Chapletajic 33:19 - Quiché Bible

¹⁹ Xulok' jun ulew pa qui k'ab ri u c'ojol ri Hamor, ri Siquem are' ri u tat ri Hamor, jun sient sak puak xulok'bej re, chila' c'u xucoj wi ri u jekelibal.

Chapletajic 33:19 Iomraidhean Croise

Chapletajic 23:13

xutzelej c'u u bixic che ri Epron chquiwäch conojel: “¡Bana' la tok'ob, chintatabej la! Quinbochi'm che la chi c'ama' la ri rajil ri ulew, quinmuk c'u na ri wixokil chila'.”

Chapletajic 23:15

“Kaschintatabej la, nu tat: ri rajil ri ulew quiejeb sient (400) sak puak. ¿La nim ta c'u wa' we puak ri' chwäch la xukuje' chnuwäch in? Jemuku' ri ixokil la,” xcha' che.

Chapletajic 33:20

Xuyac c'u jun porobal ri u bi' xucojo “El-Elohe-Israel.”

Ri Xuan 4:5

Xopan c'u pa jun tinimit ri c'o pa Samar, Sicar u bi'. C'o chunakaj ri ch'akap ulew ri xuya' ri Jacob che ri Jose ri u c'ojol.

Hechos 7:16

Ri e u bakil ri Jacob xc'am bic pa Siquem, xemuk chupam ri mukubal ri xulok' ri Abraham chque ri ralc'ual ri Hamor ruc' sak puak chila' pa Siquem.”

Ri Josue 24:32

Ri e u bakil tak ri Jose, ri e qui c'amom ulok ri aj israelib pa Ejipt, xemuk pa Siquem, chupam ri rulew ri Jacob ri xulok' chi jun sient ch'akatak sak puak chque ri e u c'ojol ri Hamor, ri u tat ri Siquem, xk'axextax c'ut pa qui k'ab ri e rija'lil ri Jose.

K'atal tak Tzij 9:28

Xubij c'u ri Gaal: “We Abimelec ri', ¿jachin ruc' cujunamaj wi rib? Xa jun u c'ojol ri Jerobaal, are' c'u ri Zebul are' to'l rech. Are c'u ri uj, ri uj aj Siquem, ¿jas kabanic chi uj lok'om pataninelab chquiwäch ri e are'? Chujux u lok'om pataninelab ri Hamor, ri xticow ri Siquem, man uj ta c'u rech ri Abimelec.