Chapletajic 23:11 - Quiché Bible

¹¹ “¡Jayi', nu tat! ¡Bana' la tok'ob! In xa quinsipaj ri ulew che la, xukuje' ri pec ri c'o pa ri ulew. Chquiwäch ri nu winakil quink'alajisaj chi xa quinsipaj che la. Muku' ri ixokil la chila',” xcha' ri Epron che ri Abraham.

Chapletajic 23:11 Iomraidhean Croise

Chapletajic 23:12

Ri Abraham xumej chi rib jumul chquiwäch ri e aj chila',

Chapletajic 23:18

xek'ax pa u k'ab ri Abraham, xquil c'u conojel ri aj hititib, xukuje' conojel ri queboc bic, ri quebel ulok pa ri tinimit.

Chapletajic 23:6

“¡Tat, bana' la tok'ob, chujtatabej la! Ri lal chkaxo'l lal jun cha'talic rumal ri Dios. Muku' ri ixokil la chquipam ri e ka mukubal ri sibalaj je'lic, man c'o ta c'u jun chke ri ma ta chuya' ri u mukubal che wa'.”

Ri Isaiy 32:8

Are c'u ri utzalaj winak, cuchomaj qui banic utzalaj tak jastak, pa tak c'u we chomanic ri' cäjeki' wi.

Ajilanic 35:30

“Xuwi rumal ri qui k'alajisanic quieb oxib cuya' cac'okox jun cämisanel che cämical. Xa jun k'alajisanel man cubana' ta che u c'okoxic ta jun winak che cämical.

Ri Lucax 19:24

Xubij chque ri e tac'atoj: ‘Chiwesaj ri puak che, chiya' che ri c'o lajuj ruc'.’

U Camulixic ri Pixab 17:6

Xuwi cuya' cätak u cämisaxic jun winak we e c'o quieb o oxib k'alajisanelab chrij, we xa jun ri k'alajisanel, man c'o ta jun winak cuya' cätak u cämisaxic.

U Camulixic ri Pixab 19:15

“Ri tzujunic ri cuya' xa jun k'alajisanel man c'ot u chuk'ab che u c'utic chi jun winak u banom jun cämisanic o apachique mac. Xuwi c'o u chuk'ab ri tzujunic we cäban cumal quieb o oxib k'alajisanelab.

Ri Rut 4:1

Xbe c'u na ri k'ij ri Booz xet'uyul chuchi' ri oquibal re ri tinimit, are c'u c'olbal wa' ri caquimulij wi quib ri winak. Pa ri jok'otaj ri' oc'owem cuban chila' ri achalaxic ri u yo'm u bixic ri Booz. “Chatampe', tasaj waral chatt'uyul c'ut,” xcha' ri Booz che. Ri achalaxic xpetic xelt'uyul c'ut.

Ri Rut 4:11

Ri nimak tak tatayib xukuje' conojel ri e c'o apanok xquitzelej u bixic: “Je', xkato. ¡Ri Ajawaxel chubana' chi ri ixok ri coc chupam ri awachoch chuxok jacha' ri Raquel xukuje' ri Lea, ri petinak wi ri kija'lil konojel ri uj aj israelib! Are c'u ri at, chatux jun achi ri nim a banic pa Eprat, jun achi ri nim u k'ij pa Belen.

Ri Rut 4:4

Quinwaj chi cawetamaj, we cajwataj u lok'ic chawe, caban na camic chquiwäch we k'alajisanelab ri' xukuje' chquiwäch ri nimak tak tatayib rech ri tinimit. At c'u ya' ri' ri c'o catuxic ri nakaj na at c'o wi che ri Elimelec, ya'tal chawe ri u lok'ic ri rulew. We c'u ne man calok'o, chaya' retamaxic chwe, in chi c'ut ri ya'tal u lok'ic wumal we man calok' at.” Ri achalaxic xutzelej u bixic: “Quinlok'o.”

Ri Rut 4:9

Xubij c'u ri Booz chque ri nimak tak tatayib xukuje' ri e c'o apan chila': “Onojel alak camic cux alak k'alajisanelab chi quebenlok pa u k'ab ri Noemi ronojel ri rech ri Elimelec, ronojel ri rech ri Quelion xukuje' ronojel ri rech ri Malon.