Chapletajic 24:7 - Quiché Bible

⁷ Ri Ajawaxel ri ajchak'e ri caj, ri xinesan ulok cho rachoch ri nu tat pa ri qui culew ri wachalaxic, ri xukuje' xubij chi cuya' we ulew ri' chque ri e wija'lil, cutak na ulok ri u tako'n aj caj rech cänabej bic chawäch, cäc'am c'u ulok jun rixokil ri nu c'ojol.

Chapletajic 24:7 Iomraidhean Croise

Chapletajic 13:15

ronojel ri ulew ri cawilo quinya' na chawe, amak'el c'ut awech xukuje' quech ri e awija'lil.

Chapletajic 15:18

Kas pa ri k'ij ri' ri Ajawaxel xuban jun c'ulwächinic ruc' ri Abram: “We ulew ri' quinya' na chque ri e awija'lil cächapletaj ulok chuchi' ri nima' re Ejipt copan c'ä chuchi' ri nimalaj nima' Euprats.

Chapletajic 16:7

Xriktaj c'u ri Agar rumal jun tako'n re ri Ajawaxel pa ri chaki'j uwo sak, chunakaj ri bulbux ri c'o pa ri be ri cäbe pa Xur,

Chapletajic 17:8

Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”

Chapletajic 21:17

Ri Dios xuto chi cok' ri ala, kas c'u pa ri caj ri tako'n aj caj xusiq'uij ulok ri Agar, xubij c'u che: “¿Jas xac'ulmaj Agar? Maxe'j awib, ri Dios xuta' ri rok'ej ri ac'al chila' jawije' ri c'o wi.

Chapletajic 22:11

ri u tako'n ri Ajawaxel xusiq'uij ulok kas pa ri caj: “¡Abraham! ¡Abraham!” “In c'o waral,” xcha' ri are'.

Chapletajic 24:3

chabana' ri chi'nic ri kas cäban na pa ri u bi' ri Ajawaxel, ri Dios ri ajchak'e ri caj ulew, chi mac'uluba' ri nu c'ojol Isaac ruc' jun ali ri quel waral pa Canaan jawije' ri in c'o wi,

Chapletajic 24:40

Ri Abraham xubij chwe: ‘Ri in, in binenak pa ri u be ri Ajawaxel, ri are' cutak na ulok ri u tako'n aj caj awuc' che u c'amic a be rech utz quel ri a binem. Cäc'am c'u jun rixokil ri nu c'ojol chquixo'l ri ixokib que ri wachalaxic, ri u bixic rachalaxic ri nu tat.

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Ri Esdras 1:2

“Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

Salmib 103:20

¡Chitewichi'j ri Ajawaxel, cuinelalaj tak tako'nib aj caj! Ix, ri quebitz'akatisaj tak ri e u takanic, ri ix sac'aj che u nimaxic.

Salmib 136:26

¡Chiya' maltioxinic che ri Dios aj caj, junalic c'ut ri u lok'ok'ebal c'u'x!

Salmib 32:8

Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Salmib 34:7

Ri u tako'n ri Ajawaxel quebuch'uku xukuje' quebuto'tajisaj ri nim caquil wi ri Ajawaxel.

Salmib 73:24

c'amom la nu be cuc' tak ri pixbenic la, chuq'uisbalil quinc'ulaj na la ruc' quicotemal.

Elem 13:5

chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

Elem 32:13

Chenataj ri e pataninel tak ech la che la, ri Abraham, ri Isaac, xukuje' ri Israel, xcha' la chque ri chi'nic ri kas cäban na pa ri bi' la: ‘Quinbano chi ri e u wi' tak i mam sibalaj queq'uiyiric jacha' ri ch'imil ri e c'o pa ri caj, ronojel c'u we ulew ri' ri nu chi'm chiwe, quinya' che quechbal re chbe k'ij sak.’”

