Chapletajic 22:2 - Quiché Bible

² Ri Dios xubij che: “Chac'ama' ri Isaac, ri a c'ojol ri xa jun ri sibalaj lok' chawäch, jät pa ri ulew Mor. Aretak catopan chila', chachi'j che tabal tok'ob ri cächajirisaxic puwi' jun chque ri juyub ri quinc'ut na chawäch.”

Chapletajic 22:2 Iomraidhean Croise

Chapletajic 17:19

Ri Dios xubij che ri Abraham: “Ri nu bim chi ri awixokil Sara cäralaj na jun a c'ojol, ri cäcoj na Isaac che u bi'. Ruc' ri are' quinjiquiba' wi na ri nu c'ulwächinic quincanajisaj c'u na amak'el cuc' tak ri e rija'lil.

Chapletajic 21:12

Ri Dios xubij che ri Abraham: “Matoc il che ri ala mawi che ri a lok'om pataninel. Chabana' ronojel ri cubij ri Sara chawe, rumal c'ut ri Isaac queq'uiyir na ri e awija'lil.

Chapletajic 21:3

Ri Abraham xucoj Isaac che u bi' ri u c'ojol ri xalax rumal ri Sara,

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Chapletajic 22:16

xubij c'u che: “Ri Ajawaxel jewa' u bim: ‘Rumal chi xaban ri xinbij chawe, man xak'il ta c'u u ya'ic ri a c'ojol chwe, pune' ta ne xa jun, quinban ri chi'nic ri kas cäban na pa ri nu bi'. Sibalaj c'u catintewichi'j na.

Chapletajic 22:3

Chucab k'ij sibalaj ak'ab xwalij ri Abraham, xucoj reka'bal ri u bur; xuc'al ri si' ri cucojo che ri tabal tok'ob ri cächajirisaxic, xbe pa ri c'olbal ri xbix che rumal ri Dios, junam xebe ruc' ri Isaac ri u c'ojol. Xachilax bic cumal quieb pataninel tak rech.

Chapletajic 22:9

Aretak xebopan pa ri c'olbal ri u bim ri Dios, ri Abraham xuban ri porobal, xuban u banic ri si' puwi' ri porobal, xuyut ri u c'ojol xuya' puwi' ri si' ri c'o puwi' ri porobal;

Chapletajic 8:20

Xuban c'ut ri Noe jun porobal ri che u ya'ic u k'ij ri Ajawaxel. Xebuc'am awaj xukuje' chicop ri c'o qui xic' ri e ch'ajch'oj jujun che jujun qui wäch, xebuporoj che tabal tok'ob ri quechajirisaxic chuwäch ri Ajawaxel.

Ucab Ajawinelab 3:27

Xumajij c'ut ri u c'ojol, ri nabeal, ri are' ta cajawin na pa ri u c'olbal, xuchi'j c'u che tabal tok'ob ri cächajirisaxic puwi' ri nim tapia. Ri aj Moab xpe nimalaj coyowal chque ri aj israelib, xquiwalijisaj c'ut ri qui kajebal xetzelej c'u pa ri culew.

Ucab Tzijobelil 3:1

Ri Salomon xuchaplej ri yacanic che ri rachoch ri Ajawaxel pa Jerusalen, pa ri juyub Moriy, ri xuc'ut wi rib ri Ajawaxel chuwäch ri David, ri u tat, pa ri c'olbal ri xusuc'umaj ri David che, ri u bixic, jawije' ri cuyak' wi trico ri Ornan ri aj jebusey.

Ri Miquey 6:7

¿La caquicot ta lo ri Ajawaxel, we ta quebenchi'j jun mil (1,000) ama'ib tak chij che o lajuj mil nima' aseit che? ¿O we ta quinchi'j ri nabeal nu c'ojol che, che u tojic ri nu c'ulelanic xukuje' ri nu mac?

Ri Xuan 3:16

“Chi' cäkil wi chi ri Dios sibalaj quebulok'ok'ej ri winak cho ri uwächulew, xuya' c'ut ri u C'ojol, ri xa' jun c'olic, rech conojel ri quecojon che, man cäsach ta qui wäch, xane' cäc'oji' na junalic qui c'aslemal.

Romanos 5:8

Are c'u ri Dios cuk'alajisaj chkawäch chi cujulok'ok'ej. Aretak c'ä uj ajmaquib, ri Crist xcäm rumal kech.

Romanos 8:32

Ri Dios mawi ne xutok'obisaj u wäch ri u C'ojol, xane' xujach pa cämical rumal kech konojel. ¿La ma ta cusipaj conojel ri jastak chke ruc' ri u C'ojol?

Hebreos 11:17

Rumal ri cojonic, aretak ri Abraham xtijtobex rumal ri Dios, ri are' xujach ri Isaac che ri Dios. Ri Abraham ri u c'amom ri chi'nic, xusuc'umaj ri u chi'xic ri Isaac ri u c'ojol ri xa' jun c'olic, jacha' che tabal tok'ob.

K'atal tak Tzij 11:31

in quinchi'j che la che tabal tok'ob ri cächajirisaxic, jachin ri nabe quel ulok cho ri wachoch che nu c'ulaxic aretak quintzelej bic pa ri ch'o'j.”

K'atal tak Tzij 11:39

Aretak xtz'akat ri quieb ic', ri ali xtzelej cho rachoch ri u tat, ri are' xuban che ri u mia'l jas ri xuch'ij che ri Ajawaxel. Ri u mia'l ri Jepte, k'apoj xcämic.