Chapletajic 48:15 - Quiché Bible

¹⁵ Je c'u u tewichi'xic ri Jose wa' xubano: “Are' ri Dios ri xquinimaj ri Abraham, xukuje' ri Isaac ri e nu mam; ri Dios ri in chajininak ulok kas pa ri k'ij ri xinalaxic,

Chapletajic 48:15 Iomraidhean Croise

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 24:20

Xuk'ij can ri joron ri c'o pa ri u k'ebal pa ri qui jucub ri awaj, aninak xbe che resaxic ri joron pa ri c'ua', xquitij c'u qui joron conojel ri camey.

Chapletajic 24:40

Ri Abraham xubij chwe: ‘Ri in, in binenak pa ri u be ri Ajawaxel, ri are' cutak na ulok ri u tako'n aj caj awuc' che u c'amic a be rech utz quel ri a binem. Cäc'am c'u jun rixokil ri nu c'ojol chquixo'l ri ixokib que ri wachalaxic, ri u bixic rachalaxic ri nu tat.

Chapletajic 27:27

Aretak xkeb ri Jacob rech catz'umaxic ri Isaac xusik ri ruxlab ri ratz'iak. Xutewichi'j c'u cuc' tak we tzij ri': “Kastzij we uxlab ri' ruxlab ri nu c'ojol. Junam ruc' ri ruxlab jun juyub ri tewichi'm rumal ri Ajawaxel.

Chapletajic 27:4

Chasuc'umaj jun qui'laj nu riquil jas ri cäkaj chnuwäch, cäc'am c'u ulok rech quintijo. Quinwaj catintewichi'j canok xa c'u quieb oxib k'ij chic in c'aslic.”

Chapletajic 28:20

Ri Jacob chila' xuban wi we chi'nic ri': “We quinrachilaj ri Dios xukuje' we qui nu chajij chupam we nu binem ri' ri cätajin quinbano, we cuya' ri quintijo xukuje' ri quinwatz'iakibej,

Chapletajic 28:22

We abaj ri' ri nu cojom jacha' che jun akan, cux na rachoch Dios; quinya' c'u na amak'el che la, nu Dios, ri lajujil che ronojel ri cäya' la chwe.”

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 35:3

Chixwalijok, chujpakal pa Betel; chila' quinbana' wi na jun porobal che u k'ijlaxic ri Dios ri xinuto' aretak in in ch'ibatajinak, c'olinak c'u wuc' pa apachique c'olbal ri in c'olinak wi.”

Chapletajic 48:16

ri tako'n aj caj ri quinuto'tajisaj chuwäch apachique c'ax, chtewichi'n we quieb alabom ri'. Xa ta rumal quech cänatax ri nu bi' xukuje' ri u bi' ri nu mam Abraham, ri nu tat Isaac. Chec'oji' ta q'ui calc'ual. Chebux ta tinimit winak cho ri uwächulew.”

Chapletajic 49:22

Ri Jose jacha' juwi' tico'n chunakaj ja' ri sibalaj cäwächinic, ri e u k'ab quepaki' puwi' ri nimalaj tapia.

Chapletajic 49:24

E c'o c'u cowilaj tak u k'ab ri Jose amak'el co u tanim ri u q'uiakbal ch'ab; ¡maltiox che ri u Dios ri Jacob ri c'o ronojel u cuinem!, ¡maltiox che ri u bi' ri ajyuk', ri to'l rech ri Israel!

Chapletajic 49:28

E are wa' ri e cablajuj (12) amak' ri Israel, are c'u wa' ri xubij ri qui tat chque ri u c'ojol aretak xebutewichi'j, chquijujunal.

Chapletajic 6:9

Are wa' ri u tzijobelil ri Noe. Ri Noe are' ri jun achi ri utz, ri amak'el nimaninak che ri Dios. Chquixo'l conojel ri winak pa tak ri k'ij ri' xuwi ri are' xniman che ri Dios.

