Chapletajic 20:7 - Quiché Bible

⁷ Chatzelej ba' ri rixokil we achi ri', ri are' k'axal c'u tzij cutz'onoj c'u tok'ob pawi' rech catc'asi' na, we c'u man catzelej che, ri at xukuje' ri e c'o pa ri awachoch quixcäm na.”

Chapletajic 20:7 Iomraidhean Croise

Chapletajic 12:15

xukuje' ri nimak qui k'ij ri e c'o ruc' ri paraon ri ajawinel pa Ejipt xquil ri Saraiy, xequibij c'u che chi sibalaj je'lic we ixok ri'. Xquic'am c'u bic pa ri rachoch ri ajawinel.

Chapletajic 12:17

U mac c'u rech ri Saraiy, ri Ajawaxel xuc'äjisaj u wäch ri ajawinel, xukuje' conojel ri e c'o pa ri rachoch cuc' nimak tak yabil.

Chapletajic 2:17

Matij awe ri u wäch ri che' ri', we catijo kastzij catcäm na.”

Chapletajic 20:18

u mac c'u rech ri Sara, ri Ajawaxel u banom chi man c'o ta jun chque ri ixokib ri e c'o pa ri rachoch ri Abimelec quec'oji' ta ral.

Chapletajic 20:3

xch'abex c'u ri Abimelec pa u waram rumal ri Dios pa ri ak'ab ri', xubij ri Dios che: “Catecämok, rumal rech chi c'ulanic ri ixok ri a c'amom.”

Chapletajic 20:8

Ak'ab xwalij ri Abimelec chucab k'ij xebumulij conojel ri pataninel tak rech, xubij c'u chque ronojel ri xrichic'aj. Aretak xquito', sibalaj xquixe'j quib.

Chapletajic 23:6

“¡Tat, bana' la tok'ob, chujtatabej la! Ri lal chkaxo'l lal jun cha'talic rumal ri Dios. Muku' ri ixokil la chquipam ri e ka mukubal ri sibalaj je'lic, man c'o ta c'u jun chke ri ma ta chuya' ri u mukubal che wa'.”

Ucab Samuel 24:17

Aretak c'u xril ri David ri tako'n aj caj ri quebucämisaj ri winak, xubij che ri Ajawaxel: “¡In ri in macuninak! ¡In ri in ajchak'mac! ¿Jas c'ut ri qui banom we winak ri' ri man c'o ta qui mac? ¡In quinbochi'n che la chi ri c'äjisabal wächaj ri caya' la chkaj panuwi' xukuje' paquiwi' ri wachalaxic!”

Nabe Ajawinelab 13:6

Xbe c'u u wäch ri ajawinel ruc' ri k'axal tzij xubij che: “Catinbochi'j chi chatch'aw panuwi' ruc' ri Ajawaxel, rech cacunataj ri nu k'ab.” Ri k'axal tzij xubochi'j ri Ajawaxel, xcunataj c'ut ri u k'ab ri ajawinel, xcanaj jacha' ri nabe.

Ucab Ajawinelab 5:11

Ri Naaman xoyowaric, xtzelejic je xubij wa: “Are pa nu c'u'x chi quel ulok che nu c'ulaxic, tac'al ta c'ut cunataj ta c'ut ri Ajawaxel ri u Dios, xroc'owisaj ta c'ut ri u k'ab puwi' ri c'o wi ri yabilal, je ta c'u xuban wa' che resaxic ri ch'a'c ri c'o chwij.

Nabe Tzijobelil 16:22

‘Mebinak tak ri e chatajinak wumal, mawi mebic'äxc'obisaj tak ri e nu k'axal tzij.’

Ucab Tzijobelil 30:18

Tinimit winak c'ut ri xebopanic, aj Eprain, aj Manases, aj Isacar xukuje' aj Zabulon xquitij que ri wa re ri Oc'owem, man je ta c'u xquibano jas ri tz'ibatalic, man qui josk'im ta c'u quib. Are c'u ri Ezequiy xuban ch'awem ruc' Dios paquiwi', je xubij wa': “Ajawaxel ri sibalaj quel c'u'x la, sacha' la qui mac conojel ri e petinak ruc' jun jicalaj canima' che u rikic quib uc' la.

Ri Job 34:19

Ri are' man cucoj ta rib cuc' tak ri k'atal tak tzij, mawi are ta cutok'obisaj qui wäch ri k'inomab chquiwäch ri mebayib, are' c'u xebanow conojel.

Ri Job 42:8

Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”

Salmib 25:14

Ri Ajawaxel ranima' rib cuc' jachintak ri nim caquil wi, cuya' c'u retamaxic ri u c'ulwächinic chque.

