Chapletajic 48:19 - Quiché Bible

¹⁹ Ri u tat man xraj taj, xubij c'u che ri Jose: “¡Weta'm nu c'ojol, weta'm ri quinbano! Xukuje' ri are' cux na jun nim tinimit nim u k'ij. Are c'u ri Eprain ri u chak', are cänimar na u k'ij chuwäch. Ri e rija'lil cäquipok'osaj na nimak tak tinimit.”

Chapletajic 48:19 Iomraidhean Croise

Chapletajic 17:4

“Are c'u c'ulwächinic wa' ri quinban awuc': At catux na qui tat ri nimak tak tinimit ri man quebajilataj taj,

Chapletajic 25:23

Ri Ajawaxel xubij che: “Quieb nimak tak tinimit e c'o chapam; quieb tinimit cätajin quech'ojinic c'ä maja' c'u quebalaxic. Ri jun c'o na u chuk'ab chuwäch ri jun chic, ri nabeal cäc'oji' na chuxe' ri u takanic ri chak'axel.”

Chapletajic 25:28

Rumal c'u rech chi ri Isaac cutij re ri quebuchapa' ulok ri Esau pa tak ri juyub, rumal ri' sibalaj lok' chuwäch; are c'u ri Rebec are sibalaj lok' ri Jacob chuwäch.

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 46:3

Ri Dios xubij che ri Jacob: “In ri' ri Dios, ri u Dios ri a tat. Maxe'j awib che ri a benic pa Ejipt, quinban c'u na chi ri e awija'lil quebux na jun nim tinimit ri nim u k'ij.

Chapletajic 48:14

Ri Jacob aretak xuyuk ri u k'ab paquiwi', xebujalc'atij ri u k'ab, ri u wiquiak'ab xuya' puwi' ri u jolom ri Eprain ri chak'axel, are c'u ri u mox, xuya' puwi' ri u jolom ri Manases pune' are nabeal.

Chapletajic 48:18

Xubij c'u che: “¡Man je taj ri cäban la, tat! Are nabeal wa'. Puwi' wa' ya' wi la ri iquiak'ab la.”

Ri Isaiy 7:17

Ri Ajawaxel cuc'am na ulok pawi', puwi' ri a tinimit xukuje' puwi' ri rachoch ri ajawinel, k'ijol ri mawi jumul e c'ulmatajinak canok aretak ri Eprain xutas rib chrij ri Juda.” (Che ri ajawinel ri Asiriy cäbix wi wa'.)

Ri Ezequiel 27:10

Achijab aj Pers, aj Lidiy xukuje' aj Libiy quepatanij che banal tak ch'o'j quecachilaj ri e awajch'ojab; catquiwik c'u cuc' tak quetecak ch'ich' xukuje' to'bal tak jolomaj, catjuluw c'u cumal.’

U Camulixic ri Pixab 1:10

Sibalaj e q'ui chi c'ut ri e iwalc'ual ri e u yo'm ri Ajawaxel chiwe, camic ix, ix jun nimalaj tinimit chic jacha' ri ch'imil ri e c'o chicaj.

U Camulixic ri Pixab 33:17

Sibalaj je'lic jacha' ta ne ri nabe u c'ojol jun ama' wacax, c'o nimalaj u chuk'ab jacha' ta ne jun u wacax juyub, quebutok' c'u conojel tak ri tinimit copan c'ä chuchi' ri uwächulew. E je tak wa' ri qui q'uiyal ri aj Eprain; e je tak wa' ri cajilabal ri aj Manases.”

Apocalipsis 7:6

Che ri ramak' ri Aser, cablajuj mil (12,000) xcoj quetal. Che ri ramak' ri Neptali, cablajuj mil (12,000) xcoj quetal. Che ri ramak' ri Manases, cablajuj mil (12,000) xcoj quetal.

Apocalipsis 7:8

Che ri ramak' ri Zabulon, cablajuj mil (12,000) xcoj quetal. Che ri ramak' ri Jose, cablajuj mil (12,000) xcoj quetal. Che ri ramak' ri Benjamin, cablajuj mil (12,000) xcoj quetal. E are tak wa' ri xcoj quetal.