Chapletajic 26:3 - Quiché Bible

³ chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 26:3 Iomraidhean Croise

Chapletajic 12:7

Chila' xuc'ut wi rib ri Ajawaxel chuwäch ri Abram, xubij che: “We ulew ri' quinya' na chque ri e awija'lil.” Ri Abram xuban jun porobal chila' ri xuk'ijilaj wi ri Ajawaxel, rumal rech chi chila' xuc'ut wi rib chuwäch.

Chapletajic 13:15

ronojel ri ulew ri cawilo quinya' na chawe, amak'el c'ut awech xukuje' quech ri e awija'lil.

Chapletajic 13:17

¡Chatwalijok, chasolij ri u rabic we ulew ri' xukuje' ri u wäch, quinya' c'u na chawe!”

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Chapletajic 17:19

Ri Dios xubij che ri Abraham: “Ri nu bim chi ri awixokil Sara cäralaj na jun a c'ojol, ri cäcoj na Isaac che u bi'. Ruc' ri are' quinjiquiba' wi na ri nu c'ulwächinic quincanajisaj c'u na amak'el cuc' tak ri e rija'lil.

Chapletajic 17:8

Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”

Chapletajic 20:1

Ri Abraham xel bic pa ri c'olbal ri c'o wi xbe pa ri rulewal ri Negueb, xcanaj pa ri tinimit Jerar ri c'o chuxo'l ri Cades ruc' ri Xur.

Chapletajic 25:11

Chwi' ri u cämical ri Abraham, ri Dios xutewichi'j ri Isaac ri xcanaj can che jekelem chunakaj ri c'ua' ri u binam: “Ri C'aslic Quinuca'yej.”

Chapletajic 26:12

Pa ri junab ri' xticonij ri Isaac chila', sibalaj c'u nim ri u wächinic ri tico'n xuyaco, xtewichi'x rumal ri Ajawaxel.

Chapletajic 26:14

Xeq'uiyir ri u chij, ri u wacax, xukuje' xeq'uiyir ri pataninel tak rech, rumal ri' xquiäk rayix cumal ri aj pilisteyib.

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Chapletajic 28:13

Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 31:3

Xubij c'u ri Ajawaxel che ri Jacob: “Chattzelej pa ri culew ri a mam, jawije' e c'o wi ri awachalaxic, catinwachilaj c'u na.”

Chapletajic 35:12

Ri ulew ri xinjach pa u k'ab ri Abraham, ri Isaac, xukuje' quinjach chi na pa qui k'ab ri e awija'lil aretak at cäminak chic.”

Chapletajic 39:2

C'o c'ut ri Ajawaxel ruc' ri Jose, rumal ri' ronojel ri cubano, utz quel chuwäch aretak xc'oji' pa rachoch ri aj Ejipt.

Chapletajic 39:21

ri Ajawaxel xutakej c'olem ruc' ri Jose xuc'ut c'u ri rutzil chuwäch, xuban c'ut chi utz xil rumal ri takanel pa ri che'.

Chapletajic 48:21

Xubij c'u che ri Jose: “Chawilampe', ri in xa pa quieb oxib k'ij quincämic, are' c'u ri Dios c'o iwuc' amak'el, cuban c'u na chiwe chi quixutzelej na pa ri culew ri e i mam.

Chapletajic 50:24

Xpe c'u jun k'ij aretak xubij ri Jose chque ri rachalal: “Xa quieb oxib k'ij chic in c'aslic, cäpe c'u na ri Dios che i to'ic, quixresaj c'u na bic chupam we ulew ri', che i c'amic bic chupam ri ulew ri xuchi'j chque ri Abraham, ri Isaac xukuje' ri Jacob.”

