Chapletajic 39:9 - Quiché Bible

⁹ Chupam we ja ri' man c'o ta jun ri c'o ta na u takanic chnuwäch; ri wajaw man c'o ta ri ma ta u jachom pa nu k'ab xane' xak xuwi ri lal, lal c'ut ri rixokil; je c'u ri' ¿jas ta che quinban jun jasach ri sibalaj lawalo, quinmacun ta c'u chuwäch ri Dios?”

Chapletajic 39:9 Iomraidhean Croise

Chapletajic 13:13

jawije' ri e c'o wi ri winak ri sibalaj e banal tak etzelal chuwäch ri Ajawaxel.

Chapletajic 20:3

xch'abex c'u ri Abimelec pa u waram rumal ri Dios pa ri ak'ab ri', xubij ri Dios che: “Catecämok, rumal rech chi c'ulanic ri ixok ri a c'amom.”

Chapletajic 20:6

Ri Dios xubij che pa ri u waram: “Kas weta'm chi ruc' ch'ajch'ojalaj awanima' xabano. Rumal ri' man xinya' ta pa k'ab chi caweklej, rech man catmacun ta chnuwäch.

Chapletajic 20:9

Ri Abimelec xtakan che u siq'uixic ri Abraham, xubij che: “¡Chawilampe' ri a banom chke! ¿Jas c'ax nu banom chawe chi a c'amom ulok jun nimalaj mac panuwi' xukuje' ri e nu winak? We jastak ri' man queban taj.

Chapletajic 24:2

Xurika' c'u jun k'ij xusiq'uij jun chque ri pataninel rech ri sibalaj nim winak chic, ri c'o u takanic puwi' ronojel ri jastak rech ri Abraham, xubij che: “Chaya' ri a k'ab chuxe' ri wa',

Chapletajic 39:10

Pune' ri ixok sibalaj xucoj u chuk'ab che ri Jose ronojel k'ij rech cak'oyi' ta ruc' cac'oji' ta c'u pa u xcut, ri are' man xuc'ulaj ta u wäch u tzij.

Chapletajic 41:40

Quinjach ri nimalaj wachoch pa k'ab, conojel c'u ri aj Ejipt cäquinimaj na ri a takanic. Xuwi ri in ri nim na nu k'ij chawäch, rumal rech chi in ri ajawinel.

Chapletajic 42:18

Churox k'ij c'ut xubij ri Jose chque: “Ri in quina' wib chuwäch ri Dios. Chibana' wa' man c'o ta c'u quic'ulmaj na.

Ucab Samuel 11:27

aretak c'u xoc'ow ri u bis, xtakan ri David che u c'amic ulok xuc'am c'u pa ri rachoch xuban rixokil che, xralaj c'u jun u c'ojol. Man xkaj ta c'u chuwäch ri Ajawaxel ri xuban ri David.

Ucab Samuel 12:13

Ri David xucoj rib chupam ri u mac chuwäch ri Natan. “In macuninak chuwäch ri Ajawaxel.” Xutzelej c'u u bixic ri Natan che: “Ri Ajawaxel man cuc'äjisaj ta wäch la che ri mac la ri bano la, man quecäm ta c'u na la.

Ri Nehemiy 5:15

E are' tak c'u ri e takanelab ri xec'oji' can nabe chnuwäch, xebux jun eka'n che ri tinimit, k'ij chk'ij caquitok'ij cawinak rakan sak puak che ri rajil qui wa xukuje' che rajil u wa'l qui uva. Xak c'u u tz'akat chic ri e cajchaquib sibalaj c'ax caquiban che ri tinimit. Are c'u ri in man je ta xinbano, rumal rech chi nim quinwil ri Dios.

Ri Nehemiy 6:11

Ri in c'ut xintzelej u bixic che: “Ri achijab e jacha' ri in, man quebanimaj taj, mawi queboc ta quib chupam ri rachoch Dios che u to'tajisaxic ri qui tz'umal. Are c'u ri in man quinoc ta na wib.”

Ri Job 31:23

In quinxe'j can wib chuwäch ri c'äjisabal wächaj ri cuya' ri Dios; ¡ma ta xincuin ri' xintac'aba' ta wib chuwäch ri nimalaj u banic!

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Elem 20:14

Mat kaj pa mac ruc' jun winak chic.

E C'ambal tak Tzij 6:29

Ri cuputzcuyij rib ruc' ri ixok ri man c'o ta cux che, man c'o ta u to'tajic.

E C'ambal tak Tzij 6:32

¡Sibalaj con ri achi ri cäbin ruc' jun ixok ri man c'o ta cux che! ¡Ri je cuban wa' xa u tuquiel cäretzelaj rib!

Ri Tzijonel 7:26

Nu rikom jun jasach ri c'o na chuwäch ri cämical: ri ixok ri cucoj ri ranima' che qui cojic c'amibal ri caximan ruc' tak ri e u k'ab. Ri utz u binibal chuwäch ri Dios canimaj na chuwäch, are c'u ri cäbin pa ri mac cäkaj na pa tak ri e u c'amibal.

Ri Jeremiy 28:16

Rumal ri' ri Ajawaxel cubij: ‘Catin wesaj cho ri uwächulew chi casach a wäch. Pa we junab ri' catcäm na, rumal rech chi cumal ri a tzij atakchi'm ri tinimit che nu c'ulelaxic.’ ”

Ri Jeremiy 50:7

Aretak queriktaj cumal ri qui banom qui c'ulel chque caquibij c'ut: ‘Man ka mac taj, rumal rech chi ri e are' xemacun chuwäch ri Ajawaxel, ri jicalaj tzukul quech, ri queyebal c'u'x ri e qui mam.’

Aj Levitib 20:10

We c'o jachin jun achi cäkaj pa mac ruc' ri rixokil ri rajil u tz'akat, ri achi xukuje' ri ixok qui cabichal quec'okox na che cämical.

Aj Levitib 6:2

“Aretak c'o jachin camacunic cux c'u ajchak'mac re t'orinic chuwäch ri Ajawaxel rumal ri u subic ri rach aj k'uch pa jun ch'äcoj o puak ri jachom pa u k'ab o rumal eläk'anic o u cojic chuk'ab che ri rach winak,

Ajilanic 32:23

We c'u man jewa' qui bano, chiwetamaj chi quiban jun macaj chuwäch ri Ajawaxel copan c'u na ri c'äjisabal i wäch rumal we macaj ri'.

Ri Lucax 12:48

Are c'u we jun man cuch'ob taj, xuban c'u ri takal wi u ch'ayic, xa' jubik' cäch'ay na. Conojel c'u ri winak ri xya' q'ui pa qui k'ab, sibalaj q'ui cäta' na chque.”

1 Corintios 4:2

Ri c'o jas yo'm pa qui k'ab, rajawaxic chi kas e jic chquijujunal.

Ri Tit 2:10

c'o mebeläk' chque, cäquic'utu chi e jic pa ronojel, rech pa ronojel cäquic'utu chi sibalaj je'lic ri u tijonic ri Dios ri ka Colonel.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

1 Juan 3:9

Man c'o ta jun ri uxinak ralc'ual ri Dios cutakej u banic macunic, c'o c'ut u c'aslemal ri u yo'm ri Dios; man ya'tal ta c'u che chi camacunic, ralc'ual c'ut ri Dios.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.