Chapletajic 21:22 - Quiché Bible

²² Pa tak c'u ri k'ij ri' ri Abimelec xbe che u ch'abexic ri Abraham. Xachilax bic rumal ri Picol, qui nimal ri rajch'ojab. Ri Abimelec xubij che ri Abraham: “Cäkilo chi ri Dios catuto' che ronojel ri cäbano.

Chapletajic 21:22 Iomraidhean Croise

Chapletajic 20:14

Ri Abimelec xutzelej ri Sara che ri Abraham. Xebusipaj u chij, u wacax, lok'om tak pataninelab rech achijab, xukuje' ixokib,

Chapletajic 20:17

Ri Abraham xutz'onoj tok'ob che ri Dios puwi' ri Abimelec, jeri' ri Dios xutzelej ri rutzil u wäch ri Abimelec xukuje' ri rixokil. Xukuje' xebucunaj ri ixokib ri pataninel tak rech rech quec'oji' cal,

Chapletajic 20:2

Aretak c'o ri Abraham chila', man cubij taj chi ri Sara are rixokil, cubij chi rana'b. Ri Abimelec ri ajawinel pa Jerar, xtakan che u c'amic ri Sara rech cuban rixokil che;

Chapletajic 26:26

Xurika' jun k'ij, ri Abimelec xel bic pa Jerar xbe che u tzijobexic ri Isaac. Xachilax bic rumal ri Ahuzat ri rachil xukuje' ri Picol qui nimal ri rajch'ojab.

Chapletajic 26:28

Ri e are' xquibij che: “Kilom chi c'o ri Ajawaxel awuc', rumal ri' xkachomaj chi cakaban jun c'ulwächinic awuc'. Ri c'ulwächinic are wa':

Chapletajic 28:15

In c'o awuc'; catinchajij na apawije' ta ne ri catbe wi, kas c'u catintzelej na ulok pa we ulew ri'. Man catinwonoba' ta canok we ta ma ta quinban na awuc' jas ri nu bim chawe.”

Chapletajic 30:27

Xutzelej c'u u bixic ri Laban che: “Chabana' tok'ob, chatcanaj canok wuc'. In cuininak che retamaxic rumal ch'obonic chi ri Ajawaxel in u tewichi'm rumal awech.

Chapletajic 31:5

xubij chque: “Quinwilo chi ri i tat man je ta chi cuban chwe jas ri nabe; are c'u ri u Dios ri nu tat, c'o wuc' amak'el.

Ucab Samuel 24:7

Xeboc'ow c'u pa Tir xukuje' pa conojel tak ri qui tinimit ri aj hebeyib xukuje' ri aj cananeyib, xebopan c'a pa u mox ri Juda, pa Beerseb.

Ucab Tzijobelil 1:1

Ri Salomon (u c'ojol ri David) xurik u cowirisaxic ri rajawinic rumal ri u to'banic ri Ajawaxel, ri sibalaj xunimarisaj ri u cuinem.

Ri Isaiy 45:14

Ri Ajawaxel cubij che ri Israel: “Ri ajchaquib aj Ejipt, ri ajc'ayib aj Etiopiy xukuje' ri winak aj Saba ri nimak cakan, cäquijach na quib pa k'ab, quebux c'u na jacha' e a pataninelab ri e lok'om; quexim na cuc' tikom ch'ich', queteri na chawij, cäquimej na quib chawäch, cäquita' na tok'ob chawe: ‘Kas ba tzij chi c'o ri Dios chixo'l, man c'o ta chi jun, man c'o ta chi na dios.’ ”

Ri Isaiy 8:10

Chebibana' i chomanic, queyojix c'u na; chi chomaj u banic ri quiwaj, man cabantaj ta c'u na ri quiwaj, rumal c'u rech chi c'o ri Dios kuc'.

Ri Zacariy 8:23

Chupam ri k'ijol ri' lajuj winak ri e quech jule' nimak tak tinimit chic caquichap na jun aj judey che ri ratz'iak, caquibij c'u na che: ‘¡Cakaj cujbe iwuc', ka tom c'ut chi c'o ri Dios iwuc'!’ ”

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

1 Corintios 14:25

quel na chi sak ri jastak ri e c'o pa ranima'. Je c'u ri' chi cutzak na rib cho ri ulew, cuk'ijilaj na ri Dios xukuje' cubij c'ut chi kastzij c'o ri Dios iwuc'.

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Ri Josue 3:7

Xubij c'u ri Ajawaxel che ri Josue: “Camic quinchaplej bic u nimarisaxic a k'ij chquiwäch ri aj israelib. Jeri' ri e are' caquil na chi in c'o awuc' jacha' ri xinc'oji' ruc' ri Moises.

Apocalipsis 3:9

Chawilampe', quinban na chque ri e re ri u comon ri Satanas, ri cäquibij quib chi e aj judeyib, man e aj judeyib ta c'ut, xak c'u cäquiban tzij, chawilampe', quinban na chi quepetic, quexuqui' chquiwäch ri e awakan, cäquetamaj c'ut chi at nu lok'ok'em.

Nabe Samuel 24:22

Ri David xuban ri chi'nic ri kas cäban na pa ri u bi' ri Ajawaxel chuwäch ri Saul, xtzelej c'ut ri Saul pa ri rachoch, are c'u ri David xukuje' ri achijab ri e c'o ruc' xebe pa ri to'bal ib ri e c'o wi.

Nabe Samuel 3:19

Ri Samuel xnimaric, xto' rumal ri Ajawaxel man c'o ta ne jun chque tak ri e u chi'nic ri ma ta xebutz'akatisaj.