Chapletajic 42:1 - Quiché Bible

¹ Aretak xretamaj ri Jacob chi c'o trico pa Ejipt, xubij chque ri u c'ojol: “¿Jas cätajin quibano, jasche xak quica'yela' iwib?

Chapletajic 42:1 Iomraidhean Croise

Chapletajic 41:54

xchapletaj c'u ri wukub junab q'uetetem jas ri u yo'm u bixic ri Jose. Xc'oji' wi'jal pa conojel tak ri ulew, xak xuwi pa Ejipt c'o wi trico;

Chapletajic 41:57

Conojel ri winak re niq'uiaj ulew chic xebopan pa Ejipt che u lok'ic qui trico ruc' ri Jose. Man c'o ta c'u jun ulew ri c'o ta wi cätijic.

Chapletajic 42:2

Bim chwe chi c'o trico pa Ejipt. Jix ba' chila', jilok'o ulok ka trico che ka wa' rech cuya' cäkatakej c'aslemal.”

Nabe Ajawinelab 19:3

Ri Eliy aretak xuta' chi xak quieb tzij puwi', che c'u u to'ic ri u c'aslemal, xbe pa Beerseb ri c'o pa Juda chila' c'u xuya' wi can ri pataninel re.

Ri Esdras 10:4

Chatwalijok, jun jasach c'u wa' ri at catbanow na; uj ka junamam ka wäch awuc'. Chacojo' a chuk'ab, chatoc c'u che u banic ri chac.”

Elem 20:18

Conojel ri aj israelib kas xquinabej ri cakulja, xukuje' ri caypa', ri cok'ibal trompet xukuje' ri juyub ri mukutal pa ri sib; xebirbobic, naj xequiya' wi quib.

Elem 5:19

Ri solil tak qui chac ri aj israelib man cäquirik ta chic jas cäquibano, aretak xbix chque chi man c'o ta cäquesaj che ri cajilabal ri xan ri quequijach ronojel k'ij.

Ri Jeremiy 8:14

Cubij c'u na ri tinimit: “¿Jas u patan cujcanaj can waral? ¡Jo' konojel pa tak ri tinimit ri e c'o nimak tak tapia chquij, xa' c'u jumul chujcämisaxok! Ri Ajawaxel, ri ka Dios, cubana' chke chi cuje' cämok; cuya' na cämisanel ja' chke u mac rech chi uj macuninak chuwäch.

Ri Osey 5:13

Aretak cäril ri Eprain ri yabil ri c'amowinak, xukuje' c'u ri Juda queril tak ri e u socotajic, ri Eprain cabe na pa Asiriy che u tz'onoxic ri u to'ic rumal ri nimalaj ajawinel, are c'u ri are' man cäticar ta na che cutzirisaxic mawi qui cunaxic tak ri socotajic.

Hechos 7:12

Aretak c'u xretamaj ri Jacob chi c'o trico pa Ejipt, xebutak bic ri e u c'ojol, ri u bixic ri e ka mam. Are nabe qui bic wa'.

Gálatas 2:7

Man xquibij ta c'u jun c'ac' takanic chwe, xane' xquilo chi kastzij yo'm pa nu k'ab ri u tzijoxic ri tzij re colobal ib chque ri man aj judeyib taj, je jas ri Lu' yo'm pa u k'ab chi cutzijoj ri utzalaj tak tzij re colobal ib chque ri aj judeyib.

Ri Josue 7:10

Ri Ajawaxel xutzelej u bixic che: “Chatwalijok. ¿Jas ri caban chi', cho ri ulew?