Chapletajic 45:16 - Quiché Bible

¹⁶ Xopan u bixic pa ri rachoch ri ajawinel ri paraon chi xebopan ri rachalal ri Jose, sibalaj xquicot ri ajawinel xukuje' conojel ri nimak qui k'ij ri e c'o ruc'.

Chapletajic 45:16 Iomraidhean Croise

Chapletajic 16:6

Ri Abram xubij che ri Saraiy: “Chawilampe', pa k'ab c'o wi ri Agar, ri a lok'om pataninel, chabana' che jas ri cawaj.” Xuchaplej c'u u banic c'ax ri Saraiy che ri Agar, rumal c'u ri' xanimaj bic ri Agar.

Chapletajic 20:15

xubij c'u che ri Abraham: “Chawilampe', c'o ronojel ri wulew chawäch. Chacha' ri c'olbal ri sibalaj utz cawilo, rech catjeki' chupam.”

Chapletajic 34:18

Ri Hamor xukuje' ri Siquem ri u c'ojol, xquiya' qui tzij che u banic ri xbix chque cumal ri e u c'ojol ri Jacob.

Chapletajic 41:33

Rumal ri' rajawaxic chi cätzucuj la jun achi ri c'o utzalaj u chomanic, utzalaj u no'j, ri chtakan pa ri ulew.

Chapletajic 41:37

Ri ajawinel utz xuta' we chomanic ri' ri xubij ri Jose xukuje' utz xquita' conojel ri rach k'atal tak tzij.

Chapletajic 45:15

Ri Jose xebutz'umaj conojel ri rachalal. Xebulak'apula' chquijujunal, xrok'ej qui wäch. C'ä te' ri' xel ri xe'n ib chque xetzijon ruc'.

Chapletajic 45:17

Ri ajawinel xubij che ri Jose: “Chabij chque ri awachalal chi chquic'ama' bic ri trico chquij ri qui bur. Chetzelej c'u pa Canaan,

Ucab Samuel 3:36

Conojel xquich'ob wa' xkaj c'u chquiwäch, ronojel c'ut ri cuban ri ajawinel cakaj chquiwäch ri winak.

Ucab Tzijobelil 30:4

We chomanic ri' utz xuta' ri ajawinel xukuje' ronojel ri tinimit utz xquita' ri chomanic ri xbanic,

Ri Ester 1:21

Ri u chomanic ri Memucan utz xuta' ri ajawinel xukuje' conojel ri e ya'l tak u no'j ri ajawinel, xuban c'ut ri ajawinel ri xbix che.

Ri Ester 2:4

are c'u ri ali ri sibalaj cakaj na chuwäch ri ajawinel are chäcoj che ixok ajawinel are' cacanaj chupam ri u c'olbal ri Basti.” Ri chomanic xkaj pa u jolom ri ajawinel, je c'u xbanic.

Ri Ester 5:14

Are c'u ri rixokil xukuje' ri achijab ri xak junam qui wäch ruc' xquibij che: “Chataka' u tac'abaxic jun jitz'abal ri quel juwinak oxib (23) bara' chicaj, chwek ak'ab cha tz'onoj che ri ajawinel chi chwek chaxequebax ri Mardoquey puwi'. Je c'u ri' catcuinic catbe na pa ri wa'im ruc' ri ajawinel man c'o ta chi c'u jas catoc ta chi wi il.” We chomanic ri' utz xuta' ri Aman, xutak c'u u tac'abaxic ri jitz'abal.

Hechos 6:5

Xkaj ri tzij chquiwäch conojel, xequicha' c'ut ri Estebn, are jun achi nojinak che cojonic xukuje' nojinak che ri Ruxlabal ri Dios, xukuje' xequicha' ri Pelip, ri Procr, ri Nicanor, ri Timon, ri Parmens xukuje' ri Nicolas ri aj Antioquiy ri u c'amom ri qui cojonic ri aj judeyib.

Hechos 7:13

Aretak xebe che ri u camul, ri Jose xuk'alajisaj rib chquiwäch ri rachalal, jeri' ri paraon xretamaj e jachin tak ri rachalaxic ri Jose.

U Camulixic ri Pixab 1:33

ri canabej chiwäch che u ch'aic ri c'olbal ri quixekaj wi. Chak'ab ruc' k'ak' cuc'ut ri i be ri rajawaxic quiterenej, pa k'ij ruc' jun sutz' cuc'am ri i be.”