Chapletajic 3:15 - Quiché Bible

¹⁵ Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Chapletajic 3:15 Iomraidhean Croise

Chapletajic 49:17

Ri Dan junam ruc' jun itzel cumätz ri c'o chuchi' ri be, ri cusoc u xe' cäkan ri quiej cätzak c'u ri c'o chrij ri quiej.

Salmib 132:11

Pa ri u bi', ri Ajawaxel co xutiq'uiba' che ri David jun chi'nic ri kas cäban na, jun chi'nic wa' ri man c'o ta u q'uextajic:

Ri Isaiy 53:12

Rumal ri' ri Dios cuya' na jun u c'olbal chquixo'l ri nimak qui k'ij, cuc' c'ut ri c'o qui chuk'ab cuc'am na rech ri ch'äcanic. Rumal rech chi xujach rib pa ri cämical, xya' c'u chquixo'l ri itzel tak winak, kas c'u tzij xrekaj ri qui mac e q'ui winak xukuje' xbochi'n paquiwi' ri ajmaquib.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Jeremiy 31:22

¿C'ä jampa' xak catwacatilobic, jacha' jun mialaxel ri xak tzokopital u colobal? In, ri Ajawaxel, nu winakirisam jun jasach c'ac' pa we uwächulew ri': jun ixok ri cutaquej jun achi.”

Ri Daniel 9:26

Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.

Ri Amos 9:3

We quebe qui c'u' tak quib puwi' ri juyub Carmel, quinbe c'u ne na che qui tzucuxic chila'; we quebe qui c'u' tak quib chnuwäch chupam ri u choil ri plo, quintak na ri jilijic awaj aj plo chi oj che u sachisaxic qui wäch;

Ri Miquey 5:3

Camic ri Ajawaxel quebuya' canok ri e rech, xuwi c'u calan na ri ixok ri xak reyem chic ral. C'äte c'u ri' caquijunaj quib cuc' tak ri e qui winakil ri e aj israelib ri e c'o chupam jun ulew chic.

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Ri Matey 1:25

Ri Jose man xurik ta rib ruc' ri Mariy, c'ä xralaj na ri ral ala. Ri Jose xucoj “Jesus” che u bi'.

Ri Matey 12:34

Ix quija'l cumätz. ¿La quixcuin lo quibij ta utzalaj tak tzij, ix itzel tak winak c'ut? Che c'u ri tz'ebenic ri c'o pa ri ranima' ri winak, are wa' quel ulok pa u chi'.

Ri Matey 13:38

Ri ticabal, are ri uwächulew. Ri utzalaj ija' are ri e ralc'ual ri rajawibal ri Dios. Ri itzel k'ayes are' ri e ralc'ual ri itzel.

Ri Matey 23:33

¡Ix je ta ne e cumätz! ¡Ix quija'l cumätz! ¿Jas lo ri quiban che u to'ic iwib chuwäch ri xibalba ri cac'äjisax wi i wäch?

Ri Matey 3:7

Aretak xril ri Xuan chi e q'ui chque ri pariseyib xukuje' ri saduseyib xepetic rech cäban ri qui bautism. Aretak ri Xuan xerilo xubij chque: “¡Quija'l tak cumätz! ¿Jachin xbin chiwe chi chixanimaj chuwäch ri c'äjisabal wächaj ri cäpe na?

Marcos 16:18

quequich'elej tak na cumätz. We ne quequikumuj jastak ri quecämisanic man cuban ta na c'ax chque. Quequiya' na ri qui k'ab paquiwi' ri yawabib, quecunataj c'u wa'.

Ri Lucax 1:76

Are c'u ri at alaj nu c'ojol, k'axal u tzij ri Dios aj chicaj catuchix na. Rumal rech chi catnabej na chuwäch ri Ajawaxel, che qui suc'umaxic ri u be.

Ri Lucax 10:19

Chiwilampe', nu yo'm i cuinem che qui tac'alexic cumätz xukuje' sina'j. Nu yo'm i cuinem puwi' ronojel ri u chuk'ab ri ka c'ulel, man c'o ta c'u cäbanow c'ax chiwe.

Ri Lucax 22:53

In c'olinak iwuc' ronojel k'ij pa ri rachoch Dios, man xinichap ta c'ut. Are c'u wa' ri jok'otaj chiwe, c'o ri u cuinem ri k'eku'm iwuc'.”

Ri Lucax 24:27

Xuchaplej c'u ulok ruc' ri u Tzij ri Moises xukuje' ri qui Tzij conojel ri e k'axal tak tzij. Xuk'alajisaj chquiwäch ri Tzij ri qui bim can chrij ri are' pa conojel ri Tz'ibatalic.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

Hechos 13:10

xubij: “¡Ay, at nojinak che ronojel subunic, che ronojel etzelal, at ralc'ual ri itzel, a banom a c'ulel che ronojel suq'uilal! ¿La ma ta catanaba' u jech'baxic ri suc'alaj u be ri Ajawaxel?

Romanos 16:20

Ri Dios aj jamaril, cuban na' chi cuxak'alej ri Satanas chuxe' ri iwakan. Ri u tok'ob ri Ajawaxel Jesus quixtewichinic.

Romanos 3:13

Ri u pa qui kul je jas ri mukubal ri jaktalic. Ri cak' banal tzij ri u pa qui chi' u c'u'm u k'inob cumätz.

Gálatas 4:4

C'ä pa ri k'ij aretak xesuc'umataj ronojel, ri Dios xutak ulok ri u C'ojol, ri xalax rumal jun ixok, xc'oji' chuxe' ri u pixab ri Moises,

Efesios 4:8

Rumal ri' cubij ri Tz'ibatalic: “Xpaki' chicaj, xuban u bic rech chque ri e c'o ajchak'e, xuya' sipanic chque ri winak.”

Colosenses 2:15

Rumal ri Crist, ri Dios xukasaj qui k'ij ri c'o qui takanic xukuje' ri c'o qui cuinem, xresaj qui q'uixbal chquiwäch conojel, xch'äcan paquiwi' cho ri ripibal.

Hebreos 2:18

Rumal c'u rech chi ri are' xurik c'ax aretak xtakchi'x che mac, cäcuin che qui to'ic ri quetakchi'x che mac.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

1 Juan 3:10

Cuya' quetamatajic e jachin tak ri e ralc'ual ri Dios xukuje' e jachin tak ri e ralc'ual ri itzel: apachin ta c'u ne ri man cuban ta ri utzil, o man culok'ok'ej ta ri rachalal, man ralc'ual ta ri Dios.

1 Juan 3:8

Apachin ri cuban mac, rech ri itzel ri'. Ri itzel macuninak ulok kas pa ri u tiquiritajic. Rumal c'u ri' xpe ri u C'ojol ri Dios, che qui sachic qui wäch ri e u chac ri itzel.

1 Juan 5:5

Ri cucojo chi ri Jesus are' u C'ojol ri Dios, cäch'äcan puwi' ri uwächulew.

Apocalipsis 12:17

Xpe c'u royowal ri dragon chrij ri ixok. Xbe c'u che ch'ojinic chquij ri niq'uiaj e rija'l chic, ri qui nimam u banic ri u takanic ri Dios, jekel c'ut ri u k'alajisanic ri Jesus cuc'.

Apocalipsis 13:7

Xya' che chi cuban ch'o'j cuc' ri tastalic tak winak aj Dios quebuch'äc c'ut. Xya' c'u takanic pa u k'ab paquiwi' conojel amak', xukuje' winak, xukuje' ch'abal, xukuje' nimak tak tinimit.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.