Chapletajic 47:6 - Quiché Bible

⁶ Ronojel ri ulew re Ejipt c'o pa a k'ab. Chaya' ri Gosen chque, are c'u utzalaj ulew wa' pa Ejipt, rech quecanaj che jekelem chi'. We c'u cach'obo chi e c'o sac'ajalaj tak achijab chquixo'l, chebacojo' che takanelab paquiwi' ri wawaj.”

Chapletajic 47:6 Iomraidhean Croise

Chapletajic 13:10

Ri Lot xca'y apan che ronojel ri u beya' ri nima' Jordan xril c'ut chi, c'ä pa ri alaj tinimit Zoar, ri beya' e c'o q'ui ja' chupam jacha' jun ticonijibal cotz'i'j. Xa co'l man cajunamataj ruc' ri Ejipt. (Wa' je u banic nabe c'ä mäjok chesachisax qui wäch ri tinimit ri Sodom xukuje' ri Gomor rumal ri Ajawaxel.)

Chapletajic 13:9

Chawilampe', c'o ronojel ri ulew chawäch, chacha' jachique ri cawaj. Chabana' jun tok'ob, chatasa' awib chwij. We catbe pa ri iquiak'ab in quinbe pa ri mox k'ab, we c'u catbe pa ri mox k'ab in quinbe na pa ri iquiak'ab.”

Chapletajic 20:15

xubij c'u che ri Abraham: “Chawilampe', c'o ronojel ri wulew chawäch. Chacha' ri c'olbal ri sibalaj utz cawilo, rech catjeki' chupam.”

Chapletajic 34:10

Chixcanaj kuc'. C'o we ulew ri' chiwäch, chixcanaj waral, chibana' i c'ay, chilok'o' iwulew.”

Chapletajic 45:10

Queljekel c'u na la chupam ri ulew re Gosen, junam cuc' ri alc'ual la xukuje' ri e i mam la, xukuje' ri awaj la cuc' conojel ri e c'o uc' la. Jeri' quelc'ola la chi nu nakaj.

Chapletajic 46:34

quibij che chi ix ticol tak chij xukuje' wacax jacha' ri e i mam. Jeri' quixcuinic quixcanaj canok pa ri ulew Gosen, rumal rech chi man cäya' ta c'olbal chque ri aj ejiptib chi quejeki' cuc' ri ajyuk' tak chij.”

Chapletajic 47:11

Ri Jose xuya' culew chupam ri ulew ri c'o pa Ejipt ri utz na, rech quejeki' chila', je jacha' ri takanic ri u yo'm ri ajawinel. Jeri' ri u tat xukuje' ri e rachalal xec'oji' tak culew chupam ri ulew ri c'o pa Ramses.

Chapletajic 47:16

Ri Jose xubij chque: “We man c'o chic i rajil, chebic'ama' ulok ri iwawaj, quinya' c'u na i trico che qui q'uexwäch.”

Chapletajic 47:4

Uj petinak rech cujelcanaj pa we ulew ri', rumal rech chi c'o nimalaj wi'jal pa Canaan, man c'o ta chic k'ayes chque ri ka chij. Bana' la tok'ob ya' la chke chi cujcanaj che jekelem chupam ri ulew Gosen.”

Chapletajic 47:5

Ri ajawinel xubij che ri Jose: “Ri a tat xukuje' conojel ri awachalal e ulinak rech quec'oji' awuc'.

Nabe Ajawinelab 11:28

Ri Jeroboam are' jun cowilaj achi ri man c'o ta quieb tzij ruc'; aretak c'u xril ri Salomon chi we c'ojol ala ri' sibalaj sac'aj, xucoj paquiwi' conojel ri e rija'lil ri Jose.

Ucab Tzijobelil 26:10

Xukuje' xebuyac tac'atak tak ja pa ri chaki'j uwo sak, xebuc'ot tak q'ui c'ua' rumal rech chi e q'ui ri rawaj e c'olic, c'o e c'o pa ri lianic jacha' xukuje' ri e c'o puwi' ri juyub. Xukuje' e c'o rachijab ri quechacun pa tak ri juyub xukuje' ri e c'o pa tak ri ticbal tak u uva ri e c'o pa ri rulewal ri c'ache'laj, xukuje' pa ri ticbal tak ichaj, cäkaj c'ut ri ticonijic chuwäch.

Elem 18:21

Chebacha' achijab chquixo'l ri winak ri c'o qui no'j, ri cäquina' quib chuwäch ri Dios, ri ch'ajch'oj canima', achijab ri man quequitzucuj taj chäcoj ruc' subunic, chaya' takanic pa qui k'ab paquiwi' jujun mil winak, jujun sient, cawinak lajuj, xukuje' lajujitak.

Elem 18:25

Xebucha' achijab ri c'o qui no'j chquixo'l conojel ri aj israelib, xuya' takanic pa qui k'ab paquiwi' jujun mil winak, jujun tak sient, cawinak lajuj, xukuje' lajujitak winak.

Elem 9:10

Ri Moises rachilam ri Aaron xquic'am ri chaj pa jun jorno, xeboc chuwäch ri ajawinel. Chila' c'u xujopij wi ri Moises ri chaj pa ri quiakik', xepe c'u ch'a'c chquij ri winak xukuje' chquij ri awaj.

Elem 9:21

e c'o c'u jujun ri man xeboc ta il che ri xbix chque, xequiya' can ri cajchaquib xukuje' ri cawaj pa ri juyub man c'o ta qui cäbal.

E C'ambal tak Tzij 21:1

Ri u chomabal ri ajawinel pa u k'ab ri Ajawaxel. Cätakenic e jacha' tak ri nima', ri be ri craj ri Ajawaxel.

E C'ambal tak Tzij 22:29

Jachin ri utz u banic ri u chac cubano, c'o ri che qui patanixic tak ri ajawinelab man c'u chque ta apachique winak.

Ri Jeremiy 40:4

Ampe', kas camic quebenwesaj tak ri tikom ch'ich' ri e ximibem awech. We are cawaj chi catbe wuc' pa Babilon, jo'; in catinwilij na we c'u ne man cawaj catbe wuc', chatcanajok. C'o ronojel ri ulew pa a k'ab: cuya' catbec jawije' ri cawil wi chi utz na chawe.

Ri Xuan 17:2

Je jacha' ri yo'm la takanic pa u k'ab puwi' conojel winak, rech cuya' junalic c'aslemal chque conojel ri e yo'm la che.

Nabe Samuel 21:7

Pa ri k'ij ri' c'o jun chque ri rajchaquib ri Saul, ri rajawaxic cacanaj na can pa ri k'ijilabal. Jun aj Edom ri Doeg u bi', c'amal qui be ri rajyuk'ab ri Saul.