Chapletajic 36:2 - Quiché Bible

² Ri Esau xc'uli' cuc' alitomab aj cananeyib: ri Ada u mia'l ri Elon ri aj hititib; ri Aholibam u mia'l ri Ana ri' u mam ri Zibeon ri aj hebey;

Chapletajic 36:2 Iomraidhean Croise

Chapletajic 27:46

Ri Rebec xutzijobej ri Isaac, xubij che: “Ri in sibalaj in k'itajinak chi che ri c'aslemal, u mac quech ri alitomab aj hititib ri xec'uli' ruc' ri Esau. We ri Jacob cäc'uli' ruc' jun chque ri aj hititib ri e c'o waral pa Canaan, are utz na we quincämic.”

Chapletajic 28:9

rumal ri' ri Esau xbe che u ta'ic ri Mahalat, ri u mia'l ri Ismael (ri Abraham are' ri u tat ri Ismael). Xc'uli' c'u ruc' ri Mahalat ri rana'b ri Nebaiot. Xc'uli' ruc', pune' ta ne e c'o chi niq'uiaj rixokil aj cananeyib.

Chapletajic 36:14

Ri Aholibam are jun rixokil chic ri Esau, ri ral ri xec'ojic e are' ri Jeus, ri Jaalam, ri Core. Ri Aholibam ri are u mia'l ri Ana, ri' u mam ri Zibeon.

Chapletajic 36:24

Ri e u c'ojol ri Zibeon are ri Aja, ri Ana. We Ana ri' are wa' ri xerikow ri bulbux tak ja' pa ri chaki'j uwo sak aretak cätajin quebuyuk'uj ri u bur ri u tat.

Chapletajic 36:25

Ri Ana xalax jun u c'ojol Dison u bi'; xukuje' jun u mia'l Aholibam u bi'.

Chapletajic 36:3

xukuje' xc'uli' ruc' ri Basemat u mia'l ri Ismael, rana'b ri Nebaiot.

Chapletajic 9:25

ri Noe xubij che: “¡Chc'okox na ri Canaan! ¡Cux na lok'om pataninel ri man nim ta u k'ij chque ri e rachalal!”