Chapletajic 33:5 - Quiché Bible

⁵ Ri Esau xebuca'yej ri ixokib xukuje' ri ac'alab, xubij che ri Jacob: “¿E c'u wa' e jachin tak?” “E are' tak ri alc'ualaxelab ri e u y'om ri Dios che we pataninel awech,” xcha' ri Jacob.

Chapletajic 33:5 Iomraidhean Croise

Chapletajic 30:2

Ri Jacob xyactaj royowal chrij ri Raquel, xubij c'u che: “¿La xa pu in Dios? Ri man u y'om ta chawe chi quec'oji' awal.”

Chapletajic 33:6

E are' c'u ri rixokib lok'om tak pataninelab e cachil c'u ri cal xenakajinic xquimej quib c'ä xquiya' na ri qui palaj cho ri ulew.

Chapletajic 48:9

“E are nu c'ojol wa' ri e u yo'm ri Dios chwe waral pa Ejipt,” xcha' ri Jose. Xubij c'u ri u tat che: “Chebakebsaj ulok chnuwäch rech quebentewichi'j canok.”

Nabe Tzijobelil 28:5

Are c'u ri camic, chquixo'l conojel ri e nu c'ojol, ri sibalaj e q'ui ri e u yo'm ri Ajawaxel chwe, ri Ajawaxel u cha'om ri nu c'ojol Salomon rech cat'uyi puwi' ri tem re ajawibal ri cätakan wi ri Ajawaxel puwi' ri Israel.

Salmib 127:3

Ri e ka c'ojol ri quebalaxic, e je'lalaj tak u tewichibal ri Ajawaxel.

Ri Isaiy 8:18

Ri in, xukuje' ri e nu c'ojol ri e u yo'm ri Ajawaxel uj mayibalalaj c'utbal chuwäch ri Israel. Uj cojom rumal ri Ajawaxel ri c'o ronojel u cuinem ri jekel puwi' ri juyub Sion.

Hebreos 2:13

Xukuje' cubij: “Quinjiquiba' ri nu c'u'x chrij ri Dios.” Xukuje' cubij: “Chiwilampe', ri in cuc' ri alc'ualaxelab ri xebuya' ri Dios chwe.”

Ri Rut 4:13

Jewa' xuban ri Booz xc'uli' ruc' ri Rut. Xurik c'u rib ruc', xuya' c'u ri Ajawaxel chi xcanaj yawab winak xukuje' chi xralaj jun ral ala.

Nabe Samuel 1:27

Xintz'onoj che ri Ajawaxel chi chuya' we wal ala ri', u yo'm c'ut ri xintz'onoj che.