak rib je quinban na in aretak quinq'uiak wib chrij ri Eprain xukuje' chrij ri Juda; kas in quebenmuch tak canok, quinbextax c'ut; quebenmajij tak na, man c'o ta c'u jun jachin ta quebesan pa nu k'ab.

Aj Levitib 26:28

ri in quintakej i c'ulelaxic ruc' oyowal, quinc'äjisaj chi na i wäch wukub mul u mac rech ri i mac.

Ri Amos 9:6

Ri Ajawaxel u cojom ri u jekelibal pa ri caj puwi' c'ut ri räxalaj caj ri c'o puwi' ri uwächulew; ri are' quebusiq'uij ri ja' re ri plo quebujamij c'u puwi' ri uwächulew. Ri Ajawaxel, are' wa' u bi'.

Ri Matey 24:39

Man quetam taj c'ä xpe na ri nimalaj k'ekal jäb, conojel c'ut xec'am bic rumal ri ja'. Jeri' xukuje' ri u petic ri Rija'l winak.

Ri Lucax 17:27

Ri winak quewa'ic, quebuq'uianic, quec'uli'c, quequiya' ri calc'ual che c'ulanem, c'ä pa ri k'ij aretak xoc ri Noe pa ri jucub. Xpe c'u ri nimalaj k'ekal jäb, xusach qui wäch conojel.

Romanos 5:21

Rech jeri', jacha' chi ri mac xajawin che cämical, je c'u ri' xukuje' ri tok'ob chajawin che suq'uilal che junalic qui c'aslemal rumal ri Jesucrist, ri Kajaw.

Romanos 6:23

Ri tojbal ri cuya' ri macaj, are ri cämical; are c'u ri cochinic ri cuya' ri Dios, junalic c'aslemal pa ri u rikic kib ruc' ri Crist Jesus, ri Kajaw.

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

2 Pedro 2:5

Xukuje' man xusach ta qui mac ri winak ri e c'o cho ri uwächulew ojer, xane' xuwi xucol ri Noe, tzijol re ri suq'uil, e rachil e wukub winak chic, aretak xutak ulok ri nimalaj k'ekal jäb paquiwi' ri winak re ri uwächulew ri man xquiya' ta u k'ij ri Dios.