Chapletajic 2:4 - Quiché Bible

⁴ Are wa' ri u tzijobelil ri u banic ri caj xukuje' ri ulew. Aretak ri Ajawaxel Dios xuban ri caj ulew,

Chapletajic 2:4 Iomraidhean Croise

Chapletajic 1:1

Aretak xchapletaj u banic ronojel ri c'olic, ri Dios xuban ri caj ulew.

Chapletajic 1:28

xebutewichi'j: “Chec'ol q'ui iwalc'ual; chinojisaj ri uwächulew, chixtakan puwi'; xukuje' chixtakan paquiwi' ri cär, xukuje' paquiwi' ri chicop ri e c'o qui xic', xukuje' paquiwi' conojel ri awaj ri cäquijururej quib puwi' ri ulew.”

Chapletajic 1:3

Xubij c'u ri Dios: “¡Chc'ol ri sakilal!” Xc'oji' c'u ri sakil.

Chapletajic 1:31

xril c'u ri Dios chi ronojel ri u banom sibalaj utz xelic. Jewa' ri u tz'akatisaxic ri uwak k'ij.

Chapletajic 1:4

Xril c'u ri Dios chi utz ri sakilal, xutas ri sakilal che ri k'ekumalil,

Chapletajic 10:1

E are wa' ri e qui ija'lil ri Sem, ri Cam, xukuje' ri Japet, ri e u c'ojol ri Noe, ri xebalaxic aretak oc'owinak chic ri k'ekal jäb.

Chapletajic 11:10

E are' tak wa' ri e rija'lil ri Sem. Quieb junab oc'owinak chic ri k'ekal jäb, aretak ri Sem c'o chic jun sient u junab xil u wäch ri Arpaxad ri u c'ojol.

Chapletajic 2:3

Xutewichi'j c'ut ri uwuk k'ij, xuk'alajisaj c'ut chi tastalicalaj k'ij, rumal rech chi pa we k'ij ri' xtani' che u banic ronojel ri chac ri xebubano'.

Chapletajic 25:12

E are wa' ri e u c'ojol ri Ismael ri u c'ojol ri Abraham ruc' ri Agar, ri aj ejipt ri lok'om pataninel rech ri Sara.

Chapletajic 25:19

Are wa' ri u tzijobelil ri Isaac ri u c'ojol ri Abraham.

Chapletajic 36:1

E are wa' ri e rija'lil ri Esau ri cäbix Edom che.

Chapletajic 36:9

E are wa' ri e rija'lil ri Esau e qui mam ri aj Edom ri xec'oji' pa ri c'ache'laj ulew re Seir.

Chapletajic 5:1

E are wa' ri cajilabal ri e rija'lil ri Adan. Aretak ri Dios xebuban ri winak, xuwinakirisaj jas ri u ca'yebal ri Dios;

Nabe Ajawinelab 18:39

Aretak xilitaj wa', conojel ri winak xquimej quib c'ä xquiya' na ri qui palaj cho ri ulew, xquibij c'ut: “¡Ri Ajawaxel are' ri Dios, ri Ajawaxel are' ri Dios!”

Ucab Tzijobelil 20:6

xtz'onon c'ut: “Ajawaxel, qui Dios ri e ka mam, ¡lal ri' ri Dios re chicaj, lal ri cättakan la paquiwi' conojel ri nimak tak tinimit! ¡Pa k'ab la e c'o wi ri chuk'ab xukuje' ri cuinem: man c'o ta jun cacuin ta che u k'atixic wäch la!

Ri Job 38:28

¿Jachin ri u tat ri jäb xukuje' ri räxk'ab?

Ri Job 38:4

¿Jawije' at c'o wi aretak ri in co xintiq'uiba' ri uwächulew? ¡Chabij chwe, we kas nim ri awetamabal!

Salmib 18:31

¿Jachin ta ri Dios we ta ma ta are' ri Ajawaxel? ¿Jachin ta jun Dios chic ri cäcuin ta che ka ch'ukic?

Salmib 86:10

Xuwi c'u ri lal lal Dios; ¡nim banic la xukuje' queban la tak mayibal!

Elem 15:3

Ri Ajawaxel are jun nimalaj ch'ojinel, Ajawaxel ¡are u bi' wa'!

Elem 6:16

Ri Levi xc'asi' jun sient ruc' juwinak wuklajuj (137) junab, e are wa' ri qui bi' ri e u c'ojol, cächapletaj ruc' ri nabeal queq'uis ruc' ri ch'i'p, ri Jerson, ri Coat, ri Merar.

Ri Isaiy 44:6

Ri Ajawaxel, ri ajawinel xukuje' torol c'u re ri Israel, ri Ajawaxel ri c'o ronojel u cuinem cubij: “In ri nabe xukuje' ri q'uisbal chnuwäch in man c'o ta chi jun dios.

Apocalipsis 1:4

In Xuan quintz'ibaj chque ri wukub comon cojonelab ri e c'o pa Asiy. Chic'ama' ri tok'ob xukuje' ri jamaril che ri ri c'olic, ri c'o ulok, ri cäpe na, xukuje' chque ri wukub uxlabal ri e c'o chuwäch ri u tem re ajawibal,

Apocalipsis 1:8

“In ri' ri nabe xukuje' ri q'uisbal,” cächa ri Ajawaxel ri Dios, ri c'olic, ri c'o ulok ojer, ri cäpe c'u na, ri c'o ronojel u cuinem.

Apocalipsis 11:17

Xquibij: “Cäkamaltioxij che la, Ajawaxel, Dios ri c'o ronojel cuinem uc' la, ri c'o la, ri c'o la ulok ojer, xukuje' cäpe na la, rumal rech chi c'amom la ri nimalaj chuk'ab la lal c'u ajawininak.

Apocalipsis 16:5

Xinta' c'u ri tako'n aj caj que tak ri ja' ri je xubij wa': “Lal ri' ri lal suc', ri c'o la, ri c'o la ulok ojer, ri tastalic ri man queban ta la etzelal, rumal rech chi k'atom la tzij paquiwi' we jastak ri'.