Elem 18:17

Are c'u ri Jetro ri u ji' xubij che: “Man utz taj ri cabano,

Elem 4:16

Ri at cattzijon ruc' ri Aaron je ta ne ri in ri quinch'awic, are c'u ri Aaron cubij na chque ri winak ri cabij na che.

Elem 7:1

Xubij c'u ri Ajawaxel che ri Moises: “Chawilampe', quinya' chawe chi caban nu q'uexwäch ruc' ri paraon ri ajawinel, are c'u ri awachalal Aaron are ri cäch'aw che a q'uexwäch ruc' ri ajawinel.

Ri Jeremiy 14:11

Ri Ajawaxel xubij chwe: “Minabochi'j chi quenbana' utzil che we tinimit ri'.

Ri Jeremiy 15:1

Ri Ajawaxel xubij chwe: “Pune' ta ne ri Moises rachil ri Samuel quelquitac'aba' ta quib waral, chnuwäch in, man quel ta na nu c'u'x che we tinimit ri'. Chabij chque chi chebel chnuwäch, chi cheboj.

Ri Jeremiy 27:18

We kas e k'axal nu tzij we c'u kastzij chi in tzijoninak cuc' quitz'onoj ba' chwe, ri Ajawaxel ri c'o ronojel u cuinem, chi minya' c'olbal chi chec'am bic pa Babilon ri chaconisan ri c'ä e canajinak chupam ri rachoch Dios, chupam ri rachoch ri ajawinel re Juda xukuje' pa Jerusalen.’

Ri Ezequiel 3:18

We ne quinya' apan u bixic chi cape ri cämical puwi' jun banal etzelal; we c'u man caya' u bixic che ri banal etzelal chi chutanaba' u banic ri etzelal rech cutakej c'aslem, ri are' cäcäm na rumal ri u mac, quinta' c'u na chawe jasche xcämic.

Ri Ezequiel 33:8

We ne cac'ulmatajic chi quinya' u bixic chi cäcäm ri jun banal etzelal; we c'u ri at man catch'aw ta ruc' che u bixic che chi chuq'uexa' ri u c'aslemal, man cuban ta c'ut ri are', we banal etzelal ri' cäcäm na rumal ri u mac, are c'u ri in quintok'ij na ri u cämical pa a k'ab.

Aj Levitib 6:4

Cux ajchak'mac che we mac ri'. Cutzelej na ri reläk'am o ri xak u tokim, o ri u tzakom wi u k'ab, o ri jasach ri u rikom,

Aj Levitib 6:7

Ri cojol tabal tok'ob curik na ri cuyubal u mac we winak ri' pa u k'ab ri Ajawaxel chque jun chque we jastak ri' ri macuninak wi, cäcuyutaj c'ut ri u mac.”

Hechos 8:24

Ri Simon xubij che: “Chibochi'j ba' ri Ajawaxel panuwi', rech man cäpe ta panuwi' jun chque we jastak ri' ri i bim.”

1 Corintios 14:4

Ri jun ri cätzijon pa tak ch'abal, are cuya' u chuk'ab chbil rib. Are c'u ri jun ri cuk'axej ri u tzij ri Dios chque ri winak, are cuya' qui chuk'ab ri e re ri comon cojonelab.

Hebreos 1:1

Ri Dios q'ui mul xebuch'abej can ri e ka mam ojer, q'ui qui ch'abexic xubano cumal ri k'axal tak tzij.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

1 Juan 5:16

We c'o jun ri cäril ri rachalal chi cuban jun mac ri man re ta cämical, chubana' ch'awem puwi', cäya' c'u na u c'aslemal ri jun ri cuban jun mac man re ta cämical. C'o mac re cämical. Man quinbij ta c'ut chi cäban ch'awem ruc' Dios puwi' wa'.

Nabe Samuel 12:19

Rumal ri' conojel xquibij che ri Samuel: “Bochi'j ba' la ri Ajawaxel ri Dios la paquiwi' we pataninel tak ech la ri', rech man cujcäm taj; chque c'ut conojel ri ka mac ka tikom ri u tz'onoxic jun ajawinel.”

Nabe Samuel 12:23

Are c'u ri in minutzokopij ri Ajawaxel chi quinmacun ta chrij are' chi chintanaba' ta tz'ononic piwi' xukuje' ri u c'utic ri utzalaj be chiwäch ri suc'.

Nabe Samuel 7:5

Xuya' c'u takanic ri Samuel, xubij: “Chebimulij conojel ri aj israelib pa Mizpa, quinbochi'j c'u na ri Ajawaxel paquiwi'.”

Nabe Samuel 7:8

xquibij c'u che ri Samuel: “Mätanaba' la u bochi'xic ri Ajawaxel ri ka Dios pakawi' rech man cujkaj ta pu k'ab ri qui cuinem ri aj pilisteyib.”