Chapletajic 34:14 - Quiché Bible

¹⁴ xquibij chque: “Man cuya' taj cäkaya' ri kanab che jun achi ri man kopim taj ri u wi' ri tz'umal ri achi wi che retal, q'uixbal wa' chke uj.

Chapletajic 34:14 Iomraidhean Croise

Chapletajic 17:11

Rumal ri' rajawaxic quekopix na ri u wi' ri qui tz'umal ri achijab wi, are c'u cajwataj wa' che retal ri c'ulwächinic ri c'o chkaxo'l iwuc'.

Chapletajic 17:14

Are c'u ri man kopin ta ri u wi' ri qui tz'umal ri achi wi che retal, rajawaxic resaxic chixo'l, rumal rech chi man nim ta rilom wi ri nu c'ulwächinic.”

Chapletajic 34:13

Rumal c'u rech chi ri Siquem resam u q'uixbal ri Din, ri e u c'ojol ri Jacob xquitzelej u bixic che xukuje' che ri Hamor ri u tat ruc' subunic,

Chapletajic 34:15

Cäkaya' c'u ri kanab chiwe we quibano jas ri cäkabij chiwe: we quikopij ri u wi' ri qui tz'umal ri achijab wi, conojel ri achijab ri e c'o chixo'l.

Ucab Samuel 1:20

Miya' u bixic pa Gat mawi mitzijoj pa tak ri be pa Ascalon, rech man quequicot taj ri ixokib aj pilisteyib, rech man quech'opintaj we ixokib ri' ri e k'ijilal diosib.

Ucab Samuel 15:7

Oc'owinak chi c'u quiejeb junab, ri Absalon xubij che ri ajawinel: “Quinbochi'n che la chi cäya' la quieb oxib k'ij chwe rech quinbe pa Hebron, che u tz'akatisaxic ri chi'nic ri xinban che ri Ajawaxel.

Nabe Ajawinelab 21:9

Ri wuj ri xetak bic je cubij wa': “Chiya' u bixic chi man quewa' taj, chi t'uyuba' c'ut ri Nabot chuwäch ri tinimit.

Ri Matey 2:13

E benak chi c'u ri ajno'jab, jun tako'n aj caj re ri Ajawaxel xuc'ut rib chuwäch ri Jose pa ichic', xubij: “Chatwalijok. Chac'ama' bic ri ac'al xukuje' ri u nan. Chatanimajok. Jät pa Ejipt. Chatjekel chila' c'ä quinya' na u bixic chawe. Ri Herod cutzucuj na ri ac'al che u cämisaxic.”

Ri Matey 2:8

Xebutak bic pa Belen, xubij: “Jix chila', utzalaj u ta'ic u tzijol ri ac'al chibana'. Aretak quiriko, chiliya' u tzijol chwe rech xukuje' ri in quinbe che u k'ijilaxic.”

Romanos 4:11

Ri retal re kopinic ri Abraham ri xcojic, ri xkopix che ri u wi' ri u tz'umal ri achi wi, are cäc'utuwic chi k'alajisam chic chi suc' chic rumal ri u cojonic. Xcojon c'ut aretak c'ä majok chcoj ri retal re kopinic. Jeri' ri Abraham xux qui mam conojel ri quecojonic, pune' man cojom ta ri etal re kopinic chque. Jeri' ri Dios xukuje' quebuk'alajisaj chi e suc'.

K'atal tak Tzij 14:3

Are c'u ri u nan u tat xquibij che: “¿Jasche catbe che u tzucuxic awixokil chquixo'l ri aj pilisteyib ri man queta'm ta u wäch ri Dios? ¿La xa pu man c'o ta chi ixokib chquixo'l ri kachalaxic o chquixo'l conojel ri aj israelib?” Ri Sanson xubij: “Are ali wa' ri cäkaj chnuwäch, are wa' ri quinwaj quinc'ama' che wixokil.”

Nabe Samuel 14:6

Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

Nabe Samuel 17:36

Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.