Chapletajic 26:4 - Quiché Bible

⁴ Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 26:4 Iomraidhean Croise

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Chapletajic 15:5

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Chapletajic 18:18

cux c'u na qui tat jun cowilaj nim tinimit ri nim u k'ij. Nu bim c'u che chi rumal are' quebentewichi'j na conojel tak ri nimak tinimit ri e c'o cho ri uwächulew.

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Chapletajic 28:14

Ri e are' quebux na jacha' ri u puc'uq'uil ri ulew, caquilic' na quib pa ri iquiak'ab xukuje' pa ri mox k'ab, pa ri elebal k'ij pa ri kajebal k'ij, conojel c'ut ri achalaxic re ri uwächulew quetewichitaj na rumal awech xukuje' cumal tak ri e awija'lil.

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 35:12

Ri ulew ri xinjach pa u k'ab ri Abraham, ri Isaac, xukuje' quinjach chi na pa qui k'ab ri e awija'lil aretak at cäminak chic.”

Chapletajic 47:27

Ri aj israelib xecanaj pa Ejipt. Xquiban quech che ri ulew ri c'o pa Gosen, chila' c'u xeq'uiyir wi.

Nabe Tzijobelil 27:23

Ri David man xerajilaj taj ri c'ä maja' catz'akat jujun tak winak qui junab, rumal rech chi ri Ajawaxel u chi'm chi quebupok'colisaj na ri aj Israel jacha' ri ch'imil ri e c'o chicaj.

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Elem 32:13

Chenataj ri e pataninel tak ech la che la, ri Abraham, ri Isaac, xukuje' ri Israel, xcha' la chque ri chi'nic ri kas cäban na pa ri bi' la: ‘Quinbano chi ri e u wi' tak i mam sibalaj queq'uiyiric jacha' ri ch'imil ri e c'o pa ri caj, ronojel c'u we ulew ri' ri nu chi'm chiwe, quinya' che quechbal re chbe k'ij sak.’”

Elem 6:4

Xinban xukuje' jun c'ulwächinic cuc', xinya' c'u nu tzij chi quinya' ri ulew re Canaan chque, ri ulew ri xcokxanij wi na quib quieb oxib junab.

Hechos 3:25

Alak ri' ri quechben alak ri chi'nic ri xebujekeba' ri Dios cumal ri e k'axal tak ri e u tzij, xukuje' ix echbenelab rech ri c'ulwächinic ri u banom ri Dios cuc' ri e mam alak, xubij c'u ri Dios che ri Abraham: ‘Conojel ri winak ri e c'o cho ri uwächulew quetewechitaj na cumal quech ri e awija'lil.’

Gálatas 3:16

Ri Dios xubij ri chi'm che ri Abraham xukuje' chque ri rija'l. Ri Tz'ibatalic man cubij taj: “Chque ri e awija'lil”, je ta ne chquij q'ui, xane' cubij che jun: “Che ri awija'lil”. Are' ri Crist.

Gálatas 3:8

Ri Tz'ibatalic cubij c'u ulok chi ri Dios cuk'alajisaj chi e suc' ri man aj judeyib taj rumal ri cojonic. Xutzijoj ulok ri utzalaj tak tzijol che ri Abraham aretak xubij: “Conojel ri nimak tak tinimit quetewichitaj na rumal awech.”

U Camulixic ri Pixab 13:17

C'o jun jasach mic'am canok chque ri jastak ri ya'tal u sachisaxic u wäch mawi c'u jumul cäpe ta na royowal ri Ajawaxel chiwij, cutok'obisaj c'u na i wäch, quixupok'isaj na, jas ri xubij chque ri e i mam;

U Camulixic ri Pixab 9:5

Jayi', man rumal ta rech chi nim i banic mawi rumal ri utzil ri quibano quixoc che rechbexic ri ulew; ri Ajawaxel queresaj bic chiwäch rumal rech ri etzelal che c'u u tz'akatisaxic ri chi'nic rech je quelic jas ri xubij che ri Abraham, ri Isaac xukuje' ri Jacob ri e i mam.

Hebreos 11:2

Xek'alajisax ri e ka mam chi utz xquibano rumal rech chi xc'oji' qui cojonic.