Nabe Tzijobelil 16:16

Che ri c'ulwächinic ri xuban ruc' ri Abraham, che ri chi'nic ri kas cäban na xcha' che ri Isaac

Salmib 105:8

Pune' ta c'u ne' queboc'ow jun mil ija'lil man cäsach ta pa u jolom ri e chi'nic ri e u c'ulwächinic,

Salmib 105:9

rech ri c'ulwächinic ri xuban ruc' ri Abraham, che ri chi'nic ri kas cäban na ri xuban che ri Isaac

Salmib 32:8

Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Salmib 39:12

Ajawaxel, tatabej la ri nu ch'awem ri quiban chwäch la, ¡chetatabej la ri e nu juyuwem!, ¡xak mail la ri u wa'l nu wäch! Ri in in uxinak che la xa in oc'owel jun chicop ri c'o u xic', e jacha' ri e nu mam.

Elem 2:24

Xoc c'u il che ri qui ch'ach'atem, xnataj ri c'ulwächinic ri u banom ruc' ri Abraham, ri Isaac, xukuje' ri Jacob.

Elem 3:12

Xubij ri Dios che ri Moises: “Jät, quinc'oji' c'u awuc', are etal wa' chi kas in catintak bic: aretak awesam chi ulok ri nu tinimit pa Ejipt, iwonojel quinik'ijilaj na pa we juyub ri'.”

Elem 6:4

Xinban xukuje' jun c'ulwächinic cuc', xinya' c'u nu tzij chi quinya' ri ulew re Canaan chque, ri ulew ri xcokxanij wi na quib quieb oxib junab.

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 6:8

Quixinc'am na bic pa ri ulew ri xinbij chi quinya' che ri Abraham, ri Isaac xukuje' ri Jacob, quinya' c'u na chiwe che iwechbal. In ri' ri Ajawaxel.”

Ri Isaiy 43:2

We rajawaxic catk'ax pa ri ja', ri in quinc'oji' na awuc', we rajawaxic catk'ax pa tak ri nima' man catjik' ta na, we rajawaxic catoc'ow pa ri k'ak', man catc'at ta na, ri rak' ri k'ak' man quenicow ta na chawij.

Ri Isaiy 43:5

Maxe'j awib, ri in in c'o awuc'. Kas pa ri elebal k'ij c'ä pa ri kajebal k'ij quinban na chi quetzelej ulok ri e a winak che qui mulixic,

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Ajilanic 23:19

Ri Dios man junam ta cuc' ri e cämel: man cuban ta tzij mawi cuq'uex ri u chomam u banic. Aretak ri are' cubij jun jasach, cutz'akatisaj u banic. Aretak cuban jun chi'nic, cutz'akatisaj.

U Camulixic ri Pixab 1:8

Ri in nu jachom we ulew ri' pa i k'ab; chic'ama' xukuje' chiwechbej ri ulew, ri in, ri Ajawaxel xinban ri chi'nic ri kas cäban na che u ya'ic chque ri e i mam, e are wa' ri Abraham, ri Isaac xukuje' ri Jacob, xukuje' chque ri e quija'lil.’ ”

U Camulixic ri Pixab 34:4

Xubij c'ut ri Ajawaxel che: “Are' ulew wa' ri xincha' chi quinya' che ri Abraham, ri Isaac xukuje' ri Jacob ri quinya' na chque ri e rija'lil, ri in xinban ri chi'nic ri kas cäban na. Quinwaj c'ut chi quebawil apan cuc' ri e a bak'wäch, pune' man catopan taj chupam.”

Filipenses 4:9

Ronojel ri nu c'utum can chiwäch, ri nu bim can chiwe, ri nu tzij ri i tom, xukuje' ri iwilom chi quinbano, ronojel wa' chibana'; are c'u ri Dios aj jamaril cäc'oji' na iwuc'.

Hebreos 11:9

Rumal ri cojonic, xc'oji' pa ri ulew ri u bim ri Dios chi cuya' na che, xc'oji' chila' pa tak lic'om ja, je jas pa jun ulew man rech taj. Je xukuje' xquiban ri Isaac xukuje' ri Jacob, ri xa' junam ruc' ri Abraham ri xbix ri chi'nic chque.

Hebreos 6:17

Rumal ri' ri Dios xch'aw ruc' ri chi'nic ri kas cäban na, che u c'utic chquiwäch ri quechben na ri u bim, chi man cuq'uex ta na ri u chomanic.