Chapletajic 37:8 - Quiché Bible

⁸ Xquibij c'u ri rachalal che: “¿Ri cawaj cabij chi catoc na che kajawinel, cattakan c'u na pakawi'?” Xa c'u sibalaj xquetzelaj chi na u wäch rumal ri richic', xukuje' rumal ri u bixic ri xubij chque.

Chapletajic 37:8 Iomraidhean Croise

Chapletajic 27:41

Kas chi' c'ut ri Esau xretzelaj u wäch ri Jacob, rumal ri tewichibal ri xya' che rumal ri u tat, xubij: “Xak pa quieb oxib k'ij, cäcäm ri nu tat, aretak c'u cäminak chic, quincämisaj ri Jacob ri nu chak'.”

Chapletajic 37:4

Aretak xquil ri rachalal chi are sibalaj lok' ri Jose rumal ri Jacob chquiwäch ri e are', xquetzelaj u wäch, mawi c'u ne caquiya' chic rutzil u wäch.

Chapletajic 37:9

Xuban chi c'u jun ichic' ri Jose ri xukuje' xutzijoj chque ri rachalal. Xubij chque: “¿La iweta'm, xinban chi jun ichic', ri xinwil wi chi ri k'ij, ri ic' xukuje' julajuj (11) ch'imil caquimejela' quib chnuwäch?”

Chapletajic 42:10

“¡Jayi', tat!,” xecha' ri e are'. “Uj ri uj pataninel ech la uj petinak che u lok'ic trico.

Chapletajic 44:18

Ri Juda xoc chuwäch ri Jose, xubij che: “Quinwaj quinbij quieb oxib tzij che la. Bana' la jun tok'ob mäpe oyowal la chwe, ri lal xak junam k'ij la ruc' ri ajawinel.

Chapletajic 49:26

Nim na ri a tewichi'xic rumal ri a tat chuwäch ri tewichibal ri xquiya' ri e nu mam chwe in. C'ä chuq'uisbalil tak ri junalic tak juyub, we tewichibal ri' cäc'oji' na pa u jolom ri Jose, ri cha'tajinak chquixo'l ri rachalal.

Chapletajic 50:18

Xebopan c'u ri kas e rachalal, xquimej quib chuwäch c'ä xquiya' na ri qui palaj cho ri ulew, xquibij che: “Uj c'o chawäch uj a lok'om tak pataninelab.”

Salmib 118:22

Ri abaj ri xetzelax u wäch cumal ri e banal tak ja, are c'u uxinak ri abaj ri nim na u patan.

Elem 2:14

Ri aj hebrey xutzelej u bixic che: “¿Jachin c'u ri xatcojow at jacha' che c'amal be xukuje' che k'atal tzij pakawi'? ¿La xa ta pu lo cachomaj nu cämisaxic, jacha' ri xaban che u cämisaxic ri aj ejipt?” Ri Moises aretak xuta' ri xbix che sibalaj xuxe'j rib, xretamaj c'ut chi tatajinak chic chi xucämisaj jun achi aj ejipt.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Ri Lucax 20:17

Ri Jesus c'ut xca'y chque ri winak, xubij: “¿Jas c'u ri tz'ibatalic?: ‘Ri abaj ri xquiq'uiak can ri banal tak ja, are' uxinak ri abaj ri nim na u banic.

Hechos 7:35

Are Moises wa', ri xquetzelaj u wäch aretak xquibij: ‘¿Jachin xatcojow che c'amal be, xukuje' che k'atal tzij?’ Pune' jeri', are ri are' ri xtak bic rumal ri Dios che c'amal qui be paquiwi' xukuje' che to'l quech. Je xuban ri Dios rumal ri tako'n aj caj ri xuc'ut rib chuwäch pa ri juwi' q'uix.

U Camulixic ri Pixab 33:16

cumal ri e utzalaj tak wächinic ri quebuya' ri uwächulew, xukuje' rumal ri utzalaj u rayibal ri cajeki' pa ri q'uix. Chpet ronojel puwi' ri Jose, ri xcha' chquixo'l ri rachalal.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Nabe Samuel 10:27

E c'o c'u ne ri itzel tak ak'aj ri je xquibij wa': “¿La are ta lo wa' ri cujesan pa qui k'ab ri c'ulel?” Man nim ta c'u xquil wi man xquiya' ta u k'ij; xuban c'u rib ri Saul chi man xretamaj taj.

Nabe Samuel 17:28

Are c'u ri Eliab, ri ratz ri David, ri xuto jas ri xutzijoj cuc' we achijab ri', xyactaj royowal chrij xubij che: “¿Jas ri xalabana' waral? ¿Jachin ruc' xebaya' wi can conojel tak ri chij ri e c'o pa ri chaki'j uwo sak? In weta'm chi sibalaj at nimol awib xukuje' ri e itzel tak a chomanic, at petinak xak xuwi che rilic ri ch'o'j.”

Nabe Samuel 18:8

Ri xbixic sibalaj c'ax xuna' ri Saul, ruc' c'u sibalaj royowal xubij: “Xya' u bixic chi lajuj mil (10,000) achijab xebucämisaj ri David, are c'u ri in chi xa jun mil (1,000). ¡Xuwi chi craj chi cäquiban cajawinel che!”