Chapletajic 21:8 - Quiché Bible

⁸ Aretak nim chic ri Isaac, xesax puwi' ri tu'. Aretak c'u xesax puwi' ri tu' ri Abraham xuban jun nimalaj nimak'ij.

Chapletajic 21:8 Iomraidhean Croise

Chapletajic 19:3

Are c'u ri Lot sibalaj xucoj na chuk'ab chque, chuq'uisbalil, ri e are' xquinimaj xebe ruc' cho rachoch. Aretak xebopanic, ri Lot xusuc'umaj jun utzalaj wa'im chque re benak k'ij, xuban caxlanwa man c'o ta ch'am ruc', ri tako'nib aj caj xewa'ic.

Chapletajic 21:7

¿Jachin ta xbin che ri Abraham chi quebenwalaj na ralc'ual? Xinwalaj c'u jun u c'ojol pune' sibalaj in nim winak chic.”

Chapletajic 21:9

Xril c'u ri Sara chi ri u c'ojol ri Abraham ri ralam ri Agar ri aj ejipt, cutze'j u wäch ri Isaac.

Chapletajic 26:30

Ri Isaac xuban jun nimalaj nimak'ij chque, ri e are' xewa'ic xukuje' xebuq'uianic.

Chapletajic 29:22

Ri Laban xebusiq'uij conojel ri u c'ulja rech quec'oji' ruc' pa ri nimak'ij rech ri c'ulanem.

Chapletajic 40:20

Churox k'ij c'ut xtz'akat u junab ri ajawinel, xuban jun nimalaj nimak'ij, xerula'j ri nimak qui k'ij, chquiwäch c'ut ri e rula', ri ajawinel xtakan che quesaxic ulok pa ri che' ri qui nimal ri e suc'umal tak u wa'l uva xukuje' ri qui nimal ri e suc'umal tak caxlanwa.

Ucab Samuel 3:20

Xopan c'u pa Hebron jawije' c'o wi ri David achilatal bic cumal juwinak (20) achijab, ri David xuban jun ula'nic che ri Abner xukuje' chque ri e achilaninak.

Nabe Ajawinelab 3:15

Aretak xc'astaj ri Salomon xuch'obo chi ichic' ri xubano. Aretak c'u xopan pa Jerusalen, xuya' rib chuwäch ri caxa re ri u c'ulwächinic ri Ajawaxel, xebuchi'j tabal tak tok'ob ri quechajirisaxic xukuje' tabal tak tok'ob re utzirisan ib. Xucoj na jun wa'im chquiwäch ri rach k'atal tak tzij.

Ri Ester 1:3

Chupam c'ut ri urox junab re ri rajawinic xuban jun nimak'ij che u ya'ic qui k'ij conojel ri e rach k'atal tak tzij, ri quetoban pa ri ajawinic, ri e c'amal tak qui be ri e rajch'ojab aj Pers xukuje' aj Med, xukuje' chque ri k'atal tak tzij xukuje' ri c'ämal tak qui be pa ri u tz'akatil ri ajawibal,

Salmib 131:2

Man c'o ta c'u ne' jas quinbij mawi c'o ta quinbisoj, jacha' jun ac'al ri c'äte cätijtaj ri u tu' ri k'alutal rumal ri u nan. ¡Xak in junam ruc' jun ac'al ri c'äte cätijtaj ri u tu'!

Ri Osey 1:8

Aretak estajinak chic ri Lo-ruham puwi' ri tu', ri Gomer xux chi yawab winak jumul xc'oji' c'u jun ral ala.

K'atal tak Tzij 14:10

Xopan c'u ri u tat ri Sanson cho rachoch ri ali; ri Sanson xuban jun nimak'ij jas ri nak'atisam u banic chquixo'l ri alabom.

K'atal tak Tzij 14:12

Ri Sanson xubij chque we juwinak lajuj ri': “Quinya' jun ch'obonic chiwäch. We quik'alajisaj chnuwäch jas quel cubij pa ri wukub k'ij ri cäbeytaj ri nimak'ij, quinya' jujun i k'u' re lino xukuje' jujun tak iwatz'iak re nimak'ij.

Nabe Samuel 1:22

man xbe ta c'u ri Na'. Xubij c'u che ri rachajil: “Man quinbe ta na c'ä quel na ri ne' puwi' ri tu', c'äte ri' quinc'am bic che u jachic pu k'ab ri Ajawaxel xa c'u jumul chcanaj can chila'.”

Nabe Samuel 1:24

Aretak c'u estajinak chic puwi' ri tu', c'ä ch'utin c'ut xuc'am bic ruc' che u jachic pa ri rachoch Dios ri c'o pa Sil. Xukuje' xebuc'am bic oxib alaj tak ama'ib wacax, cawinak jun (41) libra trico xukuje' jun tz'um u wa'l uva.

Nabe Samuel 25:36

Aretak xopan ri Abigail jawije' c'o ri Nabal, xrilo chi cätajin cuban jun nimak'ij pa ri rachoch cajunamataj ruc' ri cuban jun ajawinel. Sibalaj cätajin cäquicotic sibalaj c'u k'abarel. Rumal ri' man c'o ta jas xubij ri Abigail che xane' c'ä chucab kij.