Chapletajic 28:15 - Quiché Bible

¹⁵ In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 28:15 Iomraidhean Croise

Chapletajic 21:20

Ri Dios xuto' ri ala, ri ala xq'uiyic xc'oji' pa ri chaki'j uwo sak, xux c'u jun utzalaj q'uiakal ch'ab.

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 30:25

Aretak ri Raquel rilom chic u wäch ri Jose, ri Jacob xubij che ri Laban: “Chintzokopij la bic, quinwaj chi quintzelej cho wachoch.

Chapletajic 31:13

In ri' ri Dios ri xinc'ut wib chawäch pa Betel, ri xak'ij wi aseit puwi' ri abaj, chila' c'u xaban wi jun chi'nic chwe. ¡Jo' ba'! Chatwalijok. Chaya' can we c'olbal ri', chattzelejok jawije' ri xatalax wi.’ ”

Chapletajic 31:3

Xubij c'u ri Ajawaxel che ri Jacob: “Chattzelej pa ri culew ri a mam, jawije' e c'o wi ri awachalaxic, catinwachilaj c'u na.”

Chapletajic 31:5

xubij chque: “Quinwilo chi ri i tat man je ta chi cuban chwe jas ri nabe; are c'u ri u Dios ri nu tat, c'o wuc' amak'el.

Chapletajic 32:9

Ri Jacob xuchaplej c'u u banic ch'awem ruc' ri Dios, xubij: “Ajawaxel, u Dios ri nu mam Abraham xukuje' u Dios ri nu tat Isaac, xbij ya' la chwe chi quintzelej pa ri wulew xukuje' cuc' ri wachalaxic, xbij c'u la chi cäban la utzil wuc':

Chapletajic 35:3

Chixwalijok, chujpakal pa Betel; chila' quinbana' wi na jun porobal che u k'ijlaxic ri Dios ri xinuto' aretak in in ch'ibatajinak, c'olinak c'u wuc' pa apachique c'olbal ri in c'olinak wi.”

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Chapletajic 39:21

ri Ajawaxel xutakej c'olem ruc' ri Jose xuc'ut c'u ri rutzil chuwäch, xuban c'ut chi utz xil rumal ri takanel pa ri che'.

Chapletajic 46:4

Ri in quinbe na awuc' pa Ejipt, kas c'u in quebenwesaj na ulok ri e awija'lil chila'. Aretak c'u catcämic cäc'oji' na ri Jose chaxcut.”

Chapletajic 48:16

ri tako'n aj caj ri quinuto'tajisaj chuwäch apachique c'ax, chtewichi'n we quieb alabom ri'. Xa ta rumal quech cänatax ri nu bi' xukuje' ri u bi' ri nu mam Abraham, ri nu tat Isaac. Chec'oji' ta q'ui calc'ual. Chebux ta tinimit winak cho ri uwächulew.”

Chapletajic 48:21

Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.

Nabe Ajawinelab 8:57

Are c'u ri camic, ri Ajawaxel ri ka Dios chc'ol kuc' jacha' ri u c'olem cuc' ri e ka mam. Mujuwonobala' canok, mawi mujuya' canok,

Salmib 46:11

¡Ri Ajawaxel ri c'o ronojel u cuinem, are' c'o kuc'! ¡Ri u Dios ri Jacob are to'l kech!

Salmib 46:7

¡Ri Ajawaxel ri c'o ronojel u cuinem are' c'o kuc'! ¡Ri u Dios ri Jacob are' ka panibal!

Salmib 91:11

Cuya' c'u na takanic chque ri e u tako'n aj caj che a chajixic apawije' ta ne ri catbe wi.

Elem 13:11

Aretak c'u ix u cojom chic ri Ajawaxel pa ri culew ri aj cananeyib, aretak u jachom chic ri culew pa i k'ab, jacha' ri xuchi'j chiwe xukuje' chque ri e i mam,

Elem 3:12

Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Isaiy 8:10

Chebibana' i chomanic, queyojix c'u na; chi chomaj u banic ri quiwaj, man cabantaj ta c'u na ri quiwaj, rumal c'u rech chi c'o ri Dios kuc'.

Ri Jeremiy 1:19

Ri e are' quech'ojin na awuc', man c'u catquich'äc ta na quinc'oji' c'u na awuc' che a to'ic. In, ri Ajawaxel, quinya' ri nu tzij.”

Ri Jeremiy 16:15

xane' caquibij na: ‘Rumal ri u c'aslemal ri Ajawaxel ri xebesan ulok ri aj israelib chupam ri ulew ri c'o pa ri iquiak'ab xukuje' chquipam ri niq'uiaj tak ulew chic ri e u jabum tak wi'’. In quinban na chi quixtzelej chupam ri iwulew, chupam ri ulew ri xinya' chque ri e i mam.

Aj Levitib 26:42

Cänataj c'u na ri nu c'ulwächinic chwe ri nu banom ruc' ri Jacob, ri Isaac, ri Abraham, cänataj na ri ulew chwe,

Aj Levitib 26:45

Quenataj c'u na chwe ri c'ulwächinic ri xinban cuc' aretak xebenwesaj ulok pa Ejipt chquiwäch ri nimak tak tinimit rech quinux qui Dios. In ri' ri Ajawaxel.”

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

Ajilanic 6:24

‘Are' ri Ajawaxel chatutewichi'j xukuje' chatuc'uxlaj,

Ri Matey 18:20

Jawije' c'ut ri qui mulin wi quib quieb oxib winak pa ri nu bi', chila' in c'o wi chquixo'l.”

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

U Camulixic ri Pixab 30:3

are' c'u ri Ajawaxel ri i Dios cuq'uex na ri i taklebem quel c'u na u c'u'x chiwe; quixumulij chi na ulok chquipam tak ri ulew ri ix urokim wi bic.

U Camulixic ri Pixab 31:6

Chc'ol i chuk'ab xukuje' co chixc'olok; mixe'j iwib maoc xibriquil iwuc', aretak quixch'ojin cuc', c'o c'u ri Ajawaxel ri i Dios iwuc', man quixutzak ta c'u canok mawi quixuxutuj canok.”

U Camulixic ri Pixab 31:8

Kas c'u are ri Ajawaxel cänabej na chawäch, cäc'oji' na' awuc'; man catutzak ta canok mawi catuxutuj canok, rumal ri' maxe'j awib mawi mat birbitic.”

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.

1 Timoteo 4:8

Ri u cojic ka chuk'ab ruc' ri ka cuerp xak jubik' cujuto' wi. Are c'u ri u patanixic ri Dios cujuto' na pa ronojel. C'o utzil cäkarik rumal wa' pa we c'aslemal ri' cho ri uwächulew, xukuje' pa ri c'aslemal ri cäpe na.

Ri Josue 1:5

Man c'o ta jun cacuin ta che a ch'äquic pa ronojel ri a c'aslemal, are' c'u ri in quinc'oji' na awuc' jacha' xinc'oji' ruc' ri Moises, man catinya' ta canok mawi jubik' catinwonoba' ta canok.

Ri Juds 1:1

In Juds, lok'om pataninel re ri Jesucrist, rachalal ri Santiag, quintz'ibaj we wuj ri' chque ri e siq'uim xukuje' e lok'ok'em rumal ri Dios Tataxel, xukuje' e c'olom rumal ri Jesucrist.

K'atal tak Tzij 6:16

Ri Ajawaxel xubij che: “Catcuin che u banic quinc'oji' c'u na awuc', quebach'äc na ri aj madianib, jas ri cäban che u ch'äquic xa jun achi.”