Chapletajic 50:5 - Quiché Bible

⁵ chi aretak cämic cuban ri nu tat, xubij chwe chi quinban ri chi'nic ri kas cäban na chuwäch, chi quinmuk na chupam ri u mukubal ri u suc'umam canok c'o c'u pa ri ulew Canaan. Je c'u ri' quintz'onoj jun tok'ob che, chi cuya' quieb oxib k'ij chwe che u mukic ri nu tat, xuwi c'u cämuktaj canok, quintzelej ulok.”

Chapletajic 50:5 Iomraidhean Croise

Chapletajic 3:19

Cach'äc na ri a wa ruc' ri u c'atanal ri a palaj, c'ä cattzelej na pa ri ulew ri xatesax wi', at c'u ya' ulew catux chi c'u na ulew.”

Chapletajic 48:21

Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Chapletajic 50:4

Aretak c'u xetz'akat ri oxc'al lajuj (70) k'ij, ri Jose xtzijon cuc' ri nimak qui k'ij ri e c'o pa ri rachoch ri ajawinel, xubij c'u chque: “We ix utz wuc', chibana' tok'ob chibij che ri ajawinel

Chapletajic 50:6

Ri ajawinel xutak u bixic che ri Jose, xubij: “Jät che u mukic ri a tat, je chabana' jas ri u bim chawe.”

Ucab Tzijobelil 16:14

xmuk c'u chupam ri mukubal ri xutak u banic chupam ri u Tinimit ri David. Xya' chupam jun alaj ch'at ri nojinak che c'oc'al xukuje' ronojel qui wäch cunabal ri quec'oc'atic ri sibalaj je'l qui suc'umaxic xbanic. Xnicowisaxtax c'ut jun nimalaj k'ak' che u ya'ic u k'ij.

Ri Job 30:23

Weta'm chi are caj la quinc'am la bic chupam ri cämical, chupam ri c'olbal ri caquimulij wi na quib conojel ri e c'aslic.

Salmib 79:3

Jacha' ja' xquijamij ri qui quiq'uel pa ronojel ri Jerusalen, man c'o ta c'u jun xemukuwic.

Ri Tzijonel 12:5

ri pakalem cuya' na xe'n ib, xak c'u quieb cubij chic pa ri be. Ri almendr cuchaplej cotz'ijanic, ri sac' cux jun eka'n ri alcapar man c'o ta chic u patan. Cäbe c'ut ri winak chupam ri u jekelibal ri junalic, pa ri be quetataj chic ri cacok'ej ri qui cäminak.

Ri Tzijonel 12:7

Chuwi' chi c'u wa' ri puc'uc' ulew cätzelej chi na pa ri ulew, jacha' ri u banom can nabe, are' c'u ri uxlabal cätzelej na ruc' ri Dios ri yowinak.

Ri Tzijonel 6:3

Jun achi pune' ta ne quebuc'ojolaj jun sient u c'ojol cac'asi' ta c'u q'ui junab, we man cutij bic, we man cucoj bic ri utz, we c'u ne man cämuk ta bic, in quinjiquiba' u bixic chi jun ac'al ri maja' copan u k'ij ri xa tzakom, are utz na re wa' chuwäch we achi ri'.

Ri Isaiy 22:16

‘¿Jas ri awech at c'o waral, o jachin xyo'w pa k'ab chi cayac jun ja ri catmuk wi, chi caban jun a mukubal pa ri chicajil, xukuje' chi cac'ot jun c'olbal pa ri abaj ri catuxlan ta wi?

Ri Matey 27:60

Ri Jose xuya' pa ri c'ac' u mukubal, ri u c'otom pa ri nimalaj abaj. Xuwolkotij can jun nimalaj abaj chuchi' ri mukubal, xbe c'ut.

U Camulixic ri Pixab 4:22

Je c'u ri', pune' ri in quinecäm pa we ulew ri', man quink'ax ta c'u chupam ri nima' Jordan; ri ix c'ut quixk'ax na chupam, quiwechbej na ri utzalaj ulew.

Nabe Samuel 14:43

rumal c'u ri' xubij ri Saul che ri Jonatan: “Chak'alajisaj chnuwäch jas ri a banom.” Ri Jonatan xuk'alajisaj xubij: “Kastzij xinna' jubik' ri juyubal räx cab ruc' ri u wi' ri che' ri wuc'am pa nu k'ab. In c'o c'ut ri', nu yo'm nu tzij quincämic.”