Elem 33:2

Quintak na bic ri nu tako'n aj caj rech cuc'am a be, quebenwesaj c'u na bic ri aj cananeyib, ri aj amoreyib, ri aj hititib, ri aj perezeyib, ri aj hebeyib, ri aj jebuseyib.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Jonas 1:9

Ri Jonas xubij chque: “In aj hebrey, quink'ijilaj ri Ajawaxel, ri Dios aj caj ri banowinak ri plo xukuje' ri ulew.”

Ajilanic 11:12

¿La xa ta pune' in ta u tat o u nan rech cätz'onoj la chwe chi queben k'alula' bic e jacha' ta ne ac'alab ri c'ä quetu'n cho u c'u'x ri qui nan, c'ä pa ri ulew ri xchi'j la chque ri e qui mam?

Ajilanic 14:16

‘Ri Ajawaxel man xcuin ta che u banic chi we tinimit ri' xoc ta chupam ri ulew ri u banom ri chi'nic ri kas cäban na chi cuya' na chque, rumal c'u ri' xebucämisaj chupam ri chaki'j uwo sak.’

Ajilanic 14:30

Xuwi coc ri Caleb rachil ri Josue, man c'o ta jun chiwe coc ta na pa ri ulew ri ruc' ronojel wanima' xinchi'j chiwe chi quixinjekeba' wi na.

Ajilanic 32:11

chi ri winak ri ebelinak ulok pa Ejipt ri e c'o chic juwinak qui junab cäpakic man quequila' ta na u wäch ri ulew ri xinchi'j chque chi quinya' che ri Abraham ri Isaac xukuje' ri Jacob, rumal rech chi man xetaken ta che ruc' jicomal.

Hechos 7:5

Man xuya' ta c'u jun rechbal chupam we ulew ri', mawi ri cutac'aba' wi jun rakan. Xuchi'j c'u che chi cuya' na we ulew ri' che rechbal, xukuje' chque ri e rija'l ri quebalax na. C'ä majok c'ut c'o ralc'ual ri Abraham.

U Camulixic ri Pixab 1:8

Ri in nu jachom we ulew ri' pa i k'ab; chic'ama' xukuje' chiwechbej ri ulew, ri in, ri Ajawaxel xinban ri chi'nic ri kas cäban na che u ya'ic chque ri e i mam, e are wa' ri Abraham, ri Isaac xukuje' ri Jacob, xukuje' chque ri e quija'lil.’ ”

U Camulixic ri Pixab 34:4

Xubij c'ut ri Ajawaxel che: “Are' ulew wa' ri xincha' chi quinya' che ri Abraham, ri Isaac xukuje' ri Jacob ri quinya' na chque ri e rija'lil, ri in xinban ri chi'nic ri kas cäban na. Quinwaj c'ut chi quebawil apan cuc' ri e a bak'wäch, pune' man catopan taj chupam.”

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

Hebreos 11:9

Rumal ri cojonic, xc'oji' pa ri ulew ri u bim ri Dios chi cuya' na che, xc'oji' chila' pa tak lic'om ja, je jas pa jun ulew man rech taj. Je xukuje' xquiban ri Isaac xukuje' ri Jacob, ri xa' junam ruc' ri Abraham ri xbix ri chi'nic chque.

Ri Josue 1:6

Chachajij anima' xukuje' co chattac'alok, at c'ut catjachow na ri ulew che we tinimit ri', are' c'u echbal wa' ri xinchi'j chque ri e a mam,

Ri Josue 24:3

Chuchi' tak ri Euprats xinmajij wi ri Abraham, xinban c'u che chi xubinibej ronojel ri ulew Canaan. Xinban che chi xepok' ri rija'lil, ri nabe ri xinya' che are' ri Isaac ri u c'ojol.

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

K'atal tak Tzij 2:1

Ri aj cajalaj tako'n ri Ajawaxel xpaki' ulok pa Jilgal xopan pa Boquim, xubij c'u chque ri aj israelib: “In xixinwesaj ulok pa Ejipt xixinc'am ulok pa we ulew ri' ri xinbij chi quinya' chque ri e i mam aretak xinbij chque: ‘Mawi jumul quinyojij ri nu c'ulwächinic iwuc',