Chapletajic 3:22 - Quiché Bible

²² Xubij c'u ri Dios: “Camic ri achi uxinak jacha' jun chke, xretamaj jachique ri utz xukuje' ri man utz taj. Muc'am ne apan ri u wäch ri che' re c'aslemal, cutij ta c'ut, cäc'asi ta c'u ri' chbe k'ij sak.”

Chapletajic 3:22 Iomraidhean Croise

Chapletajic 1:26

Xubij c'u ri Dios: “Kabana' ri winak jacha' ri uj, cäc'oji' c'u na u takanic paquiwi' ri cär, ri chicop ri e c'o qui xic', ri awaj aj uwo ja, xukuje' paquiwi' ri caquijurula' tak quib cho ri ulew.”

Chapletajic 2:9

Ri Dios xebuq'uiyisaj chila' ronojel qui wäch je'licalaj tak che' ri quequiya' utzalaj tak wächinic utz qui tijic. Pa u niq'uiajil c'ut ri ticonijibal xucoj wi ri juwi' che' re ri c'aslemal, xukuje' ri juwi' che' ri cuya' retamaxic ri utz xukuje' ri man utz taj.

Chapletajic 3:21

Ri Ajawaxel Dios xebuban atz'iak re qui tz'umal tak awaj, che ratz'iak rech quebucoj ri achi xukuje' ri rixokil.

Chapletajic 3:23

Rumal ri' ri Ajawaxel xresaj bic ri achi pa ri ticonijibal ri c'o pa Eden, xutak che u tiquic u wäch ri ulew ri esam wi'.

Chapletajic 3:5

Ri Dios kas reta'm chi aretak quitij iwe ri u wäch we che' ri', cäc'oji' i no'j che retamaxic ri utz xukuje' ri man utz taj, je c'u ri' quixux jacha' ri Dios.”

Salmib 22:26

Chixwok, ix ri cäban c'ax chiwe c'ä quixnoj na; chik'ijilaj ix ri Ajawaxel, ix ri quixtzucun che, chixc'asal c'u q'ui junab.

E C'ambal tak Tzij 3:18

Ri no'j c'aslemal wa' che ri cärikowic; ¡sibalaj utz quech ri queta'm u canajisaxic cuc'!

Ri Jeremiy 22:23

Camic utz a banom chupam ri a soc man c'o ta cayo'w latz' chawe, chquixo'l tak ri chacalte' ri e c'amom ulok pa ri Libano, ¡quebarika' c'u na c'ax aretak chepe tak ri k'oxomal pawi', k'oxomal tak e jacha' ta ne e re alc'ualanic!”

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”

Apocalipsis 22:14

Utz que ri qui ch'ajom ri catz'iak, rech ya'tal ri che' re c'aslemal chque, xukuje' rech queboc pa tak ri u chi' ri tinimit.

Apocalipsis 22:2

Pa u niq'uiajil c'ut ri u be ri nimalaj tinimit xukuje' che ri quieb u chi' ri nima' c'o wi ri che' re c'aslemal. Cuya' cablajuj u wäch, cäwächin chi ic'. Ri e u xak ri che' quecoj na che qui cunaxic ri nimak tak tinimit.