Nabe Ajawinelab 3:6

Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Nabe Tzijobelil 5:1

Ri e u c'ojol ri Ruben, ri u nabeal ri Israel, e are' ri Hanoc, Palu, Hezron xukuje' ri Carmi. Ri Ruben are' ri kas nabeal c'ojolaxel, xutzak c'ut ri ya'tal che ri nabealil rumal rech chi xunak ri rixokil ri u tat, ri ya'tal che ri u nabealil xek'axex chque ri e u c'ojol ri Jose, jun chic u c'ojol ri Israel. Are' c'u xux na nim u cuinem ri Juda chquiwäch ri rachalal, che c'ut xel wi na jun c'amal be; are c'u ri ya'tal che ri nabeal c'ojolaxel xya'taj che ri Jose.

Salmib 16:8

Amak'el natal ri Ajawaxel chwe; c'o ri are' pa nu wiquiak'ab man c'o ta quintzakow na.

Salmib 23:1

Ri Ajawaxel are' quinyuk'unic; man c'o ta cajwataj chwe.

Salmib 37:3

Chacu'ba' a c'u'x chrij ri Ajawaxel, chabana' ri utzil, chatc'asal cho ri uwächulew, chätux c'u jic.

Elem 3:16

Jät chebamulij ri nimak tak tatayib re Israel, chabij chque: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob, xuc'ut rib chnuwäch xubij c'u chwe chi oquinak il chiwe xukuje' rilom ri c'ax ri cäban chiwe pa Ejipt.

Elem 4:5

Xubij c'u ri Ajawaxel che ri Moises: “Cac'ulmataj c'ut we mayibal ri' rech cäquicojo chi u c'utum rib ri Ajawaxel chawäch, ri qui Dios ri e a mam; u Dios ri Abraham, ri Isaac, xukuje' rech ri Jacob.”

Ri Tzijonel 5:12

Ri ajchac we catz'akat u pam o man cätz'ak taj, amak'el cawar pa jun nimalaj utzil; ri k'inom man je ta cubano, ri e u k'inomal man caquiya' ta che chi cawaric.

Ri Tzijonel 5:18

Nu rikom c'ut chi ri utz na xukuje' sibalaj je'l na are ri wa'im, xukuje' ri uq'uianic, xukuje' ri u quicotisaxic ib che u wächinic ri sibalaj chacunic cho we uwächulew ri' pa ri quieb oxib k'ij c'aslemal ri cuya' ri Dios chke, are c'u wa' ri ka taklebem.

Ri Tzijonel 6:7

Ri winak cächacunic cächacun c'ut rech cawa'ic, mawi c'u ne jubik' cänojic.

Ri Isaiy 30:21

We c'u cajal ri a be pa ri awiquiak'ab o pa ri a mox k'ab, cata' na jun ch'abal chawij ri cubij na chawe: “Jewa' c'o wi ri be, are chitakej wa'.”

Ri Isaiy 33:16

are wa' ri man c'o ta jachin cäslabisanic, curik na u panibal chupam tak ri cowilaj abaj, ronojel k'ij c'o cutijo xukuje' man cätzaj ta ri u ja'.

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

1 Corintios 10:31

Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

U Camulixic ri Pixab 33:1

Aretak xa co'l man cäcäm ri Moises, ri nimanel che ri Dios, xebutewichi'j ri aj israelib, je qui tewichi'xic wa' xubano.

Colosenses 2:6

Je c'ut jas ri u c'amic ri Ajawaxel Jesucrist i banom, je chixbin ruc' are':

1 Tesalonicenses 2:12

Xixkabochi'j chi quixbinic jas ri takal che jun ri terenel ri Dios. Are' ri Dios xixsiq'uinic rech ix jun pa ri rajawibal xukuje' pa ri u juluwem.

Hebreos 11:21

Rumal ri cojonic, ri Jacob aretak xa' co'lman cäcämic, xebutewichi'j ri ralc'ual ri Jose chquijujunal. Xuya' ri u k'ab puwi' ri u jolom ri ch'imiy, xuk'ijilaj ri Dios.