Chapletajic 44:2 - Quiché Bible

² Are c'u ri nu kumubal re sak puak, chaya' bic puwi' ri u coxtar ri chak'axel junam ruc' ri rajil ri u trico.” Ri tako'n xuban ronojel ri xubij ri Jose che.

Chapletajic 44:2 Iomraidhean Croise

Chapletajic 42:20

Jic'ama' ulok ri i chak' chnuwäch, rech cäkilo we kastzij ri i bim. We man kastzij, quixcämic.” Ri e are' xquinimaj.

Chapletajic 42:25

Xuya' takanic chi cänojisax ri qui coxtar che trico, xukuje' cätzelex bic ri qui rajil chquijujunal puwi' tak ri qui coxtar. Xukuje' chi cäya' bic qui wa re qui be. Je c'u xbanic jas ri xubij ri Jose.

Chapletajic 43:32

Ri Jose xa u tuquiel xwa' pa jun mexa, ri e u c'ojol tak ri Jacob puwi' jun mexa chic, ri aj ejiptib ri quewa' ruc' ri Jose puwi' jun mexa chic, man ya'tal ta c'ut chi quewa' ri aj ejiptib cuc' ri aj hebreyib.

Chapletajic 44:1

Ri Jose xuya' u takquil ri u tako'n, xubij che: “Chanojisaj ri qui coxtar we achijab ri' che trico, joropa' ri cäquich'ij bic, xukuje' chaya' bic ri qui rajil puwi' tak ri qui coxtar chquijujunal.

Chapletajic 44:12

Ri tako'n xutzucuj pa tak ri coxtar, xuchaplej ruc' ri nabeal. Xuq'uisa' c'ä ruc' ri q'uisbal qui chak'. Xurik c'u ri lak kumubal chupam ri u coxtar ri Benjamin.

Chapletajic 44:3

Xuwi xca'y ri k'ij, ri Jose xebujach bic ri rachalal xequic'am bic ri qui bur.

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

2 Corintios 8:8

Man quinbij ta wa' chiwe jas jun takanic chi je quibana'. Xak xuwi quinwaj chi quiwetamaj jas cäquiban ri niq'uiaj chic, cäquicoj qui chuk'ab, rech ri ix quic'utu we kastzij c'o lok'ok'ebal i c'u'x.

U Camulixic ri Pixab 13:3

Minimaj ri cubij chiwe. Are c'u cäraj ri Ajawaxel ri i Dios quixuc'ambejej che retamaxic we kas qui lok'ok'ej ruc' ronojel iwanima' xukuje' ruc' ronojel i c'aslibal.

U Camulixic ri Pixab 8:16

Jaswa' xutzukbej ri iwech pa ri chaki'j uwo sak, ri wa ri' man xquetamaj ta u wäch ri e i mam, che i mach'irisaxic, che i c'ambejexic xukuje' che u banic utzil chiwe chuq'uisbalil.

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.